FEMA tuma Luba Furendei Smithsonian, (Smithsonian Institution) fayei hamuti Oundaruni Nadagümetu Wagaüra lu Emergensia luma Walagate (Heritage Emergency National Task Force), aba oundaruni tabu 60 tuyerigu oundaruni tidan lun heseribidun lu wagaüra tuma oundaruni lumagiñetu uruwei to adigíwabou lun hatonigiruni walagate lue sun luyarigu damichi le ligirubei luriba dan luma anu emergensia.
Oundaruni Nadagümetu (Task Force) rutumuti eweridihani le lun gayarabei la hideraguñina gürigia hedeiruni irisini hamagiñe hanibafagu larigiñe aba damichi.
Üma le lubei lasigiruniwa lun Aunigiruni Irisini hamagiñe Binibâfagu
Lau murusu gurasu luma wadagümanu fureseti, gayarabei beséfuru iyawaü, gárada, feindira luma amu katei. Anhei basígira eweridihani le aba larigi aba lidegubabu lu bareiduni búgeme létima gebegibei ani lichuguba dan bun lun batomaru aba saminaü ida luba la batonigiruni sun barítaguagüle hama giñe binibâfagu.
- Meigeini: Mama sun katei meigei la lasalbaru niwa, mosu bichuguni bisamina luagu katei le ligiraguti, gayarabei babuduhai katei le binaditi keibi, sensuauti o kate le hinsiñeni bu.
- Agüda chânsi: ¡Bamabeigüdü katei meikeibei bandi fúlasu! Mosu sumadiba: dahibou iyawaü lida aba lánbara, adüga ba aba ügürau tautu maya lun tamabeidun ilagu abame bichugunu biama halaü tamidagua, doubei huyu lida aba lánbara lau tul o labu tuwu lu herebei la.
- Abugaha lau Duwari: Yusu ba duwari lun barigidini katei le binadühali, le ñuluti deime düdü la.
Eweridihani Fureseti
Mabei le lauti garabali hamouti ligiatima buidubei tu ilagu totima hinsiñebou bu---munada, anhei gayara ladiginiwa. Amabeidagile lun idiburi, feru, watu luma terederun gibeti dan labugiñe weyu gayarabei tagadeiru. Inyuraguabei labelurun garabali munadou lau afuhani, funedei daraguti, garabali le diliti luma deshumidificadores.
Iyawaü, gárada, líburu luma ubanaü mosu hadiliru anhei siyanbei lubei tamabeidu lidan 48 houra. Barugua ba tau ilagu lau garada lun tadilihouniwa ani lubei lidoun aba adilihagilei le lichuti yelu ani mosu inabula idili.
Iyawaü
- Magidaraba iyawaü anhei düdü tubei.
- Anhei ichiga dan chânsi bun, diyabou biyawa lun ñei ta buma lidan bigagamuru.
- Arumadahabou iyawaü lau duna atouhouwali, anhei anihei lubei buma o lau duma harumati anhei madariru buguya duma le atouhouwali.
- Mabeigidabou iyawaü lau garabali tidan aba maya o tau garada tun gusina, o dahibou lau aba anchu.
- Nigirabou iyawaü lun tayarafabun tu amu ilagu damne tamabeidun.
Líburu
- Anhei anuha lubei líburu buma tobuga lidabou duma hingiti, gama lumon wuribati lun batuadi.
- Furibou o aligüdaba aba gürigia subuditi tuaguti iyawaü lun lariñagu bun kaba la badiga.
- Gidabei tidarü lun tamabeidun aba larigi aba.
- Fidiba garada le tani gusina lidan ubanaü lun tamabeidun aba larigi aba.
- Tun líburu to düdübou o to maweiribei tadüdü, anhei lida ñoun lubei duna le hingiti o basuati, chibabou líburu, aba larigi aba, lida aba weru lau duna harumati, abame bigirunu líburu darugu danme bichugunu dunarugu.
Dugumêdu, Gárada luma Ubanaü
- Gidabei fendirira tuma iyawaü tidagiñe.
- Mabeigüdabou sun ilagu anhei fiyu guñoun lubei dugumêdu buma o ubanaü düdütu o anhei anihei lubei chânsi buma barugudi lun bamagei güdüni sun bumegei.
- Mabeigüdabou lau garabali sun ubanaü labüguagüti o labun liñürau daga gadürü lifinga le liñuru.
- Sun dugumêdu gayarabei tadilihagüdüniwa anhei gibetubei buma lun tamabaridun. Gayarabei lataridü badi dimâsu o bandi hati.