កម្មវិធីបុគ្គល និងគ្រួសារ (IHP) ផ្តល់ហិរញ្ញវត្ថុ និងសេវាកម្មដោយផ្ទាល់ដល់បុគ្គល និងគ្រួសារដែលមានសិទ្ធិទទួលបានជំនួយពីផលប៉ះពាល់ដោយគ្រោះមហន្តរាយ ដែលមានការចំណាយ និងតម្រូវការចាំបាច់ផ្សេងទៀតដែលមិនមានធានារ៉ាប់រង ឬមានធានារ៉ាប់រងមិនគ្រប់គ្រាន់។ ជំនួយ IHP មិនមែនជាការជំនួសសម្រាប់ការធានារ៉ាប់រងទេ ហើយមិនអាចទូទាត់សងសម្រាប់ការខូចខាតទាំងអស់ដែលបណ្តាលមកពីគ្រោះមហន្តរាយនោះដែរ។ ជំនួយនេះមានគោលបំណងបំពេញតម្រូវការមូលដ្ឋានរបស់អ្នក និងជាជំនួយបន្ថែមដល់ការស្តារឡើងវិញចំពោះគ្រោះមហន្តរាយ។
FEMA ប្តេជ្ញាផ្តល់សិទ្ធិទទួលបានជំនួយស្មើៗគ្នាចំពោះធនធាន និងជំនួយស្តារឡើងវិញចចំពោះគ្រោះមហន្តរាយ។ ផ្តល់ដំណឹងដល់ FEMA ប្រសិនបើអ្នក ឬនរណាម្នាក់ក្នុងគ្រួសាររបស់អ្នកមានពិការភាព ឬតម្រូវការភាសា (តំណភ្ជាប់ជាភាសាអង់គ្លេស)។
ជំនួយ IHP អាចមានដូចជា៖
- មូលនិធិសម្រាប់ លំនៅឋានបណ្តោះអាសន្ន ខណៈពេលដែលអ្នកមិនអាចរស់នៅក្នុងផ្ទះរបស់អ្នក ដូចជាជំនួយសម្រាប់ការជួល ឬសំណងសម្រាប់ថ្លៃសណ្ឋាគារ
- បន្ទប់សម្រាប់ស្នាក់នៅបណ្តោះអាសន្ន ប្រសិនបើត្រូវបានអនុម័តសម្រាប់គ្រោះមហន្តរាយ នៅពេលដែលអ្នកមិនអាចប្រើប្រាស់ជំនួយសម្រាប់ការជួល ដោយសារកង្វះធនធានលំនៅឋានដែលមាន
- មូលនិធិដើម្បីគាំទ្រដល់ ម្ចាស់ផ្ទះក្នុងការជួសជុលផ្ទះ ឬ ឬការផ្លាស់ប្តូរបរិក្ខារប្រើប្រាស់ សម្រាប់ធ្វើជាលំនៅឋានស្នាក់នៅជាអចិន្ត្រៃយ៍របស់គ្រួសារ រួមទាំងផ្លូវសម្រាប់ប្រើប្រាស់ជាឯកជន ដូចជាផ្លូវចូលមុខផ្ទះ ថ្នល់ ឬស្ពានជាដើម
- មូលនិធិសម្រាប់ ជំនួយកាត់បន្ថយគ្រោះថ្នាក់ ដើម្បីជួយដល់ម្ចាស់ផ្ទះដែលមានសិទ្ធិទទួលបានមូលនិធិសម្រាប់ជួសជុល ឬសាងសង់ឡើងវិញនូវផ្ទះដែលរឹងមាំ និងប្រើប្រាស់បានយូរជាងមុន (តំណភ្ជាប់ជាភាសាអង់គ្លេស)
- មូលនិធិសម្រាប់ ការចំណាយ និងតម្រូវការចាំបាច់ផ្សេងៗដែលបង្កឡើងដោយគ្រោះមហន្តរាយ ដែលមិនមានធានារ៉ាប់រង ឬមានធានារ៉ាប់រងមិនគ្រប់គ្រាន់
ច្បាប់ឯកជនភាពតម្រូវឱ្យ FEMA ទទួលបានការយល់ព្រមជាលាយលក្ខណ៍អក្សរពីអ្នកដាក់ពាក្យស្នើសុំ ដើម្បីចែករំលែកកំណត់ត្រាជំនួយគ្រោះមហន្តរាយរបស់ពួកគេជាមួយភាគីទីបី។ អ្នកដាក់ពាក្យស្នើសុំដែលមានបំណងអនុញ្ញាតឱ្យ FEMA ចែករំលែកព័ត៌មានរបស់ពួកគេជាមួយភាគីទីបីត្រូវតែបំពេញទម្រង់ FEMA FORM FF-104-FY-21-118: ការអនុញ្ញាតសម្រាប់ការបញ្ចេញព័ត៌មាននៅក្រោមច្បាប់ភាពឯកជន (ទម្រង់ជាភាសាអង់គ្លេស) ហើយផ្ញើវាទៅ FEMA។
ស្វែងយល់អំពីជំនួយ IHP របស់ FEMA
- ស្វែងយល់អំពី ជំនួយក្នុងការផ្តល់ជម្រក និងលំនៅឋាន FEMA (FEMA Sheltering and Housing Assistance) ដែលអ្នកអាចមានសិទ្ធិទទួលបាន។
- ស្វែងយល់ពីលក្ខណៈវិនិច្ឆ័យសិទ្ធិទទួលបានជំនួយទូទៅដែលត្រូវបំពេញ ដើម្បីទទួលបានជំនួយ។
- ស្វែងយល់អំពី លក្ខខណ្ឌតម្រូវនៃស្ថានភាពសញ្ជាតិ និងអន្តោប្រវេសន៍ សម្រាប់អត្ថប្រយោជន៍សាធារណៈសហព័ន្ធ។
- ពិនិត្យមើល ថាតើជំនួយ FEMA អ្វីខ្លះដែលត្រូវផ្តល់ជូន សម្រាប់គ្រួសារ និងតម្រូវការផ្សេងទៀត។
- ស្វែងយល់ពីរបៀប ដាក់ពាក្យស្នើសុំជំនួយ តាមអនឡាញ តាមទូរសព្ទ ឬដោយផ្ទាល់
អ្នកដាក់ពាក្យស្នើសុំដែលត្រូវការជំនួយលំនៅឋានបណ្តោះអាសន្នបន្ត (Continued Temporary Housing Assistance) អាចស្នើសុំជំនួយបន្ថែមដោយការបំពេញទម្រង់ FEMA Form FF-104-FY-21-115: ពាក្យស្នើសុំជំនួយលំឋានបណ្តោះអាសន្នបន្ត (ទម្រង់ជាភាសាអង់គ្លេស) ហើយផ្ញើវាទៅ FEMA រួមជាមួយនឹងឯកសារគាំទ្រផងដែរ។
កម្មវិធីជំនួយផ្សេងទៀត
បន្ថែមពីលើលំនៅឋាន FEMA មានកម្មវិធីជំនួយបុគ្គល (Individual Assistance) ផ្សេងទៀតដែលត្រូវបានបង្កើតឡើងដើម្បីគាំទ្រដល់អ្នកនៅមានជីវិតពីគ្រោះមហន្តរាយ ដូចជា ជំនួយភាពអត់ការងារធ្វើពីគ្រោះមហន្តរាយ ការប្រឹក្សាវិបត្តិ សេវាច្បាប់អំពីគ្រោះមហន្តរាយ និងជាច្រើនទៀត។