ဖဲတၢ်တတၢာ်တနါမၤအသးဝံၤအလီၢ်ခံ, ပှၤကညီတဖၣ် ပာ်ဖှိၣ်ထီၣ်အသးလၢ ကမၤစၢၤတၢ်လီၤ. ဒ်သိးနကဟ့ၣ်မၤစၢၤဘၣ်တၢ်အဂ့ၤကတၢၢ်အဂီၢ်, အကါဒိၣ်လၢ နကလူၤပိာ်မၤထွဲ တၢ်နဲၣ်ကျဲတဖၣ်လၢ တၢ်ဟ့ၣ်မၤဘူၣ်တၢ် ဒီး တၢ်မၤမုာ်သးမၤကလီတၢ်အဂီၢ် လီၤတံၢ်လီၤဆဲးန့ၣ်လီၤ. တၢ်ဟ့ၣ်ကူၣ်ဟ့ၣ်ဖး ဒီး တၢ်မၤအလုၢ်အလၢ်အမ့ၢ်အတီအဂ့ၤကတၢၢ် လၢလာ်အံၤန့ၣ် ကဟ့ၣ်နၤ တၢ်နဲၣ်ကျဲအတုၤလီၤကတၢၢ်န့ၣ်လီၤ.
လၢတၢ်ကစံးဆၢက့ၤ နတၢ်သံကွၢ်လီၤတံၢ်တဖၣ်အဂီၢ် မ့တမ့ၢ် လၢနကဟ့ၣ်မၤဘူၣ်တၢ်ဖိတၢ်လံၤတမံၤအဂီၢ် နဆှၢအံမ့(လ)ဆူ FEMA တၢ်မၤဘူၣ်တဖၣ် အယူနံးသ့စ့ၢ်ကီးလီၤ.
ကျိၣ်စ့န့ၣ် မ့ၢ်တၢ်အဂ့ၤကတၢၢ်လီၤ
ကျိၣ်စ့ဂ့ၢ်ဝီ တၢ်ဟ့ၣ်မၤဘူၣ်တဖၣ်ဆူ တၢ်ကရၢကရိတဖၣ်လၢ အဘၣ်တၢ်သ့ၣ်ညါအီၤလၢတၢ်မၤကိညၢ်ထီၣ် တၢ်တတၢာ်တနါ (လ့း(ခ)ဘျးစဲ အိၣ်လၢအဲကလံးကျိာ်)အအိၣ်န့ၣ် မ့ၢ်ဝဲတၢ်မၤဘူၣ်တၢ်အကျိၤအကျဲလၢ အချ့ကတၢၢ်, အညီကတၢၢ်ဒီး အတုၤလီၤကတၢၢ်န့ၣ်လီၤ. တၢ်ကရၢကရိတဖၣ်လၢ အမၤတၢ်လၢတၢ်ကဲထီၣ်သးအလီၢ်နီၢ်နီၢ်အပူၤန့ၣ် သ့ၣ်ညါဝဲ တၢ်လိၣ်ဘၣ် တၢ်ဖိတၢ်လံၤမနုၤတဖၣ် ဒီး တၢ်လိၣ်ဘၣ်အနီၣ်ဂံၢ်ထဲလဲၣ်လီၤ, အါစုအါဘျီ မ့ၢ်သ့န့ၣ် အဝဲသ့ၣ်ပှ့ၤတၢ်ဂီၢ်မုၢ်တဘျီဃီဒီး ဒိးန့ၢ်တၢ်မၤစှၤလီၤအပှ့ၤဒီး, ပှ့ၤတၢ်လၢ မုၢ်ကျိၤဝဲၤကွာ်တၢ်မၤလၢ အအိၣ်လၢ တၢ်ဒိဘၣ်အပူၤအအိၣ်, လၢကဆီၣ်ထွဲက့ၤ မုၢ်ကျိၤဝဲၤကွာ်တၢ်မၤ တၢ်ဘၣ်လီၢ်ဘၣ်စးက့ၤအဂီၢ်န့ၣ်လီၤ.
တၢ်ဟ့ၣ်မၤဘူၣ် တၢ်ဖိတၢ်လံၤတဖၣ်-မၤလီၤတံၢ် တၢ်မနုၤ, တၢ်လီၢ်ဖဲလဲၣ် ဒီး တၢ်ဆၢကတီၢ်
တၢ်ဖိတၢ်လံၤတဖၣ်လၢ တၢ်မၤဘူၣ်အီၤန့ၣ်လိၣ်ဝဲလီၤ. ဘၣ်ဆၣ်ဒီး, လၢတၢ်မၤဘူၣ်တၢ်ဖိတၢ်လံၤတဖၣ်အပူၤ တၢ်တိာ်ကျဲၤလီၤတၢ်လၢအိၣ်ဒီးတၢ်ဆိကမိၣ်လီၤတံၢ်မ့ၢ်တအိၣ်ဘၣ်န့ၣ် ကဲထီၣ်တၢ်ဝံဃၢယိးဃၢအါထီၣ်လၢ ပှၤတဝၢလၢအဘၣ်ကွၢ်ဆၢၣ်မဲာ် တၢ်နးတၢ်ဖှီၣ်အဂီၢ်သ့လီၤ. တၢ်သ့ၣ်ညါ တၢ်လၢအလိၣ်, တၢ်လီၢ်ဖဲအလိၣ်, ဒီး တၢ်ဒိးန့ၢ်တၢ်လၢအလိၣ်တဖၣ် ဘၣ်ဆၢဘၣ်ကတီၢ်န့ၣ် မ့ၢ်ဝဲတၢ်အကါဒိၣ်ကတၢၢ်န့ၣ်လီၤ. တၢ်လိၣ်ဘၣ်အရ့ဒိၣ်တဖၣ်န့ၣ် ဆီတလဲဝဲ ချ့ဒိၣ်မးလီၤ. တချုးနထၢဖှိၣ်တၢ်ဒံးဘၣ်န့ၣ်, ပာ်ဂၢၢ်ပာ်ကျၢၤ တၢ်လၢအလိၣ်တက့ၢ်.
- တမ့ၢ်လၢ တၢ်လိၣ်ဘၣ် တၢ်ခဲလၢာ်ဘၣ်. တၢ်ကူတၢ်သိးအလီၢ်လံၤတဖၣ်န့ၣ် တၢ်တလိၣ်ဘၣ်အီၤ လ့ၤတက့ၤဘၣ်.
- တၢ်ဟ့ၣ်မၤဘူၣ် တၢ်ဖိတၢ်လံၤဂီၢ်မုၢ်တဘျီဃီန့ၣ် မ့ၢ်တၢ်အဂ့ၤကတၢၢ်လီၤ. တၢ်မၤဘူၣ်တၢ်ပီးတၢ်လီတကလုာ်လၢ အနီၣ်ဂံၢ်နီၣ်ဒွးအါအါန့ၣ် ရဲၣ်ကျဲၤအီၤလၢ တီခူအဖီခိၣ်, ဒီးနီၤဖးက့ၤအကလုာ်ဒီး ထၢနုာ်အီၤဆူတလါပူၤတက့ၢ်.
- တၢ်ဘၣ်ဆၢဘၣ်ကတီၢ်န့ၣ် အကါဒိၣ်လီၤ. ဆိကဲာ်ဆိး မ့တမ့ၢ် စဲၤခံကဲာ်ဆိးန့ၣ် အဘျုးတအိၣ်လၢပှၤနီတဂၤအဂီၢ်ဘၣ်.
- တၢ်ဝံစိာ်တီဆှၢစ့ၢ်ကီး ကဘၣ်တၢ်မၤအီၤလီၤ. တၢ်အံၤကတုၤဃီၤဆူ တၢ်လီၢ်လၢအလိၣ်ဘၣ်အီၤ ဒ်လဲၣ်.
ဆဲးကျၢဒီး ပှၤမုာ်သးမၤကလီတၢ်
တဘၣ်လဲၤဆူ တၢ်တတၢာ်တနါမၤအသးအလီၢ် လၢနတၢ်ဒၣ်နဲတဂ့ၤ.
နာ်န့ၢ် တၢ်ကရၢကရိတဖၣ် အတၢ်ဖံးတၢ်မၤတၢ်လၢ လီၢ်ကဝီၤလၢ အဘၣ်ဒိဘၣ်ထံးအပူၤ ဖဲတၢ်လိၣ်ဘၣ် ပှၤမုာ်သးမၤကလီတၢ်ဖိတဖၣ်န့ၣ်တက့ၢ်. ဒိးသန့ၤထီၣ်သးလၢ တၢ်တတၢာ်တနါ ဒီး တၢ်အပတီၢ်လၢအခဲအံၤ အဝဲတုၤဃီၤဝဲအဖီခိၣ်, ပှၤမုာ်သးမၤကလီတၢ်ဖိတဖၣ်န့ၣ် ကဲထီၣ်တၢ်မၤစၢၤဖးဒိၣ်ညါ လၢကမၤလီၤတံၢ် ပှၤပူၤဖျဲးတဖၣ် က့ၤကဒါက့ၤဘၣ်ဆူ အဝဲသ့ၣ်အတၢ်အိၣ်သးပတီၢ်မုၢ်အသီကသ့အဂီၢ်န့ၣ်လီၤ. ခီဖျိတၢ်မၤသကိးတၢ်ဒီး တၢ်ကရၢကရိတဖၣ်လၢ တၢ်ကွၢ်ဘၣ်တၢ်န့ၢ်ဘျုးတဖၣ် လၢတၢ်သူၣ်ထီၣ်ပာ်စၢၤအီၤတခါန့ၣ်, တၢ်ဘံၣ်တၢ်ဘၢ, တၢ်သိၣ်လိ ဒီး တၢ်သ့တၢ်ဘၣ်လၢ အကြၢးအဘၣ်တဖၣ်န့ၣ် တၢ်ဆိကမိၣ်နုာ်အီၤသ့လီၤ.
တၢ်မၤဘၣ်လီၢ်ဘၣ်စးက့ၤတၢ်အတၢ်မၤန့ၣ် ယံာ်န့ၢ်ဒံး ကမျၢၢ်တၢ်ကစီၣ် အတၢ်စီၤကွၢ်န့ၣ်လီၤ. တၢ်ကလိၣ်ဘၣ်ပှၤမုာ်သးမၤကလီတၢ်တဖၣ် တဘျုးလါ, အါစုအါဘျီ တဘျုးနံၣ်, ဖဲတၢ်တတၢာ်တနါမၤအသးဝံၤအလီၢ်ခံန့ၣ်လီၤ. နတၢ်မၤစၢၤန့ၣ် အါစုအါဘျီတၢ်လိၣ်ဘၣ်အီၤ ဖးယံာ်ညါ ဖဲတၢ်တတၢာ်တနါတမံၤဝံၤအလီၢ်ခံလီၤ.
နမၤစၢၤတၢ်သ့ဒ်လဲၣ်
နမ့ၢ်အိၣ်ဒီး တၢ်ပီးတၢ်လီၢ်တဖၣ်လၢ နကမၤဘူၣ်အီၤ, တၢ်ဆၢကတီၢ်လၢ နကမၤတၢ်မုာ်သးမၤကလီ လၢတၢ်ဆီၣ်ထွဲမၤစၢၤက့ၤ တၢ်ကရၢကရိလၢ တကွၢ်တၢ်န့ၢ်ဘျုးတဖုအပူၤ, မ့တမ့ၢ် ကျိၣ်စ့လၢနကဟ့ၣ်လီၤအီၤ ဒီး နမ့ၢ်အိၣ်ဒီးသံကွၢ်တဖၣ်န့ၣ်, ဆှၢအံမ့(လ)ဆူFEMA တၢ်မၤဘူၣ်တဖၣ် အယူနံးတက့ၢ်. ပအဲၣ်ဒိးမၤစၢၤနၤ, မၤစၢၤပှၤဂၤတဖၣ်န့ၣ်လီၤ.
လၢကဃုထံၣ် တၢ်ကရၢကရိလၢ တၢ်နာ်န့ၢ်အီၤသ့, တၢ်ဂ့ၢ်တၢ်ကျိၤအါထီၣ်လၢ ဘၣ်ဃးဒီးတၢ်ဟ့ၣ်မၤဘူၣ်တဖၣ် ဒီး တၢ်အိၣ်ယၢၤအဂၤတဖၣ် အမံၤစရီတခါန့ၣ်, နုာ်ကွၢ် ထံကီၢ် ပှၤမုာ်သးမၤကလီ တၢ်ကရၢကရိ ဂဲၤလိာ်ဖံးမၤတၢ်လၢ တၢ်တတၢာ်တနါအပူၤ(လ့း(ခ)အိၣ်လၢ အဲကလံးကျိာ်)တက့ၢ်.