ຫຼັງຈາກໄພພິບັດ, ຜູ້ຄົນມາຮ່ວມກັນເພື່ອຊ່ວຍເຫຼືອ. ເພື່ອໃຫ້ການສະໜັບສະໜູນຂອງທ່ານເກິດປະໂຫຍດສູງສຸດ ສິ່ງສຳຄັນຄືຕ້ອງປະຕິບັດຕາມຫຼັກເກນໃນການບໍລິຈາກ ແລະ ອາສາສະໝັກຢ່າງມີຄວາມຮັບຜິດຊອບ. ແນວທາງການປະຕິບັດທີ່ດີທີ່ສຸດທີ່ພະຍາຍາມ ແລະ ເປັນຈິງຂ້າງລຸ່ມນີ້ຈະເຮັດໃຫ້ທ່ານເປັນຈຸດເລີ່ມຕົ້ນ.
ທ່ານຍັງສາມາດສົ່ງອີເມວໄປຫາໜ່ວຍບໍລິການບໍລິຈາກຂອງ FEMAເພື່ອຂໍຄໍາຕອບສໍາລັບຄໍາຖາມສະເພາະຂອງທ່ານ ຫຼື ການບໍລິຈາກສິ່ງຂອງ.
ເງິນສົດແມ່ນດີທີ່ສຸດ
ການບໍລິຈາກທາງດ້ານການເງິນໃຫ້ແກ່ ອົງການບັນເທົາທຸກໄພພິບັດທີ່ໄດ້ຮັບການຍອມຮັບ ແມ່ນວິທີການບໍລິຈາກທີ່ໄວທີ່ສຸດ, ຍືດຫຍຸ່ນທີ່ສຸດ ແລະ ມີປະສິດທິພາບຫຼາຍທີ່ສຸດ. ອົງການຈັດຕັ້ງຢູ່ໃນພື້ນທີ່ຮູ້ວ່າສິນຄ້າ ແລະ ປະລິມານໃດທີ່ຈຳເປັນ, ມັກຈະຊື້ເປັນຈໍານວນຫຼວງຫຼາຍໂດຍມີສ່ວນຫຼຸດ ແລະ ຖ້າເປັນໄປໄດ້, ຊື້ໂດຍຜ່ານທຸລະກິດໃນທ້ອງຖິ່ນເພື່ອໄພພິບັດ, ເຊິ່ງສະໜັບສະໜູນການຟື້ນຟູເສດຖະກິດ.
ການບໍລິຈາກປະເພດ: ຢືນຢັນວ່າເປັນຫຍັງ, ຢູ່ໃສ ແລະ ເວລາໃດ
ສິ່ງຂອງທີ່ບໍລິຈາກແມ່ນຈໍາເປັນ. ແນວໃດກໍ່ຕາມ, ຫາກບໍ່ມີການວາງແຜນທີ່ລະອຽດອ່ອນຂອງເຄື່ອງບໍລິຈາກສາມາດເພີ່ມພາລະຕໍ່ຊຸມຊົນທີ່ກໍາລັງຢູ່ໃນວິກິດການຕໍ່ໄປໄດ້. ການຮູ້ວ່າແມ່ນຫຍັງຈຳເປັນ, ບ່ອນໃດຈຳເປັນ ແລະ ໄປເຖີງຈຸດນັ້ນໃນເວລາທີ່ເໝາະສົມແມ່ນສໍາຄັນ. ຄວາມຕ້ອງການທີ່ສໍາຄັນມີການປ່ຽນແປງຢ່າງໄວວາ. ກ່ອນທີ່ຈະເກັບກໍາ, ຢືນຢັນຄວາມຕ້ອງການ.
- ບໍ່ແມ່ນທຸກຢ່າງທີ່ຈຳເປັນ. ບໍ່ຈໍາເປັນຕ້ອງໃຊ້ເຄື່ອງນຸ່ງທີ່ໃຊ້ແລ້ວ.
- ການບໍລິຈາກຈຳນວນຫຼາຍແມ່ນຈະດີທີ່ສຸດ. ການໂຫຼດພາເລດຂອງລາຍການສິນຄ້າດຽວ, ຈັດລຽງ ແລະ ບັນຈຸກ່ອງ.
- ເວລາເປັນສິ່ງສໍາຄັນ. ໄວເກີນໄປ ຫຼື ຊ້າເກີນໄປ ແລະ ບໍ່ມີໃຜຊະນະ.
- ການຂົນສົ່ງຈໍາເປັນຕ້ອງດຳເນີນການ. ມັນຈະໄປເຖິງບ່ອນທີ່ຕ້ອງການໄດ້ແນວໃດ?
ເຊື່ອມຕໍ່ກັບອາສາສະໝັກ
ຫ້າມນຳໃຊ້ດ້ວຍຕົນເອງໃນພື້ນທີ່ປະສົບໄພ.
ອົງການຈັດຕັ້ງທີ່ເຊື່ອຖືໄດ້ ທີ່ດໍາເນີນການໃນເຂດທີ່ໄດ້ຮັບຜົນກະທົບຮູ້ວ່າຕ້ອງການອາສາສະໝັກຢູ່ໃສ. ອີງຕາມໄພພິບັດ ແລະ ໄລຍະປະຈຸບັນທີ່ເກິດຂຶ້ນ, ອາສາສະໝັກສາມາດມີປະໂຫຍດທີ່ສຸດເພື່ອຮັບປະກັນວ່າຜູ້ລອດຊີວິດສາມາດກັບຄືນສູ່ສະພາບປົກກະຕິໃໝ່ໄດ້. ເມື່ອເຮັດວຽກກັບອົງການຈັດຕັ້ງທີ່ບໍ່ຫວັງຜົນກໍາໄລທີ່ສ້າງຕັ້ງຂຶ້ນ, ຈຶ່ງສາມາດພິຈາລະນາຄວາມປອດໄພ, ການຝຶກອົບຮົມ ແລະ ທັກສະທີ່ເໝາະສົມໄດ້.
ການຟື້ນຟູໃຊ້ເວລາດົນກວ່າຄວາມສົນໃຈຂອງສື່ມວນຊົນ. ຫຼັງຈາກເກີດໄພພິບັດມີຄວາມຕ້ອງການອາສາສະໝັກເປັນເວລາຫຼາຍເດືອນ ຫຼື ຫຼາຍປີ. ການຊ່ວຍເຫຼືອຂອງທ່ານມັກເປັນສິ່ງຈຳເປັນຫຼັງຈາກເກິດໄພພິບັດເປັນເວລາດົນນານ.
ທ່ານສາມາດຊ່ວຍຫຍັງໄດ້
ຖ້າທ່ານມີສິ່ງຂອງທີ່ຈະບໍລິຈາກ, ມີເວລາທີ່ຈະເປັນ ອາສາສະໝັກເພື່ອສະໜັບສະໜູນອົງການບໍ່ຫວັງຜົນກໍາໄລ ຫຼື ເງິນສົດທີ່ຈະໃຫ້ ແລະ ມີຄໍາຖາມ, ສົ່ງອີເມວຫາ ໜ່ວຍບໍລິຈາກຂອງ FEMA. ພວກເຮົາຍິນດີຈະຊ່ວຍທ່ານຊ່ວຍຄົນອື່ນ.
ເພື່ອຊອກຫາບັນຊີລາຍຊື່ຂອງອົງການຈັດຕັ້ງທີ່ເຊື່ອຖືໄດ້, ຂໍ້ມູນເພີ່ມເຕີມກ່ຽວກັບການບໍລິຈາກ ແລະ ຊັບພະຍາກອນອື່ນໆ, ໄປເບີ່ງ ອົງການອາສາສະໝັກແຫ່ງຊາດທີ່ເຄື່ອນໄຫວໃນໄພພິບັດ.