Ti impormasion iti daytoy a panid ket saanna nga iyanninaw dagiti update ti Indibidwal a Tulong para kadagiti didigra a naideklara idi wenno kalpasan ti Marso 22, 2024.
Ammuem ti ad-adu pay maipapan iti magun-odan itan.
Repasuem ti Aplikasionmo
Pammaneknek ti Panagtaeng
Panangpaneknek iti Kinasiasino
Isumite ti Dokumentasion
Panangsukimat iti Balay
No addaanka iti insurance, rumbeng nga ag-file-ka iti claim iti kompania ti segurom no agaplikarka iti tulong ti FEMA. Saan a makatulong ti FEMA kadagiti lugi a sigud a sakupen ti insurance. No saan a saklawen ti insurance-yo amin a lugi wenno nataktak, mabalin a maikarikayo iti tulong ti FEMA maipapan kadagiti di pay napennek a kasapulanyo.
No ti kangrunaan a pagnanaedanyo ket nadadael gapu iti didigra ken saan a mabalin a pagnaedan, nadalus ken natalged, mabalin a maiyeskediulkayo para iti panangsukimat iti pagtaengan tapno mapaneknekan ti pannakadadael. Maibatay iti kaykayatmo a naipasimudaag iti tiempo ti aplikasionmo, makaawatka iti surat wenno elektroniko a surat. Ilawlawag ti surat no maikarika iti tulong, no kasano kaadu ti tulong nga awatem, no kasano a masapul nga usaren ti tulong, ken no kasano nga apelaen ti desision ti FEMA no dika umanamong iti dayta.
Maikeddeng ti tulongmo babaen ti panangidilig kadagiti nairekord a nasken a pannakapukawmo ken nakaro a kasapulam kadagiti kita ti tulong a magun-od iti uneg dagiti programa ken serbisio ti FEMA. Ti tulong ti FEMA ket saan a kapada ti insurance ken saan met a mabalin a pagbalinen a sibubukel ti nakalasat. Ti pederal a tulong manipud iti FEMA ket mangipaay laeng iti pondo para kadagiti kangrunaan a pannakatarimaan tapno agbalin a natalged, nadalus ken mabalin a pagnaedan ti pagtaengan. Mabalin met a maiturongka iti U.S. Small Business Administration (SBA) para kadagiti nababa ti interesna a pautang iti didigra tapno ad-adda a makatulong iti panagsublim.
Panangrepaso iti Aplikasionmo iti DisasterAssistance.gov
Mabalinmo ti mangaramid iti online nga account ti FEMA Disaster Assistance Center (DAC) iti DisasterAssistance.gov. Maibilinto kenka a mangaramid iti naisangsangayan a Personal Identification Number (PIN) para iti natalged a pannakagun-od iti impormasion ti aplikasionmo iti tulong iti didigra.
Iti uneg ti online account-mo, mabalinmo ti:
- Repasuem ti impormasionmo iti aplikasionmo iti tulong iti didigra
- Mangipaay kadagiti update maipapan iti personal nga impormasion ken kasapulam
- Kitaen dagiti surat ken mensahe nga impatulod kenka ti FEMA
- Mangala kadagiti detalye kadagiti kanayonan a dokumento a kasapulan ti FEMA tapno maproseso ti tulongmo
- I-upload dagiti dokumento ti file-mo
- Repasuen ti impormasion a naawat ti FEMA manipud kenka
Para iti tulong a mangparnuay wenno makastrek iti account-mo, tawagam ti Internet Help Desk, nga agtartaray iti 7 a.m. ET agingga iti 1 p.m. ET, 7 nga aldaw iti makalawas: 800-745-0243.
Beripikasion ti Panagtagikua/Panagnaed iti Balay
Kalikaguman ti FEMA ti linteg a mangpaneknek iti pagtaengan ti aplikante ken mangpaneknek iti panagtagikua iti pagtaengan no agaplikarka iti sumagmamano a kita ti tulong iti balay.
Kitaen dagiti Naaprobaran a Dokumento
Panangpaneknek iti Kinasiasino
No saan a kabaelan ti FEMA a paneknekan ti kinasiasinoyo bayat ti proseso ti aplikasion, kasapulan nga agisubmitirkayo kadagiti mangsuporta a dokumento.
Dagiti Suporta a Dokumento para iti Panangpaneknek iti Kinasiasino
Dokumentasion tapno mapaneknekan ti kinasiasino*
- Dokumentasion manipud iti Social Security Administration, wenno dadduma pay a pederal nga entidad, a naglaon iti naan-anay wenno maudi nga uppat a digit ti Social Security Number (SSN)-yo .
- Social Security card no maipatulod nga addaan iti pederal wenno inruar ti estado a pakabigbigan
- Employer’s payroll document a naglaon iti naan-anay wenno maudi nga uppat a digit ti SSN-mo
- Panangbigbig ti militar
- Lisensia ti panagasawa tapno mapasingkedan ti pammaneknek ti nagan ti balasang
- Pasaporte ti U.S.
*Iti kaso por kaso a batayan ti FEMA ket mabalin a palubosan dagiti aplikante nga agnanaed kadagiti teritorio ti U.S. a mangisubmitir kadagiti espesipiko a dokumento ti panangpaneknek iti kinasiasino, kas kadagiti voter registration cards, kdpy.
No nagaplayka iti tulong iti nagan ti maysa a menor de edad (ubing) nga umili ti U.S. para iti sangakabbalayanmo, masapul nga ipatulodmo iti FEMA dagiti sumaganad:
Aniaman kadagiti dokumento a nailista iti kannigid, no iti nagan ti ubing WENNO
Sertipiko ti pannakayanak ti ubing KEN kopia ti Social Security card wenno dokumentasion ti ubing manipud iti Social Security Administration, wenno dadduma pay a pederal nga entidad, a naglaon iti naan-anay wenno maudi nga uppat a digit ti SSN ti ubing.
Panangisubmitir iti Dokumentasion
Mabalinmo a bisitaen ti DisasterAssistance.gov tapno mangisubmitir iti dokumentasion ken kitaen ti kasasaad ti aplikasionmo online.
Gapu ta nabigbigna a ti online system laeng ket mabalin a saan a makatulong kadagiti kasapulan dagiti nakalasat, nangipasdek met ti FEMA kadagiti Documentation Drop-off Centers a sadiay dagiti nakalasat ket mabalinda ti agaplikar iti tulong, agsaludsod, mai-scan dagiti dokumentoda iti case file-da ken maisubli kadakuada iti lugar.
Agbirok iti Disaster Recovery ken Document Drop-off Center
Panangsukimat iti Balay
Kalpasan ti panagaplaymo iti FEMA, marepaso ti kiddawmo a tulong tapno maammuan no kasapulan ti inspeksion tapno mapaneknekan ti pannakadadael ti pagtaengan ken personal a sanikua a mainaig iti didigra.
Maaramid itan ti in-person ti panangsukimat iti balay iti FEMA. Agtalinaed a prioridad ti FEMA ti salun-at ken kinatalged dagiti nakalasat iti didigra isu a pagtalinaeden ti ahensia ti abilidad a mangisayangkat iti inspeksion babaen ti exterior validation a saan a sumrek iti pagtaengan no madanagan dagiti nakalasat gapu kadagiti di masigurado iti COVID-19.
Ammuen ti Ad-adu pay maipapan kadagiti Panangsukimat iti Balay