Kesyon Moun Abitye Poze Sou Katastwòf

Ou mèt rete tann repons demand reverifye a jiska 90 jou apati de lè dokiman yo te rive a.

Ou dwe gen yon bon jan koneksyon entènèt lè ou ap aplike anliy. Si entènèt ou tonbe, sa kapab fèmen sesyon ou epi mande w pou rekonekte oswa rekòmanse demand lan depi nan kòmansman.

Anvan ou kreye kont ou anliy, fòk ou reponn kat kesyon sekirite pou verifye idantite ou. Kesyon sa yo soti nan enfòmasyon ki disponib nan plizyè dokiman Leta.

Depi ou fin kreye kont anliy ou a, FEMA ap voye sou imèl ou yon PIN tanporè 4 chif. Sa ka pran jiska 24 trè anvan ou resevwa PIN ou a. Verifye bwat move imèl ak vye imèl yo si ou pa wè imèl PIN la nan bwat resepsyon an.

Pandan ou ap fè efò pou rekanpe djanm apre yon katastwòf, ou kapab santi ou menm oswa fanmi ou nan yon gwo batay emosyonèl. Emosyon sa yo nòmal epi yo fè pati pwosesis rekanpe djanm nan. Li enpòtan pou konnen kilè pou al chahe èd emosyonèl ak espirityèl.

Siy detrès emosyonèl gen ladan yo:

• Yon gwo tristès akablan
• Deseri van laperèz ki frape w tanzantan, ak gwo enkyetid
• Ou santi w pa kapab ankò oswa ou san zespwa
• Ou ap veye twòp sou tan ak lòt move tan ki ka pase
• Ou akaryat epi sa afekte relasyon w ak fanmi w epi zanmi w
• Ou fè move rèv oswa ou ap repase nan tèt ou evènman katastwòf la yo
• Difikilte pou reprann lavi nòmal nan kay ou oswa nan travay ou
• Difikilte pou pale sou sa k pase a oswa pou tande lòt moun ap pale sou sa

Si ou santi w gen difikilte apre yon katastwòf, men kèk aktivite ou ka eseye fè pou soulaje estrès la:

• Pale ak lòt moun. Rele yon zanmi oubyen fanmi ou fè konfyans, oswa yon dirijan espirityèl pou eksplore ki sans evènman an gen pou ou.
• Detire kò w epi fè mouvman pou retire eksedan sekresyon estrès ki akimile nan kò w. Eseye mouvman senp tankou mache, oswa meditasyon si posib
• Pran gwo souf ki ap kalme w
• Fè mizik. Kreye yon lis mizik pou tèt ou epi tande li souvan
• Swen pèsonèl enpòtan. Pran tan pou fè sèten ou repoze ase epi bwè kantite dlo sifizan

Pou ede w pran swen tèt ou, gade nan feyè enfòmasyon Administrasyon Sèvis pou Toksikomani ak Sante Mantal afiche a.

Sant pou Rekanpe Djanm (DRC) FEMA yo se biwo tanporè ki etabli apre yon katastwòf pou bay zòn ak kominote ki soufri enpak yo èd. Biwo sa yo ka asiste ak pwosesis aplikasyon an, reponn kesyon sou aplikasyon w lan, epi ede w soumèt enfòmasyon bay FEMA. Epi tou ou kapab vizite lòt patnè pou sipò kont katastwòf (Administrasyon
Ti Antrepriz, Lakwa Wouj, elatrye) nan yon DRC.

DRC yo ofri enfòmasyon ak asistans apre yon katastwòf. Sèvis yo ka varye selon lokal, men jeneralman yo pèmèt ou:

• Pran ransèyman sou pwogram asistans kont katastwòf
• Aplike pou asistans kont katastwòf
• Verifye kondisyon aplikasyon ou voye bay FEMA a
• Resevwa èd pou konprann avi oswa lèt FEMA voye ba ou
• Resevwa enfòmasyon sou asistans pou ebèjman ak lwaye
• Resevwa rekòmandasyon pou ajans ki ofri lòt kalite asistans ki varye
• Rankontre ak reprezantan ki soti nan Administrasyon Ti Antrepriz

Tanpri vizite Lokalizatè DRC a pou ede w jwenn lè yo, sèvis yo, ak lokal DRC nan zòn ou yo.

Pou w jwenn DRC ki pi pre w la, sèvi ak Lokalizatè DRC a.

Osinon ekri yon SMS ki make DRC ak yon ZIP Kòd nan 43362. Egzanp: DRC 01234 (pri nòmal mesaj SMS aplikab).