Ļañ kwoj kein ilo Disaster

Ej jab in kwalok an jerbal en im kei koṃro rej kerbalok ijin wōt erekwalok menin ijo ṃoṃak ijinjerbal in menin ke ijel in ko jet eo an waanij

Enana Ekkatak im Eo Im Komun Katak

Kōjā kōn naan menū bōk jen filter rōl ļap buñ kōn type jen question aō type in jen keyword.

Ta taip in jipan eo ej komman nan ro rej reen HUD?

Elane ear woj jipan ikkijeen em jen HUD im mweo mom ejjab emman nan jokwe ien kin wot joreen eo, komaron kojeral jeen in jipan eo nan em jen FEMA ilo am pad ie ilo jidik wot ien elane ejjelok em jen HUD alikin joreen eo, im mae ien:

  • Kobar rool nan moko mon bablik;
  • Kobar rool nan moko mom make im rej ebok jipan jen HUD; ak
  • Kwoj jaini juon liij ippen juon oner in ijo jikin make ilo am kojerbal jipan jen HUD.

Kakobaba, jeen in jipan nan kepopo imaan joreen ko, HUD rireen ro remaron kobare jeen ko kwoj kollaiki wonen jikin jokwe ko ilo jidik wot ien, jeen nan bar kommane ak kokmanman men ko mweiom, wa eo waam, mej eo ejjelok an injuron, takto, koteep, takto in ajri, wonen komakit mweiuk ko am. Takto ilo ejjelok injuron im koteep emaron koba jako ak joreen kein jerbal in takto ko ak joreen ko rej komman joreen ilo enbwin.

Ikar ebok ao jeen in jipan nan reen jen Department of Housing and Urban Development (HUD) im rekar kadiwoj io kin wot juon joreen eaar walok. Ij ke maron kojerbal jeen in jipan jen FEMA?

Elane rekar komman bwe kwon diwoj jen HUD-mweo kin wot joreen eo, komaron kojerbal jeen in jipan eo jen FEMA kin wot joreen ko ak wonen ko im rekar walok jen joreen eo im rekar jab kobar jen HUD. Elane mweo mom ekar jab emman nan jokwe ie kin wot menin joreen eo im ejjelok bar em HUD epad nan kwe, FEMA emaron bar jipan kin juon em nan am pad ie ilo jidik wot ien.

Ia eo imaron loe melele ko kin jimwe ko an rireen eo im bunton ko nan lori ilo ien kadiwoj jen mweo kwoj jokwe ie?

U.S. Department of Housing and Urban Development ej lewaj jet bunton ko kin jimwe ko an rireen ro. Kakobaba in jipan emaron komman ilo am kurlok nomba eo ejjelok wonen am kurlok ilo (800) 310-7029.

Ta eo enaaj walok elane inaaj rool nan mweo mo im loe joreen ko ikar jab jela kaki mokta?

Elane konaaj rool nan mweo mom im loe jet joreen ko ilo mweo, kokaal kobban abolkeijen eo am ippen FEMA ilo am kurlok FEMA Helpline ilo 800-621-3362.

Juon rietale jen FEMA enaaj iwoj im etale men ko mweiom ne rej joreen.

Mweo mo ekar joreen, ewor ke jeen in jipan nan men kein emoj ao luuji?

Jipan ej pellak nan aolep ro rej apan kin menin joreen ko, ekoba rireen ro, ro im ejjelok aer injuron im injuron eo aer rejjab kobare jet iaan wonen ko im aikuij laplap ko aer. Menin emaron koba jeen ko nan kokmanman men ko mweiom make, wa eo waam, wonen takto ko kwoj make kollaiki, koteep, takto in ajri, wonen komakit men ko mweiom.

Transitional Sheltering Assistance (TSA), Lodging Expense Reimbursement (LER), im wonen reen eo rej ke juon wot?

Jaab. Reoktak aolep jen doon.

TSA ej juon burokiraam an FEMA im ej jerbal nan jet kain menin joreen ko. Ej kotlok nan kojerbal ilo jidik wot ien, jidik wot ien jokwe ilo otel/motel, im FEMA ej kaju kollaiki. Ro rej apan jen joreen ko rejjab maron kajjitok nan kojerbal TSA. Ro im rej maron bok leen jeramman in renaaj kurlok er jen FEMA kin aer maronin bok jipan in.

Elane kwoj aikuij jidik ien nan am jokwe ilo otel ak motel kinke kojjab maron pad ilo mweo mom kin wot joreen eo, FEMA emaron in karool waj jeen eo am kwar make kojerbale im kolla kake (ruum im tax) ilo an jerbal Lodging Expense Reimbursement.

Jeen in jipan kin reen eo ej jeen eo nan reen bar mon jokwe ko jet, einwot abaatmen, ilo an mweo mom kepopo wot im komman kokmanman ko ie ak mae ien eo konej loe juon lukkin mon jokwe. Nan rikanne abolkeijen ro im emoj aer papa, rekar wonmaanlok wot im aikuij jokwe ilo mokein jidik wot ien pad ie, Rental Assistance eo ej maron bar pad nan laptata 18 allon jen ien eo joreen eo ekar walok.

Einwot juon rireen, ta kain taip in jipan ko an FEMA im enaaj ekkar nan na?

Jeen in jipan nan rireen ro rej apan jen menin joreen ko emaron kobare bar karool jeen eo am ilowaan jidik wot ien am kolla wonen jikin jokwe eo am, jeen ko nan reen jikin jokwe ilo jidik wot ien, jeen nan jipan kokmanman men ko mweiom make, wa eo waam; mej eo ejjelok an injuron, takto, koteep, takto in ajri, wonen komakit mweiuk. Takto ilo ejjelok injuron im koteep emaron koba jako ak ejoreen kein jerbal eo nan takto ak apan ko rej komman joreen ilo enbwin.

Elane Direct Housing Assistance ej komalim nan kain joreen eo, komaron bok leen jipan in Direct Temporary Housing Assistance eo elane kojjab maron kojerbal jeen in jipan nan pad ilo moko ilo jidik wot ien im ejjelok bar wawein kilen jikin jokwe ej komman nan kwe.

Imaron ke abbulae onlain elane Internet eo ao ejjab lukkin emman?

FEMA ej konaan bwe en lukkin emman Internet eo am elane kwoj abbulae onlain. Elane ejako Internet eo am, eo im emaron kakure ien jajon ko am im aikuij bwe kwon delone bar akkaun eo am ak bar jino kanne abolkeijen eo am. Ne konej lelok abolkeijen ko am elon alen konaaj komman bwen rumij an iwoj jeen in jipan eo am.

Armej ro ewor joreen ilo enbwinier remaron ke topar DRC kein?

DRC ko rej pad nan armej ro ewor joreen ilo enbwinnier im ro jet im ewor aer aikuij. Epad jipan ko ie im talboon ko nan topar er, talboon eo ej jeiki naan ko, pitio im talboon, jikiniuwe an wiiljea ko im bar kein jipan ko jet nan komman bwen po buruon rikanne abolkeijen ro im ren maron bok jipan ko raikuiji.

Ewi wawein ao loe juon DRC ilo ijo ij pad ie?

Nan loe DRC eo epaaktata, kojerbal  DRC Locator eo

Ak text e  DRC im  ZIP Code eo nan  43362. Waanjonak:  DRC 01234 (Jonan wonen text majej ej abbulae).

Kojjela eo eliktata
Rool ńan loń