Ինչպես են ԱՄՆ Փոքր բիզնեսների վարչության կողմից տրամադրվող Աղետների վարկերը աշխատում FEMA-ի Աղետների օգնության ծրագրի հետ:

FEMA-ն համագործակցում է այլ գործակալությունների հետ, որպեսզի բավարարի աղետից տուժածների կարիքները: ԱՄՆ Փոքր բիզնեսների վարչությունն (SBA) աղետների դեպքում առաջարկում է ցածր տոկոսադրույքով վարկեր հայտարարված խոշոր աղետի գոտու տան սեփականատերերի և վարձակալների համար: SBA օգնության համար դիմելու համար պարտադիր չէ, որ դուք բիզնես ունենաք:

Հնարավոր է՝ ձեզ ուղարկել են SBA՝ FEMA-ի աղետի օգնության համար դիմելուց հետո: Եթե դեռևս ունեք չբավարարված կարիքներ, ապա վարկերը կարող են օգնել տան վերանորոգման կամ նոր տնով փոխարինման, անձնական գույքի, տրանսպորտային միջոցների, հետևանքների մեղմացման, բիզնեսի կորուստների, փոքր բիզնեսի շրջանառու կապիտալի և մասնավոր շահույթ չհետապնդող կազմակերպությունների մեծ մասի համար:

2024 թ-ի մարտի 22-ին կամ դրանից հետո հայտարարված աղետների համար դուք կարող եք լրացնել SBA-ի կողմից աղետների դեպքում տրամադրվող վարկի դիմումը, այն չի ազդի FEMA-ի կողմից տրվող օգնության ձեր իրավասության վրա:

Եթե ձեր վարկը հաստատվի, պարտադիր չէ, որ դուք վերցնեք այն:

Դրամական միջոցները, որոնք ստանում եք SBA-ի կողմից, պետք է մարվեն ժամանակի ընթացքում:

SBA-ի կողմից աղետների ժամանակ տրամադրվող վարկային ծրագրի մասին հարցերի դեպքում խնդրում ենք զանգահարել հետևյալ հեռախոսահամարով՝ 800-659-2955 (TTY՝ 800-877-8339): SBA-ի տեղեկությունները հասանելի են նաև www.SBA.gov/disaster կայքում կամ կարող եք գրել disastercustomerservice@sba.gov էլ. հասցեին:

Այն տուժածները, ովքեր հարցեր ունեն FEMA-ի հետ կապված կամ տեղեկության կարիք ունեն, միշտ կարող են զանգահարել FEMA-ի Օգնության կենտրոն՝ 800-621-3362:

Եթե դուք տուժել եք մինչև 2024 թվականի մարտի 22-ը հայտարարված աղետից և ուղարկվել եք SBA-ին, դուք պետք է լրացնեք SBA աղետի վարկի դիմումը, որպեսզի իրավասու լինեք Անձնական գույքի օգնության, տրանսպորտային օգնության և/կամ խմբային ջրհեղեղից ապահովագրության քաղաքականության (GFIP) ստանալու համար:

Դիմումը կարող եք լրացնել SBA-ի կայքում կամ Աղետից վերականգնման կենտրոնում:

FEMA-ն իրավասու չէ այդ կորուստների համար գումար տրամադրել այն մարդկանց, ովքեր իրավասու են SBA-ի կողմից տրամադրվող վարկի համար: FEMA-ն ձեզ ավտոմատ կերպով կուղարկի SBA, որպեսզի դիտարկվի աղետի հետևանքով վարկ ստանալու ձեր հնարավորությունը, եթե դուք համապատասխանում եք SBA-ի եկամտի ստանդարտներին: Ձեր ընտանիքի տարեկան համախառն եկամտի և ձեր խնամակալության տակ գտնվող անձանց թվի միջոցով FEMA-ն կորոշի՝ ուղարկել ձեզ SBA, թե ոչ:

Եթե ձեր վարկը հաստատվի, պարտադիր չէ, որ դուք վերցնեք այն: Եթե դուք դիմեք և իրավասու չլինեք աղետների դեպքում տրամադրվող ցածր տոկոսադրույքով վարկի համար, դա կարող է FEMA-ի լրացուցիչ դրամաշնորհի հնարավորություն տալ ձեզ: Այնուամենայնիվ, եթե ձեր վարկը հաստատվի և չվերցնեք այն, ձեզ հետ չեն ուղարկի FEMA՝ լրացուցիչ օգնության համար:
Եթե SBA-ը ձեզ վարկ չառաջարկի կամ միայն մասնակի վարկ առաջարկի, SBA-ը կտեղեկացնի այդ մասին FEMA-ին: Մենք կարող ենք վերանայել ձեր դիմումը, որպեսզի որոշենք՝ արդյոք դուք իրավասու եք աղետների դեպքում լրացուցիչ օգնություն ստանալու համար, թե ոչ:

FEMA-ն կարող է օգնել հետևյալ հարցերում, նույնիսկ, եթե դուք չդիմեք SBA-ից վարկ ստանալու համար.

• Տան վերանորոգում կամ փոխարինում
• Վարձակալության աջակցություն.
• Բժշկական
• Ատամնաբուժական
• Լուրջ կարիքներ
• Երեխայի խնամք
• Թաղում
• Մաքրություն և ախտահանում
• Տեղափոխում և պահեստավորում
• Այլ կետեր