Ļañ kwoj kein ilo Disaster

Ej jab in kwalok an jerbal en im kei koṃro rej kerbalok ijin wōt erekwalok menin ijo ṃoṃak ijinjerbal in menin ke ijel in ko jet eo an waanij

Enana Ekkatak im Eo Im Komun Katak

Kōjā kōn naan menū bōk jen filter rōl ļap buñ kōn type jen question aō type in jen keyword.

Ta kain jorpej ko im DRC ej litok?

DRC ko rej letok melele ko im jipan ko alikin an walok juon joreen. Jorpej ko remaron oktaktak ekkar jen jikin eo, ak ekka aer kotlok bwe kwon:

Katak kin burokiraam ko kin menin jipan ko jen joreen ko
Abbulae nan jipan ko jen menin joreen ko
Jeeke jitatoj in FEMA abolkeijen eo am
Boke jipan kin am melelelok kin kojjella ko im leta ko an FEMA
Melele ko kin kabok em ak mon reen
Rej ba kwalok ia ko komaron bar bok am jipan ie kin aikuij ko am jet
Kwelok ippen ro im rej itok jen Small Business Administration

Jouj im etal nan DRC Locator jipan eok bukot awa in jerbal ko aer, jorpej ko, im ia ko DRC ko rej pad ilo ijoko kwoj pad ie

Ta in Disaster Recovery Center (DRC)?

FEMA Disaster Recovery Centers (DRCs) rej jet opiij ko rej temborare wot im komman alikin joreen eo nan lelok jerbal ko nan jikin ko rejalet er im jukjuk in pad ko. Opiij kein remaron jipan kin komman abolkeijen, uaak kajjitok ko kin abolkeijen eo am, im jipan eok lelok melele ko am nan FEMA. Komaron bar loelok baatnor ro rej jipan kin joreen (Small Business Adminstration, Red Cross, etc.) ilo DRC.

Ta jet iaan bunton ko imaron kommane nan maron in jab kaer ao lomnak alikin joreen eo?

Elane kwoj enjaake ke kwoj entaan wot alikin joreen eo, erkein ej jet iaan makitkit ko komaron kajjeoni nan jipan kokmanman am lomnak:

Kenono ippen ro jet. Kajjeon topare juon eo mottam kolukin leke ak baamle eo, ak eo ilo mon jar eo einwot ritel eo nan am kajjeon lale ne joreen eo ekar jalet eok.
Erloke im komakit enbwinnum nan am jolok edodo ko ie. Kajjeon makitkit ko repidodo einwot etetal, metiteit elane ekkar.
Bok kutuom im menono
Ronjak al. Kommane juon liij in al ko remman ronjaki im kakije im kakutkut am ronjaki.
Kejbarok eok make elap an aurok. Bok ien im komman bwen lap ien am kakije im buul daak aiboj.

Nan lewaj elaplok bunton ko nan jipan eok bukot am ajmour, lale pepa in kamool ko an Substance Abuse and Mental Health Services Administration.

Ta jet iaan jain ko an joreen in kolmenlokijen im rej ekkeijaaklok wot ippen menin joreen ko?

Jain ko kin joreen in kolmenlokijen ekoba:

Tar jen jonan buromoj
Ikutkut am mijak, aliklik, im ikumlok
Enjaake an ejjelok jipan ak ejjelok menin kejatdikdik
Mijak mejatoto im menin joreen ko jet
Lap am ilulu im jalet kotaan ko am ippen ro nukum im mottam
Etonak kaamijak ak bar lomnak kin ien kaamijak ko rekar walok
Ejjab kwon am pad mweo ak jikin jerbal
Epen am bwebwenato kin ta eo ekar walok ak ronjake an ro jet kenono kake

Won eo imaron kenono ippen elane ikonaan kabok jipan kin enjaake alikin juon ien joreen?

Disaster Distress Helpline (DDH) eo ej pellak 24/7, aolep iio, ilo an itino melele ko, jerbal in kapiloklok ej itok ilo elon kain kajin ko im jipan kenono kin enjaake ko rebar pad nan jipan ro rej joreen jen menin joreen ko, rilorlorjake jerbal ko, im jabdewot ilo U.S. im rej eddo kin aer in kolmenlokijen itok wot jen joreen ko rej bok jikier. Komaron kurlok ak text e 800-985-5990 nan aer lewaj juon rijerbal eo etijemlok kin jerbal in joreen in kolmenlokijen.

American Sign Language (ASL) ro rej kojerbale remaron kurlok 800-985-5990 ilo aer pitio im kenono ippen armej in etijemlok ilo kokapiloklok kin DDH im elap an jela ASL ak delone “ASL NOW” eo ilo DDH website eo ilo https://www.samhsa.gov/find-help/disaster-distress-helpline.

Substance Abuse and Mental Health Services Administraton (SAMHSA) ej lewaj juon Disaster App. Ilo jene, komaron katak kin men ko im remaron pad nan jipan eok bukot mejan am mour alikin joreen eo ekar walok.

Eaurok ke bwe in kejbarok ao enjaake im tomak alikin ien joreen eo?

Ilo am kemouruur jen ien joreen eo, komaron loe kwe make ak baamle eo am ejjab emman ami mour ilo kolmenlokijen. Enjaake kein ekkar aer walok im rej mottan jerbal in kajmouruur. Elap an aurok nan jela neet eo nan jipan ikkijeen enjaake im tomak eo am.

Ewi wawein ao bok PIN eo?

Ien eo akkaun eo am onlain ej komman, FEMA enaaj imeile eok 4 nomba PIN eo ej jerbal wot ilowaan jidik ien. Emaron bok 24 awa nan an iwoj PIN eo am. Jeeke jipaam im boultor in kopej ko elane kojjab elolo imeil ilo book eo ej delon waj imeil ie.

Etke ej beddo itok bod ilo ao kommane akkaun eo ao?

Mokta jen am kommane akkaun eo am onlain, kwoj aikuij in uaak emen kajjitok ko nan wot kakwon melele ko ikkijeem im kamooli. Kajjitok kein rej itok jen data ko rej pad ilo rekoot ko am ilo bablik.

Ewi wawein ao loe mon jokwe ilo idun ituru?

Bukot jikin jokwe ko repellak ilo am jeiki SHELTER im ZIP code nan 43362. Waanjonak: Shelter 01234 (Jonan wonen text majej ej abbulae).

Neet eo enej itok uaak kin leta in komman oktak eo ao?

Komaron kotmene nan an iwoj juon uaak kin leta eo am ilowaan 90 raan jen ien eo kwar lelok pepa ko am.