តើខ្ញុំដាក់បណ្តឹងឧទ្ធរណ៍លើការសម្រេចចិត្តរបស់ FEMA ដោយរបៀបណា?

នៅពេលដែល FEMA បានពិនិត្យពាក្យស្នើសុំរបស់អ្នក លទ្ធផលនៃការចុះអធិការកិច្ច និង/ឬឯកសារដែលបានដាក់ជូន អ្នកនឹងទទួលបានលិខិតមួយពន្យល់ថា៖

• តើអ្នកត្រូវបានផ្តល់ជំនួយឬទេ
• តើជំនួយប៉ុន្មានដែលអ្នកនឹងទទួលបាន
• តើត្រូវប្រើប្រាស់ជំនួយនោះរបៀបណា
• របៀបដាក់បណ្តឹងឧទ្ធរណ៍លើសេចក្តីសម្រេចរបស់ FEMA ប្រសិនបើអ្នកមិនយល់ស្របនឹងការសម្រេចនោះ

លិខិតនឹងត្រូវបានផ្ញើទៅអ្នកតាមអ៊ីមែល ឬប្រៃសណីយ៍ដោយផ្អែកលើអ្វីដែលអ្នកបានជ្រើសរើសនៅពេលអ្នកបំពេញពាក្យស្នើសុំរបស់អ្នក។

ប្រសិនបើអ្នកមិនយល់ស្របនឹងការសម្រេចចិត្តរបស់ FEMA អ្នកអាចដាក់បណ្តឹងឧទ្ធរណ៍បាន។ ត្រូវដាក់បញ្ជូនពាក្យបណ្តឹងនោះក្នុងរយៈពេល 60 ថ្ងៃគិតចាប់ពីថ្ងៃនៃការចេញលិខិតសម្រេច។

ប្រសិនបើអ្នកមានសំណួរទាក់ទងនឹងលិខិត ដែលអ្នកបានទទួល ឬរបៀបដាក់បណ្ដឹងតវ៉ា សូមហៅទៅ ខ្សែទូរសព្ទជំនួយរបស់ FEMA តាមលេខ 800-621-3362។ ប្រសិនបើអ្នកប្រើសេវាកម្មបញ្ជូនបន្តវីដេអូ (VRS) សេវាកម្មទូរសព្ទដែលមានអក្សររត់លើអេក្រង់ ឬផ្សេងទៀត សូមផ្តល់លេខរបស់អ្នកទៅ FEMA សម្រាប់សេវាកម្មនោះ។

លិខិតដែលបានផ្ញើចេញពី FEMA នឹងផ្តល់ព័ត៌មានបន្ថែមអំពីប្រភេទឯកសារ ឬព័ត៌មានដែលនឹងត្រូវផ្តល់ជូន ប្រសិនបើអ្នកជ្រើសរើសដាក់បណ្តឹងឧទ្ធរណ៍ចំពោះការសម្រេចចិត្តដំបូងរបស់ FEMA។ ឯកសារអនុវត្តជាពិសេសចំពោះការសម្រេចចិត្តដែលបានធ្វើឡើង។ ឧទាហរណ៍ ប្រសិនបើអ្នកកំពុងដាក់បណ្តឹងឧទ្ធរណ៍ជំនួយបន្ថែមដើម្បីជួយជួសជុលផ្ទះរបស់អ្នក អ្នកត្រូវផ្តល់ឱ្យ FEMA នូវបង្កាន់ដៃ វិក្កយបត្រ ឬការប៉ាន់ស្មានពីថ្លៃជួសជុលដែលបានទទួលសម្រាប់ការជួសជុលដែលត្រូវការសម្រាប់ផ្ទះរបស់អ្នក ដែលបណ្តាលមកពីគ្រោះមហន្តរាយនេះ។ ប្រសិនបើអ្នកបានទទួលរងផលប៉ះពាល់ដោយគ្រោះមហន្តរាយដែលត្រូវបានប្រកាសបន្ទាប់ពីថ្ងៃទី 22 ខែមីនា ឆ្នាំ 2024 អ្នកមិនតម្រូវឱ្យផ្ញើលិខិតបណ្តឹងឧទ្ធរណ៍ដែលបានចុះហត្ថលេខាជាមួយឯកសាររបស់អ្នកសម្រាប់បណ្តឹងឧទ្ធរណ៍នោះទេ។

នៅពេលបញ្ជូនឯកសារ ឬព័ត៌មានទៅ FEMA អ្នកត្រូវតែដាក់លេខពាក្យសុំ FEMA និងលេខគ្រោះមហន្តរាយរបស់អ្នកនៅគ្រប់ទំព័រ។

អ្នកអាចដាក់បញ្ជូនឯកសារបណ្តឹងឧទ្ធរណ៍របស់អ្នកតាមអនឡាញ ដោយផ្ទាល់ តាមប្រៃសណីយ៍ ឬតាមទូរសារក៏បាន។

ប្រសិនបើអ្នកបង្កើតគណនីអនឡាញ អាចចាត់ចែងបណ្តឹងឧទ្ធរណ៍តាមរយៈគណនីនេះបាន។ ចូលទៅកាន់ DisasterAssistance.gov ចូលទៅក្នុងគណនីរបស់អ្នក និងដើម្បីអាប់ឡូតឯកសារគាំទ្រទាំងអស់ដោយប្រើ"មជ្ឈមណ្ឌលអាប់ឡូត" ដែលត្រឹមត្រូវ។

អ្នកអាចយកឯកសារបណ្តឹងតវ៉ារបស់អ្នកទៅកាន់ មជ្ឈមណ្ឌលសង្គ្រោះគ្រោះមហន្តរាយ។

ផ្ញើឯកសារបណ្តឹងឧទ្ធរណ៍របស់អ្នកទៅ៖

ទូរសារឯកសារបណ្តឹងឧទ្ធរណ៍របស់អ្នកទៅ៖

បណ្តឹងឧទ្ធរណ៍ទាំងអស់ត្រូវបានពិនិត្យ។ ការសម្រេចចិត្តជាធម្មតាត្រូវបានធ្វើឡើងក្នុងរយៈពេល 30 ថ្ងៃបន្ទាប់ពីទទួលបានបណ្តឹងឧទ្ធរណ៍ ប៉ុន្តែវាអាចចំណាយពេលរហូតដល់ 90 ថ្ងៃសម្រាប់ការសម្រេចចិត្ត។ អាចមានការស្នើសុំព័ត៌មានបន្ថែមពីអ្នក ប្រសិនបើ FEMA មិនមានព័ត៌មានគ្រប់គ្រាន់ដើម្បីធ្វើការសម្រេចចិត្ត។

អ្នកនឹងទទួលបានការជូនដំណឹងជាលាយលក្ខណ៍អក្សរអំពីការឆ្លើយតបចំពោះបណ្តឹងតវ៉ារបស់អ្នក តាមសំបុត្រ ឬតាមរយៈគណនី DisasterAssistance.gov ដែលអ្នកបានបង្កើតនៅពេលអ្នកដាក់ពាក្យជាមួយ FEMA។

ប្រសិនបើអ្នកបានទទួលការជូនដំណឹងអំពីលិខិតបំណុលដែលអាចកើតមាន នេះជារឿងសំខាន់ដែលត្រូវអានសំបុត្រដោយប្រុងប្រយ័ត្ន។

អ្នកអាចប្តឹងឧទ្ធរណ៍ចំពោះការសម្រេចចិត្តជាលាយលក្ខណ៍អក្សរ និងស្នើសុំសវនាការក្នុងរយៈពេល 60 ថ្ងៃចាប់ពីថ្ងៃទទួលបានលិខិតបំណុល។ សវនាការផ្ទាល់មាត់ត្រូវបានកំណត់ពេលនៅពេលដែល FEMA កំណត់ថាការសាកសួរនៃបំណុលមិនអាចដោះស្រាយបានដោយការពិនិត្យមើលឯកសារក្រដាសស្នាមតែមួយមុខប៉ុណ្ណោះទេ។

សវនាការគឺជាឱកាសមួយដើម្បីបង្ហាញភស្តុតាងដែលពាក់ព័ន្ធ (ឧ. សក្ខីកម្ម ឬឯកសារបន្ថែម) ដើម្បីគាំទ្រដល់ការទាមទាររបស់អ្នក។ សូមចូលមើល ទំព័រសវនាការបណ្តឹងតវ៉ានៃការប្រមូលបំណុលកម្មវិធីបុគ្គល និងគ្រួសារ (ការសងបំណុល) ដើម្បីស្វែងយល់បន្ថែមអំពីដំណើរការនេះ។