Երբ FEMA-ն ուսումնասիրի ձեր դիմումը, զննման արդյունքները և (կամ) ներկայացված փաստաթղթերը, դուք կստանաք նամակ, որում կբացատրվի հետևյալը․
- արդյոք ձեր օգնությունը հաստատվել է
- որքան օգնություն եք ստանալու
- ինչպես պետք է օգտագործվի օգնությունը
- ինչպես բողոքարկել FEMA-ի որոշումը, եթե համաձայն չեք դրա հետ
Նամակը ձեզ կուղարկվի էլ․ փոստով կամ փոստով՝ կախված նրանից, թե ձեր դիմումը լրացնելիս ինչ եք ընտրել։
Մինչև 2024 թ․ մարտի 22-ը հայտարարված աղետների համար անհրաժեշտ կլինի SBA վարկի դիմում ներկայացնել՝ նախքան FEMA-ի օգնության որոշակի տեսակների համար դիտարկվելը։ Իմացեք ավելին SBA վարկերի և այն մասին, թե SBA վարկի դիմումի գործընթացը ինչ կապ ունի աղետների համար տրամադրվող FEMA-ի օգնության հետ։
Եթե համաձայն չեք FEMA-ի որոշման հետ, կարող եք բողոքարկել: Բողոքարկման դիմումը պետք է ներկայացնել որոշման նամակի ամսաթվին հաջորդող 60 օրվա ընթացքում։
Ձեր ստացած նամակի կամ բողոքարկման դիմում ներկայացնելու վերաբերյալ հարցեր ունենալու դեպքում զանգահարեք FEMA-ի թեժ գծի 800-621-3362 համարով։ Եթե լսողության կամ տեսողության խնդիրների պատճառով օգտագործում եք տեսակապ (VRS), ենթագրերով հեռախոսային ծառայություն կամ այլ միջոցներ, FEMA-ին տվեք այդ ծառայության ձեր համարը։
Ինչ փաստաթղթեր ներառել բողոքարկման դիմումում
FEMA-ի կողմից ուղարկված նամակում կտրամադրվեն լրացուցիչ տեղեկություններ այն մասին, թե ինչ տեսակի փաստաթղթեր կամ տեղեկություններ է անհրաժեշտ ներկայացնել, եթե ընտրեք բողոքարկել FEMA-ի սկզբնական որոշումը։ Փաստաթղթերը վերաբերում են կոնկրետ ընդունված որոշմանը: Օրինակ՝ եթե բողոքարկում եք ձեր տան վերանորոգման համար լրացուցիչ օգնության հատկացումը, FEMA-ին պետք է տրամադրեք աղետի արդյունքում ձեր տան համար անհրաժեշտ վերանորոգման դիմաց ստացած բոլոր անդորրագրերը, հաշիվները կամ նախահաշիվները։ Եթե տուժել եք 2024 թ․ մարտի 22-ից հետո հայտարարված աղետից, բողոքարկման համար պարտադիր չէ ուղարկել բողոքարկման ստորագրված նամակ ձեր փաստաթղթերով հանդերձ։
Նամակի հետ մեկտեղ FEMA-ն կտրամադրի բողոքարկման ձևը, որը կարող է օգտագործվել լրացուցիչ տեղեկություններ տրամադրելու համար, եթե որոշեք տրամադրել: Կարող եք նաև ներբեռնել բողոքարկման ձևը։
FEMA-ին որևէ փաստաթուղթ կամ տեղեկություն ներկայացնելիս պետք է յուրաքանչյուր էջում ներառեք FEMA-ին ներկայացրած ձեր դիմումի համարը և աղետի համարը։
Մինչև 2024 թ․ մարտի 22-ը
Եթե տուժել եք մինչև 2024 թ․ մարտի 22-ը հայտարարված աղետից, պարտադիր պետք է ներկայացնեք բողոքարկման ստորագրված նամակ՝ բացատրելով, թե ինչու եք կարծում, որ օգնության գումարի կամ տեսակի մասին ձեր ստացած որոշումը սխալ է։
Այս նամակը, իր լրումն ձեր նոր կամ լրացուցիչ տեղեկությունների կամ փաստաթղթերի, նախկինում չի ներկայացվել։ Դուք կամ ձեր համատեղ դիմումատուն պետք է ստորագրեք նամակը: Կարող եք նամակի փոխարեն ուղարկել նաև բողոքարկման ստորագրված ձևը։
Բողոքարկման փաստաթղթերի ներկայացման եղանակները
Բողոքարկման ձեր փաստաթղթերը կարող եք ներկայացնել առցանց, անձամբ, փոստով կամ ֆաքսով։
Եթե որոշեք, որ բողոքարկումը ձեր անունից պետք է ներկայացնի որևէ երրորդ կողմ, կցեք ձեր կողմից ստորագրված տեղեկանք, որով երրորդ կողմին թույլատրում եք ձեր անունից բողոքարկել որոշումը, եթե այդ փաստաթղթերը արդեն գործի թղթապանակում ներառված չեն։
Առցանց
Եթե առցանց հաշիվ եք բացում, բողոքարկումները կարելի է կառավարել այդ հաշվի միջոցով։ Այցելեք DisasterAssistance.gov մուտք գործեք ձեր հաշիվ և «Հաղորդակցում» բաժնի «Վերբեռնումների կենտրոնի» միջոցով վերբեռնեք բոլոր ուղեկցող փաստաթղթերը։
Անձամբ
Բողոքարկման ձեր փաստաթղթերը կարող եք տանել Աղետներից հետո վերականգնման կենտրոն։
Փոստով
Բողոքարկման ձեր փաստաթղթերը փոստով ուղարկեք հետևյալ հասցեին․
FEMA - Individuals & Households Program National Processing Service Center
P.O. Box 10055
Hyattsville, MD 20782-8055
Ֆաքսով
Բողոքարկման ձեր փաստաթղթերը ֆաքսով ուղարկեք հետևյալ համարին․
(800) 827-8112
Ուշադրություն. FEMA - Անհատների և տնային տնտեսությունների ծրագիր
Բողոքարկման դիմումը ներկայացնելուց հետո
Բողոքարկման բոլոր դիմումներն ուսումնասիրվում են։ Որոշումները սովորաբար կայացվում են բողոքարկումն ստանալուց հետո 30 օրվա ընթացքում, սակայն որոշման կայացումը կարող է տևել նաև մինչև 90 օր։ Եթե որոշման կայացման համար FEMA-ն բավարար տեղեկություններ չունենա, ձեզնից կարող են լրացուցիչ տեղեկություններ պահանջել։
Ձեր բողոքարկման պատասխանի մասին կծանուցվեք գրավոր՝ փոստով կամ DisasterAssistance.gov կայքում FEMA-ին դիմելու ժամանակ ձեր ստեղծած հաշվի միջոցով։
Անհատների և տնային տնտեսությունների ծրագրով պարտքի հավաքագրման (փոխհատուցում) բողոքարկումը
Եթե ստացել եք նամակ «Հավանական պարտավորության ծանուցման մասին», կարևոր է նամակն ուշադիր կարդալը։
Կարող եք պարտավորության նամակն ստանալու օրվանից հետո 60 օրվա ընթացքում գրավոր բողոքարկել որոշումը և պահանջել լսումներ։ Երբ FEMA-ն որոշում է, որ պարտավորության հարցը հնարավոր չէ լուծել բացառապես թղթային ֆայլի ուսումնասիրմամբ, նշանակվում են բանավոր լսումներ։
Լսումը ձեր հայցին աջակցող համապատասխան ապացույց (օր․՝ վկայություն կամ լրացուցիչ փաստաթղթեր) ներկայացնելու հնարավորություն է։
Գործընթացի մասին ավելին իմանալու համար այցելեք Անհատների և տնային տնտեսությունների ծրագրով պարտքի հավաքագրման (փոխհատուցում) բողոքարկումը լսումների էջը։