Kualipikado para iti Tulong iti Kalamidad ti FEMA: Kasapulan ti Kasasaad ti Umili ken Imigrasion

Mabalin nga ipaay ti FEMA ken ti gobierno ti estado, teritorio wenno tribu ti direkta ken pinansial a tulong iti didigra kadagiti umili ti U.S., saan nga umili a nasional ken kualipikado a saan nga umili.

Mabalin a karaman iti tulong no didigra ti kuarta para iti temporario a tulong iti panagabang, pannakatarimaan iti pagtaengan, pannakapukaw ti personal a sanikua, pannakapukaw iti medisina, gastos iti pumpon, ken dadduma pay a kasapulan wenno gastos a mainaig iti nakaro a didigra a saan a sakupen ti seguro wenno dadduma pay a pamay-an.

No adda, dagiti rekurso a mangsustiner iti biag kas iti pagyanan, taraon ken danum, crisis counseling, disaster case management, disaster supplemental nutrition assistance program ken disaster legal services ket magun-od kadagiti nakalasat iti didigra aniaman ti kinaumili ken kasasaad ti imigrasion.

I-download ti Flyer ti Kualipikado para iti Tulong iti Kalamidad ti FEMA: Kasapulan ti Kasasaad ti Umili ken Imigrasion  iti adu a pagsasao.

Asinoman a nayanak idiay U.S.; maysa a tao a nayanak iti ruar ti U.S. iti di kumurang a maysa a nagannak ti U.S.; wenno maysa a naturalized citizen.

Maysa a tao a nayanak iti ruar a sanikua ti U.S. (i.e., American Samoa wenno Swain’s Island) iti wenno kalpasan ti petsa a pananggun-od ti U.S. iti sanikua, wenno maysa a tao a dagiti nagannakna ket saan nga umili ti U.S. Amin nga umili ti U.S. ket nasional ti U.S., ngem saan a tunggal nasional ti U.S. ket umili ti U.S.

• Legal a Permanente nga Agnanaed (“Green Card” holders).
• Naikkan iti asylum dagiti saan nga umili
• Dagiti nagkamang
• Dagiti saan nga umili a ti deportation status-da ket maiparit iti di kumurang a maysa a tawen
• Dagiti saan nga umili ket naparole iti U.S. iti di kumurang a maysa a tawen para kadagiti naganat a natauan a panggep wenno dakkel a pagimbagan ti publiko
• Dagiti sumrek a Cubano/Haitiano
• Dadduma a nasapsaplit a saan nga umili wenno dagiti assawa wenno annakda
• Dadduma a biktima ti nakaro a kita ti human trafficking, agraman dagiti tattao nga addaan iti “T” wenno “U” visa

Graphic

No ti maysa nga aplikante ket saan a makasangpet iti kasasaad ti kinaumili wenno imigrasion iti panawen dagiti aplikasion, ti sangakabbalayan ket mabalin pay laeng nga agaplikar para iti sumagmamano a porma ti pederal a tulong no:

Ti nagannak wenno legal a guardian ti menor de edad nga ubing nga umili ti U.S., saan nga umili a nasional wenno kualipikado a saan nga umili ket agaplikar para iti tulong iti biang ti menor de edad nga ubing, no la ket ta agnanaedda iti isu met laeng a sangakabbalayan.  Masapul nga agaplikar ti nagannak wenno legal a guardian kas kaduana nga aplikante, ken masapul nga awan pay 18 ti tawen ti menor de edad nga ubing iti tiempo a napasamak ti didigra.

Rumbeng nga agkonsulta dagiti indibidual iti eksperto iti imigrasion tapno mapaneknekan no makasangpetda kadagiti kasapulan iti kasasaad ti imigrasion para iti tulong ti FEMA iti didigra.

Mainayon pay, mangipaay dagiti boluntario nga ahensia iti tulong aniaman ti kinaumili wenno kasasaad ti imigrasion.

Amin nga indibidual, aniaman ti kinaumili ken kasasaad ti imigrasion, a naapektaran iti dakkel a didigra ket mabalin a maikari para iti tulong iti panangbalakad iti krisis, legal a serbisio iti didigra, panangtarawidwid iti kaso iti didigra, programa ti tulong iti nutrision a suplementario iti didigra ken dadduma pay a saan a kuarta, in-kind a programa a pangsaranay iti emerhensia iti didigra .  Karaman kadagitoy ti medikal a pannakaaywan, pagyanan, taraon ken danum.

Bisitaen ti panid ti Boluntario nga Organisasion para iti ad-adu pay nga impormasion.