ບັນທຶກຊັບສົມບັດຄອບຄົວຂອງທ່ານ
ຄໍາແນະນໍາດ່ວນ
ເອກະສານແທ້ຈິງ
ແຫຼ່ງຂໍ້ມູນເພີ່ມເຕີມ
FEMA ແລະ ສະຖາບັນ Smithsonian ຮ່ວມມືສະໜັບສະໜູນໜ່ວຍງານສຸກເສີນແຫ່ງຊາດດ້ານມໍລະດົກ, ເຊິ່ງເປັນຄວາມຮ່ວມງານຂອງອົງການລະດັບ ແລະ ໜ່ວຍງານລັດຖະບານກາງຫຼາຍກວ່າ 60 ແຫ່ງທີ່ສ້າງຂຶ້ນເພື່ອປົກປ້ອງມໍລະດົກວັດທະນະທໍາຈາກຜົນກະທົບທີ່ເສຍຫາຍຈາກໄພພິບັດທໍາມະຊາດ ແລະ ເຫດການສຸກເສີນອື່ນໆ.
ໜ່ວຍງານສະເໜີການຊີ້ນຳດັ່ງຕໍ່ໄປນີ້ ເພື່ອຊ່ວຍທ່ານກູ້ຊັບສິນຂອງຄອບຄົວຄືນຈາກໄພພິບັດ
ຂັ້ນຕອນໃນການບັນທຶກຊັບສົມບັດຄອບຄົວຂອງທ່ານ
ດ້ວຍຄວາມອົດທົນເລັກນ້ອຍ ແລະ ການປະຕິບັດທີ່ໄວ, ທ່ານສາມາດບັນທຶກຮູບຖ່າຍ, ຈົດໝາຍ, ຮູບແຕ້ມ ແລະ ວັດຖຸອື່ນໆ ທີ່ບໍ່ສາມາດທົດແທນໄດ້. ຄໍາແນະນໍາແຕ່ລະຂັ້ນຕອນເຫຼົ່ານີ້ຈະຊ່ວຍໃຫ້ທ່ານຮັກສາສິ່ງຂອງມີຄ່າຂອງທ່ານໃຫ້ມີຄວາມໝັ້ນຄົງ ແລະ ຊື້ເວລາໃຫ້ທ່ານຕັດສິນໃຈຢ່າງມີຫຼັກການກ່ຽວກັບການຮັກສາ ແລະ ການຈັດການຂອງທີ່ລະນຶກຂອງຄອບຄົວຕໍ່ໄປ.
- ບຸລິມະສິດ: ທ່ານອາດຈະບໍ່ສາມາດບັນທຶກທຸກສິ່ງໄດ້, ສະນັ້ນໃຫ້ສຸມໃສ່ສິ່ງທີ່ສໍາຄັນທີ່ສຸດສໍາລັບທ່ານ, ບໍ່ວ່າຈະເປັນເຫດຜົນທາງປະຫວັດສາດ, ການເງິນ ຫຼື ຄວາມຮູ້ສຶກ.
- ສ້າງພື້ນທີ່: ການກະຈາຍສິ່ງຂອງໃຫ້ແຫ້ງຕ້ອງໃຊ້ພື້ນທີ່ຫຼາຍ! ມີຄວາມຄິດສ້າງສັນ: ຄ່ອຍໆຕິດຮູບໃສ່ເທິງຮາວຕາກເຄື່ອງ, ສ້າງອູນອນແຫ້ງໂດຍໃຊ້ໄມ້ກັ້ນລະບຽນພາດສະຕິກທີ່ຕິດໄວ້ລະຫວ່າງເກົ້າອີ້ສອງອັນ, ປິດຊ່ອງຫວ່າງໃນຮາວຕາກເຄື່ອງດ້ວຍຜ້າທູ ຫຼື ພັນຮາວຕາກເຄື່ອງດ້ວຍສະນວນທໍ່ເພື່ອຮອງຮັບເປັນພິເສດ.
- ຈັດການດ້ວຍຄວາມລະມັດລະວັງ: ໃຊ້ຄວາມລະມັດລະວັງໃຫ້ຫຼາຍໃນການຈັດການມໍລະດົກສືບທອດຂອງທ່ານ, ເຊິ່ງອາດຈະມີຄວາມອ່ອນແອໂດຍສະເພາະໃນເວລາທີ່ປຽກ.
ຄໍາແນະນໍາດ່ວນ
ການເປົ່າແຫ້ງດ້ວຍລົມຢ່າງອ່ອນໂຍນເໝາະທີ່ສຸດສຳລັບສິ່ງຂອງທີ່ມີຄ່າທັງໝົດຂອງທ່ານ—ໃນເຮືອນ, ຖ້າເປັນໄປໄດ້. ເຄື່ອງເປົ່າຜົມ, ເຕົາລີດ, ເຕົາອົບ ແລະ ການສໍາຜັດກັບແສງແດດດົນນານຈະສ້າງຄວາມເສຍຫາຍຢ່າງຖາວອນໄດ້. ເພີ່ມການໄຫຼວຽນຂອງອາກາດພາຍໃນອາຄານດ້ວຍພັດລົມ, ເປີດປ່ອງຢ້ຽມ, ເຄື່ອງປັບອາກາດ ແລະ ເຄື່ອງຫຼຸດຄວາມຊຸ່ມຊື່ນ.
ຮູບພາບ, ເອກະສານ, ປຶ້ມ ແລະ ສິ່ງທໍຄວນຖືກແຊ່ແຂງໄວ້ຖ້າທ່ານບໍ່ສາມາດເຮັດໃຫ້ແຫ້ງພາຍໃນ 48 ຊົ່ວໂມງ. ຫໍ່ສີ່ງຂອງດ້ວຍເຈ້ຍແຊ່ແຂງແລ້ວນຳໄປແຊ່ໃນຫ້ອງແຊ່ແຂງທີ່ບໍ່ມີນ້ຳຄ້າແຂງເຊິ່ງມີອຸນຫະພູມຕ່ຳສຸດທີ່ເປັນໄປໄດ້.
ຮູບຖ່າຍ
- ຢ່າແຍກຮູບຖ່າຍທີ່ປຽກ ແລະ ສິ່ງລົບທີ່ຕິດຢູ່ອອກຈາກກັນ.
- ຖ້າມີເວລາພຽງພໍ, ໃຫ້ຖ່າຍຮູບພາບຂອງທ່ານເພື່ອບັນທຶກສໍາເນົາດິຈິຕອນຂອງພາບຖ່າຍນັ້ນ
- ທຳຄວາມສະອາດຮູບຖ່າຍໂດຍການລ້າງດ້ວຍນ້ຳກັ່ນຢ່າງລະມັດລະວັງ, ຖ້າມີ ຫຼື ໃນນ້ຳສະອາດ ຖ້າທ່ານບໍ່ສາມາດຊອກຫານ້ຳກັ່ນໄດ້.
- ຕາກຮູບຖ່າຍແຫ້ງໃສ່ຕາໜ່າງພລາສຕິກ ຫຼື ຜ້າເຈ້ຍ ຫຼື ແຂວນໃສ່ແຈດ້ວຍໄມ້ໜິບພາສຕິກ.
- ຢ່າໃຫ້ຮູບພາບຕິດຕໍ່ກັບພື້ນຜິວອື່ນໆ ໃນຂະນະທີ່ພາບແຫ້ງ.
ແຫຼ່ງຂໍ້ມູນເພີ່ມເຕີມ PDF
ປຶ້ມ
- ຖ້າທ່ານມີປຶ້ມຢູ່ໃນນໍ້າເປື້ອນທີ່ປົນເປື້ອນໍ້າເສຍ, ປຶ້ມເຫຼົ່ານັ້ນເປັນອັນຕະລາຍຕໍ່ສຸຂະພາບຂອງທ່ານ. ຖີ້ມ ຫຼື ປຶກສາຜູ້ອະນຸລັກມືອາຊີບເພື່ອຂໍຄຳແນະນຳ.
- ຖອດເສື້ອກັນຝຸ່ນອອກແຍກໃຫ້ແຫ້ງ.
- ວາງເຈ້ຍອະນາໄມໄວ້ລະຫວ່າງໜ້າຂອງປຶ້ມທີ່ປຽກ.
- ສຳລັບປຶ້ມທີ່ປຽກ ຫຼື ປຽກບາງສ່ວນ, ຖ້າປຶ້ມຢູ່ໃນຂີ້ຕົມ, ຂີ້ໝ້ຽງ ຫຼື ນ້ຳເຄັມ, ໃຫ້ລ້າງປຶ້ມເທື່ອລະເຫຼັ້ມ, ໃສ່ໃນຖັງ ຫຼື ອ່າງນ້ຳສະອາດ, ໂດຍຈັບປຶ້ມໃຫ້ປິດແໜ້ນໃນເວລາຈຸ່ມນໍ້າ.
ແຫຼ່ງຂໍ້ມູນເພີ່ມເຕີມ PDF
ເອກະສານ, ການພິມ ແລະ ເອກະສານ
- ຍ້າຍຮູບແຕ້ມ ແລະ ການພິມອອກຈາກເຟັ້ມ.
- ລະບາຍອາກາດໃຫ້ແຫ້ງ ຖ້າທ່ານມີເອກະສານ ຫຼື ເອກະສານທີ່ປຽກບໍ່ຫຼາຍປານໃດ ຫຼື ຖ້າທ່ານມີພື້ນທີ່ພຽງພໍທີ່ຈະໃຫ້ສິ່ງຂອງທັງໝົດຂອງທ່ານແຫ້ງ.
- ລະບາຍອາກາດໃຫ້ແຫ້ງເປັນແຜ່ນໆ ຫຼື ເປັນກອງນ້ອຍໆ ສູງບໍ່ເກີນໜຶ່ງສ່ວນສີ່ນິ້ວ.
- ເອກະສານສາມາດແຊ່ແຂງໄດ້ຖ້າທ່ານມີເອກະສານຈຳນວນຫຼາຍເກີນໄປເພື່ອໃຫ້ລະບາຍອາກາດແຫ້ງ. ຂະບວນການນີ້ອາດຈະໃຊ້ເວລາຫຼາຍອາທິດຫາຫຼາຍເດືອນ.
ແຫຼ່ງຂໍ້ມູນເພີ່ມເຕີມ PDF
ເອກະສານແທ້ຈິງ
ເມື່ອຊີວິດຖືກນໍ້າຖ້ວມ, ພະຍຸເຮີຣິເຄນ, ລົມພະຍຸທໍນາໂດ ຫຼື ໄຟໄໝ້, ຊັບສົມບັດອັນລໍ້າຄ່າເຊັ່ນ: ມໍລະດົກຂອງຄອບຄົວ, ຮູບຖ່າຍ ແລະ ຂອງທີ່ລະນຶກອື່ນໆ ກາຍເປັນທີ່ຮັກແພງຫຼາຍຂຶ້ນ. ໜ່ວຍງານສຸກເສີນແຫ່ງຊາດດ້ານມໍລະດົກສະເໜີແນວທາງພື້ນຖານເຫຼົ່ານີ້ຈາກນັກອະນຸລັກມືອາຊີບສຳລັບຜູ້ທີ່ກຳລັງຊອກຫາ — ແລະ ຊອກຫາ — ສົມບັດຂອງຄອບຄົວໃນທ່າມກາງຊາກຫັກພັງ.
ຫຼັງຈາກໄຟໄໝ້: ຄໍາແນະນໍາໃນການເກັບກູ້ຊັບສິນຂອງຄອບຄົວທີ່ເສຍຫາຍ
ຫຼັງຈາກນໍ້າຖ້ວມ: ຄໍາແນະນໍາໃນການເກັບກູ້ຊັບສິນຂອງຄອບຄົວທີ່ເສຍຫາຍ
ກອບກູ້ຊັບສີນທີ່ມີຄ່າຂອງຄອບຄົວ ແລະ ມໍລະດົກສຶບທອບທີ່ເສຍຫາຍຈາກນໍ້າ
ອັງກິດ
ກອບກູ້ຊັບສີນທີ່ມີຄ່າຂອງຄອບຄົວ ແລະ ມໍລະດົກສຶບທອບທີ່ເສຍຫາຍຈາກນໍ້າ
ແອສປາໂຍນ
Cómo salvar los objetos de valor y las reliquias familiares dañados por el agua (Spanish)
ຈີນ
ເຮຕີ ຄຣີໂອ
Ranmase dlo-domaje fanmi yo ak piès eritaj (Haitian Creole)
ຫວຽດນາມ
Cứu Hộ Các Tài Sản Có Giá Trị Và Vật Gia Truyền Về Mặt Gia Đình Bị Hư Hỏng Do Nước (Vietnamese)
ປອກຕຸຍການ
Como proteger os bens valiosos e heranças da família danificados pela água (Portuguese)
ແຫຼ່ງຂໍ້ມູນເພີ່ມເຕີມ
ຕັ້ງແຕ່ປີ 1995, ໜ່ວຍງານປະຕິບັດງານໄດ້ສະໜອງຄວາມຊ່ວຍເຫຼືອແກ່ບຸກຄົນ ແລະ ຊຸມຊົນວັດທະນະທໍາ – ຫໍພິພິທະພັນ, ຫ້ອງສະໝຸດ, ຄັງເກັບມ້ຽນ, ອົງການສິລະປະ, ຫ້ອງການບັນທຶກ ແລະ ອື່ນໆ – ດ້ວຍການຊີ້ນໍາ ແລະ ການຊ່ວຍເຫຼືອດ້ານວິຊາການກ່ອນ, ໃນລະຫວ່າງ ແລະ ຫຼັງໄພພິບັດ.
ມີແຫຼ່ງຂໍ້ມູນຫຼາຍໃນເວັບໄຊທ໌ Task Force, ເຊິ່ງລວມທັງຂໍ້ມູນດັ່ງຕໍ່ໄປນີ້:
ຫາກຕ້ອງການຂໍ້ມູນເພີ່ມເຕີມກ່ຽວກັບການປົກປ້ອງມໍລະດົກທາງວັດທະນະທໍາທີ່ຖືກຄຸກຄາມ ຫຼື ໄດ້ຮັບຜົນກະທົບຈາກໄພພິບັດ — ໃນສະຫະລັດ ແລະ ຕ່າງປະເທດ — ໄປທີ່ເວັບໄຊທ໌ຂອງຄູ່ຮ່ວມງານຂອງພວກເຮົາ, ໂຄງການລິເລີ່ມຊ່ວຍເຫຼືອວັດທະນະທໍາ Smithsonian (Smithsonian Cultural Rescue Initiative).