How the U.S. Small Business Administration Disaster Loans Work with FEMA Disaster Assistance (ວິທີການເຮັດວຽກຂອງສິນເຊື່ອເພື່ອບໍລິຫານທຸລະກິດຂະໜາດນ້ອຍຂອງສະຫະລັດຮ່ວມກັບ FEMA Disaster Assistance)

FEMA ຮ່ວມມືກັບອົງການອື່ນໆ ເພື່ອຊ່ວຍຕອບສະໜອງຄວາມຕ້ອງການຂອງຜູ້ລອດຊີວິດຈາກໄພພິບັດ. ຫ້ອງການບໍລິຫານທຸລະກິດຂະໜາດນ້ອຍຂອງສະຫະລັດ (SBA) ສະໜອງເງິນກູ້ເພື່ອໄພພິບັດດອກເບ້ຍຕໍ່າໃຫ້ແກ່ເຈົ້າຂອງເຮືອນ ແລະ ຜູ້ເຊົ່າໃນພື້ນທີ່ໄພພິບັດໃຫຍ່ທີ່ປະກາດໄວ້. ທ່ານບໍ່ຈໍາເປັນຕ້ອງເປັນເຈົ້າຂອງທຸລະກິດເພື່ອສະໝັກຂໍການຊ່ວຍເຫຼືອ SBA.

ທ່ານອາດຈະຖືກສົ່ງໄປຫາ SBA ຫຼັງຈາກສະໝັກຂໍການຊ່ວຍເຫຼືອໄພພິບັດ FEMA. ຖ້າທ່ານຍັງມີຄວາມຕ້ອງການທີ່ບໍ່ໄດ້ຮັບການຕອບສະໜອງ, ເງິນກູ້ຢືມອາດຈະຊ່ວຍໃນການສ້ອມແປງເຮືອນ ຫຼື ປ່ຽນເຮືອນ, ຊັບສິນສ່ວນບຸກຄົນ, ຍານພາຫະນະ, ການຫຼຸດຜ່ອນຄວາມສູນເສຍຂອງທຸລະກິດ ແລະ ທຶນເຮັດວຽກສໍາລັບທຸລະກິດຂະໜາດນ້ອຍ ແລະເອກະຊົນທີ່ບໍ່ຫວັງຜົນກໍາໄລສ່ວນໃຫຍ່.

ສໍາລັບໄພພິບັດທີ່ປະກາດໃນ ຫຼື ຫຼັງຈາກວັນທີ 22 ມີນາ 2024, ທ່ານອາດຈະເລືອກທີ່ຈະເຮັດໃຫ້ສໍາເລັດການຮ້ອງຂໍເງິນກູ້ເພື່ອໄພພິບັດ SBA ແລະ ຈະບໍ່ສົ່ງຜົນກະທົບຕໍ່ການມີສິດໄດ້ຮັບການຊ່ວຍເຫຼືອ FEMA ຂອງທ່ານ.

ຖ້າທ່ານໄດ້ຮັບການອະນຸມັດສໍາລັບການກູ້ຢືມ, ທ່ານບໍ່ຈຳເປັນຕ້ອງຍອມຮັບມັນ.

ເງິນທີ່ທ່ານໄດ້ຮັບຈາກ SBA ຈະຕ້ອງຊໍາລະຄືນເມື່ອເວລາຜ່ານໄປ.

ຫາກມີຄໍາຖາມກ່ຽວກັບໂຄງການເງິນກູ້ເພື່ອໄພພິບັດຂອງ SBA, ກະລຸນາໂທຫາ SBA ທີ່ເບີ 800-659-2955 (TTY: 800-877-8339). ຂໍ້ມູນ SBA ແມ່ນມີຢູ່ທີ່ www.SBA.gov/disaster ຫຼື ທາງອີເມລ໌ທີ່ disastercustomerservice@sba.gov.

ຜູ້ລອດຊີວິດທີ່ມີຄໍາຖາມສໍາລັບ FEMA ຫຼື ຕ້ອງການຂໍ້ມູນສາມາດໂທຫາສາຍດ່ວນ FEMA ໄດ້ຕະຫຼອດເວລາທີ່ 800-621-3362.

ຖ້າທ່ານໄດ້ຮັບຜົນກະທົບຈາກໄພພິບັດທີ່ປະກາດກ່ອນວັນທີ 22 ມີນາ 2024, ແລະ ໄດ້ຮັບການສົ່ງໄປຍັງ SBA ທ່ານຕ້ອງຕື່ມຂໍ້ມູນໃສ່ຄໍາຮ້ອງຂໍເງິນກູ້ເພື່ອໄພພິບັດ SBA ເພື່ອໃຫ້ມີສິດໄດ້ຮັບການຊ່ວຍເຫຼືອດ້ານຊັບສິນສ່ວນບຸກຄົນ, ການຊ່ວຍເຫຼືອດ້ານການຂົນສົ່ງ ແລະ/ຫຼື ນະໂຍບາຍປະກັນໄພນໍ້າຖ້ວມກຸ່ມ (GFIP).

ທ່ານສາມາດເຮັດສໍາເລັດຄໍາຮ້ອງສະໝັກຢູ່ໃນ ເວັບໄຊທ໌ SBA ຫຼື ຢູ່ໃນສູນຟື້ນຟູໄພພິບັດ.

FEMA ບໍ່ໄດ້ຮັບອະນຸຍາດໃຫ້ສະໜອງເງິນສໍາລັບການສູນເສຍເຫຼົ່ານີ້ໃຫ້ກັບຜູ້ທີ່ອາດຈະມີສິດໄດ້ຮັບເງິນກູ້ SBA. FEMA ຈະສົ່ງທ່ານໄປຍັງ SBA ໂດຍອັດຕະໂນມັດເພື່ອໄດ້ຮັບການພິຈາລະນາສໍາລັບເງິນກູ້ໄພພິບັດຖ້າທ່ານມີຄຸນສົມບັດຕາມມາດຕະຖານລາຍໄດ້ຂອງ SBA. FEMA ຈະໃຊ້ລາຍຮັບລວມຍອດປະຈຳປີຂອງຄົວເຮືອນ ແລະ ຈຳນວນຜູ້ເພິ່ງພາອາໄສເພື່ອກຳນົດວ່າຈະສົ່ງໃຫ້ທ່ານໄປຍັງ SBA ຫຼື ບໍ.

ຖ້າທ່ານໄດ້ຮັບການອະນຸມັດສໍາລັບການກູ້ຢືມ, ທ່ານບໍ່ຈຳເປັນຕ້ອງຍອມຮັບມັນ. ຖ້າທ່ານສະໝັກ ແລະ ບໍ່ມີສິດໄດ້ຮັບເງິນກູ້ເພື່ອໄພພິບັດດອກເບ້ຍຕໍ່າ, ນີ້ອາດເປັນການເປີດປະຕູໃຫ້ການຊ່ວຍເຫຼືອເພີ່ມເຕີມຈາກ FEMA. ຢ່າງໃດກໍຕາມ, ຖ້າທ່ານໄດ້ຮັບການອະນຸມັດ ແລະ ທ່ານບໍ່ຍອມຮັບ, ທ່ານຈະບໍ່ໄດ້ຮັບການສົ່ງກັບຄືນໄປຍັງ FEMA ເພື່ອການຊ່ວຍເຫຼືອເພີ່ມເຕີມ. ຖ້າ SBA ບໍ່ສະເໜີໃຫ້ທ່ານກູ້ຢືມ ຫຼື ພຽງແຕ່ໃຫ້ເງິນກູ້ບາງສ່ວນ, SBA ຈະແຈ້ງໃຫ້ FEMA ຮັບຮູ້. ພວກເຮົາສາມາດກວດສອບໃບສະໝັກຂອງທ່ານເພື່ອເບິ່ງວ່າທ່ານມີຄຸນສົມບັດສໍາລັບການຊ່ວຍເຫຼືອໄພພິບັດເພີ່ມເຕີມ ຫຼື ບໍ.

FEMA ອາດຈະສາມາດຊ່ວຍໃນສິ່ງຕໍ່ໄປນີ້ເຖິງແມ່ນວ່າທ່ານຈະບໍ່ໄດ້ຂໍສະໝັກເງິນກູ້ຈາກ SBA:

• ການສ້ອມແປງເຮືອນ ຫຼື ການປ່ຽນເຮືອນ
• ການຊ່ວຍເຫຼືອດ້ານການເຊົ່າ
• ການແພດ
• ທັນຕະກຳ
• ຄວາມຕ້ອງການທີ່ຈິງຈັງ
• ການດູແລເດັກ
• ງານສົບ
• ອະນາໄມ ແລະ ຂ່າເຊື້ອ
• ການເຄື່ອນຍ້າຍ ແລະ ການເກັບຮັກສາ
• ລາຍການອື່ນໆ