ညီနုၢ် တၢ်ကစီၣ်ဟူထီၣ်သါလီၤကလီကလီတဖၣ် လၢအဘၣ်ထွဲဒီး တၢ်တတၢာ်တနါ

နကိးလီတဲစိတဖျၢၣ်ဂ့ၤတဖျၢၣ်ဂ့ၤန့ၣ် နဃ့ထီၣ် တၢ်မၤစၢၤဘၣ်ဃးဒီး ဟိၣ်ထဲ(လ)ဒၢးအပှ့ၤ လၢ FEMA အအိၣ်တသ့ဘၣ်.

ဘၣ်ဆၣ်ဒီး, FEMA လိးကဒါက့ၤ တၢ်အိၣ်တၢ်ဆိးအလီၢ်အဂီၢ် တၢ်လၢာ်ဘူၣ်လၢာ်စ့ၤဆူ ပှၤတဖၣ်ဒီး ဟံၣ်ဒူၣ်ဃီထၢတဖၣ်လၢ ကြၢးဒီးတၢ်ဒိးန့ၢ်ခွဲးယာ်တဖၣ်အအိၣ်သ့လီၤ. ဒ်သိးနကသ့ၣ်ညါဘၣ် မ့ၢ်နဒိးန့ၢ်တၢ်မၤစၢၤအံၤကသ့ဧါန့ၣ်, ပတံထီၣ် ဖဲ DisasterAssistance.govတက့ၢ်.

တၢ်အံၤတမ့ၢ်တတီဘၣ်. FEMA တမၢနဟ့ၣ်ဘူးလဲလၢ တၢ်ပတံထီၣ်တၢ်မၤစၢၤအဂီၢ် မ့တမ့ၢ် လၢကဒိးန့ၢ် တၢ်ဃုသ့ၣ်ညါတမံၤအဂီၢ်ဘၣ်. 

နမ့ၢ်ထံၣ်သ့ၣ်ညါ တၢ်လီတၢ်ဝ့ၤ, တၢ်မၤဟးဂူာ်ဟးဂီၤတၢ် မ့တမ့ၢ် တၢ်မၤတရီတပါတၢ် တမံၤမံၤန့ၣ် နဘိးဘၣ်သ့ၣ်ညါထီၣ်အဂ့ၤ လၢတလိၣ်နပာ်ဖျါနမံၤ ခီဖျိ နကိးနဲဒၣ် FEMA တၢ်တတၢာ်တနါ တၢ်လီတၢ်ဝ့ၤ ဂ့ၢ်ဂီၢ်အူလီတဲစိကျိၤ ဖဲ 866-720-5721 သ့လီၤ. နဆှၢအံမ့(လ)ဆူ  StopFEMAfraud@fema.dhs.govသ့စ့ၢ်ကီးလီး

တၢ်အံၤမ့ၢ် တၢ်လၢအကမၣ်လီၤ. FEMA တဟ့ၣ်ပှၤလၢအမၤစၢၤတၢ်လၢ တၢ်မၤကဆှီတၢ်ဖဲ ကလံၤမုၢ်ဒိၣ်လီၤဝံၤအလီၢ်ခံ ဘူးလဲန့ၣ်လီၤ.

ဘၣ်ဆၣ်ဒီး, ဖဲတၢ်တတၢာ်တနါတနီၤအဆၢကတီၢ်အပူၤ FEMA ဟ့ၣ်ဝဲဒၣ် တၢ်ဟ့ၣ်လၤကပီၤတဘျီ ဆူပှၤတဖၣ်အအိၣ်သ့ ဒ်သိးကမၤစၢၤအဝဲသ့ၣ်လၢ ကမၤကဆှီရှဲပျီက့ၤ အဟံၣ်အဂီၢ်န့ၣ်လီၤ. ဒ်သိးကဃုသ့ၣ်ညါ မ့ၢ်နထီၣ်ဘးကစီဒီဧါအဂီၢ်, ပတံထီၣ်ဖဲ  DisasterAssistance.govတက့ၢ်.

တၢ်အံၤတမ့ၢ်တတီဘၣ်. နမ့ၢ်အိၣ်ဒီး တၢ်အုၣ်ကီၤ, နပတံထီၣ် FEMA တၢ်မၤစၢၤသ့ ဘၣ်ဆၣ်ဒီး နကဘၣ်ဆှၢထီၣ် တၢ်အုၣ်ကီၤ တၢ်ဃ့က့ၤစ့ စ့ၢ်ကီးန့ၣ်လီၤ. တချုးလၢနဆှၢန့ၢ်ပှၤ နတၢ်အုၣ်ကီၤ တၢ်ဟ့ၣ်က့ၤစ့ မ့တမ့ၢ် တၢ်ဂ့ၢ်လိာ်ဘၣ်န့ၣ် FEMA မၤစၢၤနၤလၢ တၢ်လၢာ်ဘူၣ်လၢာ်စ့ၤ လၢနတၢ်အုၣ်ကီၤကျၢၢ်ဘၢဟ့ၣ်စၢၤအီၤအဂီၢ် တသ့ဘၣ်, သနာ်က့ FEMA မၤစၢၤနၤလၢ တၢ်လီၤမၢ်အဂၤတဖၣ်လၢ တၢ်အုၣ်ကီၤတကျၢၢ်ဘၢဘၣ်အဂီၢ်သ့လီၤ. တၢ်အုၣ်ကီၤမ့ၢ်တကျၢၢ်ဘၢဟ့ၣ်စၢၤ တၢ်လၢာ်ဘူၣ်လၢာ်စ့ၤတဖၣ်လၢ အဘၣ်ဃးဒီး တၢ်တတၢာ်တနါ အဘူးအလဲ ခဲလၢာ်ခဲဆ့ဘၣ် ဒီး နတၢ်ဟ့ၣ်က့ၤစ့န့ၣ် မ့ၢ်စှၤန့ၢ် ကျိၣ်စ့အလၢ အအါကတၢၢ်လၢ FEMA ဟ့ၣ်ထီၣ်အီၤသ့လၢ တၢ်လီၤမၢ်အဝဲန့ၣ်အဂီၢ်န့ၣ်, နအိၣ်ဒီးခွဲးယာ်လၢ ကမၤန့ၢ် FEMA တၢ်မၤစၢၤအဂီၢ်သ့လီၤ.

နုာ်ကွၢ်  တၢ်သံကွၢ်လၢ ဘၣ်တၢ်သံကွၢ်အီၤခဲအံၤခဲအံၤ (FAQ) ကဘျံးပၤ လၢတၢ်ဂ့ၢ်တၢ်ကျိၤအဂၤတဖၣ်အဂီၢ်တက့ၢ်.

တၢ်အံၤဒိးသန့ၤထီၣ်သးလၢတၢ်အိၣ်သးအဖီခိၣ်န့ၣ်လီၤ. ဘၣ်သ့ၣ်သ့ၣ် FEMA ကဟ့ၣ်လိးကဒါက့ၤစ့ ဖဲလၢနတဒိးန့ၢ်ဘၣ်လီမ့ၣ်အူဘၣ် ဒီး မ့ၣ်အူစဲးန့ၣ် လိၣ်ဝဲဒၣ်လၢကဟ့ၣ်လီဂံၢ်ဆူ ကသံၣ်ကသီပီးလီတဖၣ်လၢ လိၣ်ဘၣ်လီဂံၢ်, ပာ်ဃုာ်ဒီး တၢ်ခုၣ်ဒၢလၢ ကသံၣ်ဖီၣ်လၢအလိၣ်ဘၣ်အီၤ, အဒိဒ်သိး အ့ဆူၣ်လ့ၣ် အဂီၢ်န့ၣ်လီၤ. လၢကထီၣ်ဘးအဂီၢ်, နကြၢးဆှၢထီၣ် တၢ်ကွဲးနီၣ်ကွဲးဃါလၢ ကသံၣ်ကသီ တၢ်တိစၢၤမၤစၢၤ ပှၤမၤစၢၤဆီၣ်ထွဲတၢ်တဂၤအဂီၢ် လၢအတဲဖျါထီၣ်လၢ တၢ်လိၣ်ဘၣ် စဲးဖီကဟၣ်ပီးလီလၢ ကသံၣ်ကသီအဂီၢ်န့ၣ်လီၤ.  

လၢတၢ်မၤအသးလၢ တအိၣ်အါကဲာ်ဆိးအပူၤန့ၣ်, တၢ်လိၣ်ဘၣ် ကသံၣ်ကသီ-တၢ်လိၣ်အဂီၢ် လၢ မ့ၣ်အူစဲးအဂီၢ်န့ၣ် ဘၣ်သ့ၣ်သ့ၣ် ကဘၣ်တၢ်ညိကွံာ်, တၢ်အၢၣ်လီၤလၢ ကဟ့ၣ်လိးက့ၤစ့ လၢပှၤတဖၣ် ဒီး ဟံၣ်ဒူၣ်ဃီထၢတဖၣ်လၢ အကြၢးဒီးတၢ်ဒိးန့ၢ် လၢတမၤန့ၢ်လၢၤဘၣ် လီဂံၢ်လၢ တၢ်တတၢာ်တနါအဃိန့ၣ်လီၤ.

မၤလီၤတံၢ်လၢ နကကွၢ်ထံ တၢ်တတၢာ်တနါ-တၢ်နဲၣ်ကျဲ လီၤတံၢ်, ပာ်ဃုာ်ဒီး-

1. မ့ၢ်တၢ်ဟ့ၣ်လိးက့ၤစ့လၢ မ့ၣ်အူစဲးအဂီၢ်န့ၣ် ဘၣ်တၢ်ဟ့ၣ်အီၤလၢ တၢ်တတၢာ်တနါအဂီၢ်ဧါ.
2. မ့ၢ်နထီၣ်ဘးလၢ တၢ်မၤစၢၤအံၤအဂီၢ်ဧါ.
3. နံၤသီတဖၣ်လၢ နပှ့ၤမ့ၣ်အူစဲးတဖျၢၣ်ဒီး ဒိးန့ၢ်က့ၤတၢ်လိးကဒါက့ၤစ့ၤ အယံာ်.

တၢ်အံၤတမ့ၢ်တတီဘၣ်. ထဲဒၣ်ထံထီၣ် ယဲၢ်စုမုၢ်ဒိၣ်န့ၣ် ဒုးကဲထီၣ် တၢ်ဟးဂီၤလၢ လီၤလၢစ့ဒီလၣ် $25,000 လီၤ.

နုာ်ကွၢ် ထံကီၢ် ထံဒိၣ်နိယွၤ တၢ်အုၣ်ကီၤ အတၢ်ရဲၣ်တၢ်ကျဲၤ (National Flood Insurance Program) ကဘျံးပၤ လၢတၢ်ဂ့ၢ်တၢ်ကျိၤအဂၤတဖၣ်အဂီၢ်တက့ၢ်.

တၢ်အံၤတမ့ၢ်တတီဘၣ်. ဟံၣ်ကစၢ် တၢ်အုၣ်ကီၤ သနူတဖၣ်န့ၣ် အါဒၣ်တၢ်တက့ၢ် တကျၢၢ်ဘၢ ထံဒိၣ်နိယွၤ တၢ်ဟးဂီၤဘၣ်. ထံဒိၣ်နိယွၤတၢ်အုၣ်ကီၤန့ၣ် အါဒၣ်တၢ်တက့ၢ်မ့ၢ်ဝဲ သနူလီၤဆီတမံၤန့ၣ်လီၤ.

နုာ်ကွၢ် ထံကီၢ် ထံဒိၣ်နိယွၤ တၢ်အုၣ်ကီၤ အတၢ်ရဲၣ်တၢ်ကျဲၤ (National Flood Insurance Program) ကဘျံးပၤ လၢကပှ့ၤ ထံဒိၣ်နိယွၤ တၢ်အုၣ်ကီၤအဂီၢ် မ့တမ့ၢ် ကဃုသ့ၣ်ညါအါထီၣ်တၢ်အဂီၢ်တက့ၢ်.

တၢ်အံၤတမ့ၢ်တတီဘၣ်. FEMA ကဟ့ၣ်ထီၣ် ကျိၣ်စ့ဂ့ၢ်ဝီတၢ်မၤစၢၤဆူ ကီၢ်အမဲရကၤထံဖိကီၢ်ဖိတဖၣ်, ပှၤလၢတမ့ၢ်ကီၢ်အမဲရကၤထံဖိကီၢ်ဖိတဖၣ် လၢအကြၢးဒီးတၢ်ခွဲးတၢ်ယာ် ဒီး ပှၤတခီဘီမုၢ်ဖိလၢ အကံၢ်စီထီၣ်ဘးတဖၣ်န့ၣ်လီၤ.

ဖဲတၢ်ဒိးန့ၢ်အီၤသ့အခါ, တၢ်အိၣ်ယၢၤတဖၣ်လၢ အဒုးအိၣ်ကၢခိးတၢ်အိၣ်မူ အဒိဒ်သိးတၢ်အိၣ်ကဒုအလီၢ်တဖၣ်, တၢ်အီၣ်ဒီးထံတဖၣ်, တၢ်ဒိကနၣ်ဆီၣ်ထွဲမၤစၢၤတၢ်ဖဲသဘံၣ်သဘုၣ်တဖၣ်, တၢ်ပၢဆှၢ တၢ်တတၢာ်တနါတၢ်ဂ့ၢ်တၢ်ကျိၤ, တၢ်မၤလၢပှဲၤ တၢ်ဟ့ၣ်မၤစၢၤ တၢ်အီၣ်န့ၢ်ဂံၢ်န့ၢ်ဘါ အတၢ်ရဲၣ်တၢ်ကျဲၤ ဖဲ တၢ်တတၢာ်တနါကတီၢ် ဒီး တၢ်တိစၢၤမၤစၢၤတဖၣ်လၢ အဘၣ်ဃးဒီးသဲစး ဖဲတၢ်တတၢာ်တနါအကတီၢ်န့ၣ် တၢ်ဒိးန့ၢ်အီၣ်သ့လၢ ပှၤပူၤဖျဲးထီၣ်လၢ တၢ်တတၢာ်တနါအပူၤ လၢတအိၣ်ဒီးတၢ်ကွၢ် ထံဖိကီၢ်ဖိ ဒီး ပှၤနုာ်လီၤအိၣ်ဆိးကီၢ်ပူၤ အတၢ်အိၣ်သးတဖၣ် ဘၣ်န့ၣ်လီၤ.

လၢကမၤလိအါထီၣ်အဂီၢ်, နုာ်ကွၢ် ပ တၢ်ကဲထံဖိကီၢ်ဖိဒီး တၢ်နုာ်လီၤအိၣ်ဆိးကီၢ်အပတီၢ် တၢ်လိၣ်ဘၣ်တဖၣ် လၢဖဲၣ်ဒရၢၣ်ကီၢ်စၢဖှိၣ် ကမျၢၢ်တၢ်န့ၢ်ဘျုးတဖၣ်အဂီၢ် အကဘျံးပၤန့ၣ်တက့ၢ်.

တၢ်အံၤဒိးသန့ၤထီၣ်သးလၢတၢ်အိၣ်သးအဖီခိၣ်န့ၣ်လီၤ. နမ့ၢ်ဒိးန့ၢ်လံာ်ပရၢတဘ့ၣ်လၢ အတဲဘၣ်နၤလၢ နလံာ်ပတံအံၤ "တဘၣ်တၢ်အၢၣ်လီၤ" မ့တမ့ၢ် "တလၢတပှဲၤ"ဘၣ်န့ၣ် န သမံသမိးကွၢ် နတၢ်အိၣ်သး လၢအ့ထၢၣ်နဲးအပူၤသ့ မ့တမ့ၢ် ကိး FEMA တၢ်မၤစၢၤလီကျိၤ, 800-621-3362, လၢတၢ်ဂ့ၢ်တၢ်ကျိၤအါထီၣ်အဂီၢ်န့ၣ်သ့လီၤ.

လံာ်ပရၢအံၤ ဘၣ်သ့ၣ်သ့ၣ်ကအဲၣ်ဒိးတဲဘၣ်နၤလၢ တၢ်လိၣ်ဘၣ်အါထီၣ် တၢ်ဂ့ၢ်တၢ်ကျိၤ, မ့တမ့ၢ် နတၢ်အုၣ်ကီၤ တၢ်ဃ့ထီၣ်စ့န့ၣ် အလီၢ်အိၣ်လၢ တၢ်ကဟ့ၣ်က့ၤအီၤ တချုး FEMA တၢ်တတၢာ်တနါ တၢ်မၤစၢၤ တၢ်ဟ့ၣ်လီၤအီၤဒံးဘၣ်န့ၣ်လီၤ.

တၢ်အံၤတမ့ၢ်တတီဘၣ်. FEMA တၢ်မၤစၢၤန့ၣ် တလိၣ်လၢတၢ်ကဟ့ၣ်ခိသွဲ ဒီး တၢ်မၤဘၣ်ဒိ နတၢ်ဒိးန့ၢ်ခွဲးယာ်လၢ ပှၤဂ့ၢ်ဝီ တၢ်ဘံၣ်တၢ်ဘၢ, Medicaid မ့တမ့ၢ် ထံကီၢ်တၢ်န့ၢ်ဘျုး အဂၤတဖၣ်အအိၣ်ဘၣ်.