ម្ចាស់កាន់កាប់អាគារខុនដូ និងបន្ទប់យូនីតសម្រាប់គ្រួសារច្រើន ឥឡូវនេះអាចមានសិទ្ធិសម្រាប់កម្មវិធីកម្ចាត់កំទេចកំទី ដែលជាមូលនិធិផ្គត់ផ្គង់ដោយរដ្ឋាភិបាល។
ថ្ងៃផុតកំណត់ក្នុងការដាក់ស្នើទម្រង់សិទ្ធិចូល (ROE) ដើម្បីមានសិទ្ធិសម្រាប់ការយកចេញនូវកំទេចកំទីដោយអង្គភាពវិស្វករកងទ័ពសហរដ្ឋអាមេរិក (USACE) ត្រូវបានពន្យារពេលដល់ ថ្ងៃទី 15 ខែមេសា ឆ្នាំ 2025 ។
កម្មវិធីកម្ចាត់កំទេចកំទីដែលផ្តល់មូលនិធិដោយសហព័ន្ធរួមមានការយកចេញនូវកំទេចកំទីគ្រឿងបង្គុំ ហើយទាមទារអោយមានទម្រង់ ROE ដែលបានបញ្ចប់ដោយម្ចាស់អចលនទ្រព្យ ហើយត្រូវដាក់ស្នើរតាម ប្រព័ន្ធអនឡាញ ឬ ទាញយក និងបានដាក់ស្នើរដោយផ្ទាល់នៅ មជ្ឈមណ្ឌលសង្គ្រោះគ្រោះមហន្តរាយ។
ដើម្បីយកកំទេចកំទីចេញដោយ USACE គឺមិនមានការចំណាយលុយក្រៅហោប៉ៅទេ ប៉ុន្តែ FEMA មិនអាចចម្លងទម្រង់មូលនិធិផ្សេងទៀតដែលជាក់លាក់ចំពោះការយកចេញនូវកំទេចកំទីបានទេ។ ប្រសិនបើអចលនទ្រព្យមានការធានារ៉ាប់រងសម្រាប់ការយកចេញនូវកំទេចកំទី ចំនួនទឹកប្រាក់ដែលនៅសល់ដែលមិនត្រូវបានប្រើប្រាស់ដោយម្ចាស់អចលនទ្រព្យត្រូវតែផ្តល់ឱ្យតាមរយៈCounty ដើម្បីទូទាត់ថ្លៃដើមនៃការយកចេញនូវកំទេចកំទី។
ម្ចាស់អចលនទ្រព្យទាំងអស់គួរតែដាក់ស្នើរទម្រង់បែបបទ ROE ត្រឹមថ្ងៃទី 15 ខែមេសា ឆ្នាំ 2025 រាប់បញ្ចូលទាំងការចូលរួមក្នុងកម្មវិធី ឬជ្រើសរើសចាកចេញពីកម្មវិធី។
អាជ្ញារធររបស់ FEMA ត្រូវបានកំណត់ទូទៅចំពោះការយកកំទេចកំទីចេញពីកន្លែងសាធារណៈ រួមទាំងសាលារៀនសាធារណៈ ឬកន្លែងរដ្ឋបាលផងដែរ។ ជាការឆ្លើយតបទៅនឹងភ្លើងឆេះព្រៃនៅទីក្រុង Los Angeles អាជ្ញាធររបស់ FEMA ត្រូវបានពង្រីកលើសពីការយកចេញនូវកំទេចកំទីតាមទីសាធារណៈ គឺមានកាជួយដល់លំនៅដ្ឋានដែលមានសមាជិកគ្រួសារតែមួយ ដើម្បីជួយកាត់បន្ថយការគំរាមកំហែងផ្នែកសុខភាពសាធារណៈភ្លាមៗ និងពន្លឿនការស្តារសេដ្ឋកិច្ចឡើងវិញនៃសហគមន៍ដែលរងផលប៉ះពាល់។ ដោយផ្អែកលើសំណើដែលធ្វើឡើងក្នុងសប្តាហ៍នេះដោយរដ្ឋកាលីហ្វ័រញ៉ា FEMA ក៏បានបន្ថែមម្ចាស់ដែលកាន់កាប់យូនីតច្រើនគ្រួសារផងដែរ។
លក្ខណខណ្ឌសិទ្ធិទទួលបានកម្មវិធីកម្ចាត់កំទេចកំទីរបស់សហព័ន្ធ
ទ្រព្យសម្បត្តិសមាជិកគ្រួសារតែមួយ
- អចលនទ្រព្យសម្រាប់សមាជិកគ្រួសារតែមួយ លំនៅដ្ឋានឯកជនមានសិទ្ធិទទួលបាន។
- ម្ចាស់ផ្ទះត្រូវតែស្នើរសុំចូលរួមក្នុងការយកកំទេចកំទីដោយដាក់ទម្រង់ ROE ត្រឹម ថ្ងៃទី 15 ខែមេសា។
ទ្រព្យសម្បត្តិគ្រួសារច្រើន
ម្ចាស់កាន់កាប់
- ម្ចាស់នីមួយៗនៃយូនីតដែលត្រូវបានបំផ្លាញនៅក្នុងខុនដូ ឬ duplex ត្រូវតែដាក់ទម្រង់ ROE ក៏ដូចជាសមាគមរបស់ម្ចាស់ផ្ទះនៃអគារ។ នេះអនុញ្ញាតឱ្យCounty រដ្ឋ និង FEMA ដើម្បីវាយតម្លៃអចលនទ្រព្យសម្រាប់សិទ្ធិទទួលបាន PPDR ។
- អចលនទ្រព្យពាណិជ្ជកម្មលំនៅដ្ឋានដែលមានផ្ទះដែលកាន់កាប់ដោយម្ចាស់យ៉ាងហោចណាស់មួយ ក៏មានសិទ្ធិសម្រាប់ការយកចេញនូវកំទេចកំទីដែលផ្តល់មូលនិធិដោយសហព័ន្ធ។
- នេះរាប់បញ្ចូលទាំងខុនដូ និងអគារពហុគ្រួសារមួយចំនួន បើទោះបីជាមានការលាយបញ្ចូលគ្នានៃបន្ទប់ដែលកាន់កាប់ដោយម្ចាស់ និងការជួលនៅក្នុងអគារតែមួយក៏ដោយ។
អ្នកជួលបានកាន់កាប់
- យូនីតជួលជាទូទៅមិនមានសិទ្ធិទេ។ ម្ចាស់អាជីវកម្មអាផាតមិនត្រូវបានគេរំពឹងថានឹងប្រើប្រាស់ការធានារ៉ាប់រងរបស់ពួកគេ និងជួលអ្នកម៉ៅការដែលមានអាជ្ញាប័ណ្ណដើម្បីធ្វើការយកចេញនូវកំទេចកំទី។ សូមមើលការណែនាំសម្រាប់អចលនទ្រព្យពាណិជ្ជកម្មខាងក្រោម។
- អ្នកជួលអាផាតមិនអាចមានសិទ្ធិសម្រាប់កម្មវិធីជំនួយបុគ្គលរបស់ FEMA ដើម្បីជួយពួកគេជួលកន្លែងផ្សេងទៀតដើម្បីរស់នៅ និង/ឬជំនួសទ្រព្យសម្បត្តិផ្ទាល់ខ្លួនដែលត្រូវបានបំផ្លាញនៅក្នុងភ្លើង។
- ពាក្យស្នើសុំសម្រាប់កម្មវិធីជំនួយបុគ្គល FEMA ត្រូវតែដាក់ជូនត្រឹមថ្ងៃទី 31 ខែមីនា។ ដាក់ពាក្យតាមអ៊ិនធរណេតនៅ DisasterAssistance.gov ដោយទូរស័ព្ទទៅបណ្តាញជំនួយ FEMA តាមលេខ 1-800-621-3362 ឬដោយចូលទៅកាន់មជ្ឈមណ្ឌលសង្គ្រោះគ្រោះមហន្តរាយ។
អចលនទ្រព្យពាណិជ្ជកម្ម
- ជាទូទៅ អចលនទ្រព្យពាណិជ្ជកម្មមិនមានសិទ្ធិសម្រាប់ការយកចេញនូវកំទេចកំទីដែលផ្តល់មូលនិធិដោយសហព័ន្ធទេ។
- FEMA មានសមត្ថភាពមានកម្រិតក្នុងការផ្តល់មូលនិធិដល់ការសម្អាតនេះ។ ម្ចាស់អចលនទ្រព្យពាណិជ្ជកម្មគួរតែធ្វើការជាមួយក្រុមហ៊ុនធានារ៉ាប់រងរបស់ពួកគេ ហើយចាប់ផ្តើមការយកចេញនូវកំទេចកំទីឱ្យបានឆាប់តាមដែលអាចធ្វើទៅបាន។
- ប្រសិនបើមានកាលៈទេសៈបន្ត ម្ចាស់អាជីវកម្មគួរតែទាក់ទងពួកគេទៅកាន់ខោនធី Los Angeles ។
- អាជីវកម្មក៏អាចមានលក្ខណៈគ្រប់គ្រាន់សម្រាប់កម្ចីការប្រាក់ទាប SBA ដើម្បីជួយក្នុងការស្តារឡើងវិញ និងការធានារ៉ាប់រងបន្ថែមរបស់ពួកគេ។ ដើម្បីស្នើសុំប្រាក់កម្ចី SBA ម្ចាស់អចលនទ្រព្យគួរតែចូលទៅកាន់ sba.gov/disaster ទូរស័ព្ទទៅលេខ 1-800-659-2955 ឬចូលទៅកាន់មជ្ឈមណ្ឌលសង្គ្រោះគ្រោះមហន្តរាយ ឬមជ្ឈមណ្ឌលស្តារអាជីវកម្ម។ ថ្ងៃផុតកំណត់សម្រាប់ការដាក់ពាក្យស្នើសុំប្រាក់កម្ចីគ្រោះមហន្តរាយ SBA គឺថ្ងៃទី 31 ខែមីនា។
អគារសាធារណៈ និងសិទ្ធិឯកជនមិនរកប្រាក់ចំណេញ
- អ្នកដាក់ពាក្យស្នើសុំសាធារណៈ និងអង្គការមិនរកប្រាក់ចំណេញឯកជន (PNPs) ដែលមានសិទ្ធិអនុវត្តសេវាកម្មសំខាន់ដូចដែលបានកំណត់នៅក្រោម 44 CFR 206.223 អាចមានសិទ្ធិក្នុងការយកកំទេចកំទីចេញ។
សូមទាក់ទង Los Angeles County ប្រសិនបើអ្នកត្រូវការព័ត៌មានបន្ថែមអំពីការដកយកចេញនូវកំទេចកំទី៖
- សូមចូលមើលគេហទំព័រ LA County ការដកយកចេញនូវកំទេចកំទី៖ recovery.lacounty.gov/debris-removal/
- សូមតេទូរស័ព្ទទៅខ្សែទូរស័ព្ទទាន់ហេតុការណ៍អគ្គីភ័យឆេះអគារសាធារណៈរបស់ខោនធី៖ 844-347-3332
តាមដាន FEMA តាមអនឡាញនៅលើ X @FEMA ឬ @FEMAEspanol នៅលើទំព័រ Facebook របស់ FEMA ឬទំព័រ Espanol និងនៅតាមគណនី YouTube របស់ FEMA។ សម្រាប់ព័ត៌មានអំពីការត្រៀមខ្លួន សូមតាមដាន Ready Campaign នៅលើ X @Ready.gov, នៅលើ Instagram @Ready.gov ឬនៅលើទំព័រ Ready Facebook។
រដ្ឋកាលីហ្វ័រញ៉ាប្តេជ្ញាចិត្តគាំទ្រអ្នករស់នៅក្នុងតំបន់ដែលរងផលប៉ះពាល់ដោយព្យុះភ្លើងឆេះព្រៃនៅទីក្រុង Los Angeles ខណៈពេលដែលពួកគេស្វែងរកដំណើរការស្តារឡើងវិញ។ សូមចូលទៅកាន់ CA.gov/LAFires សម្រាប់ព័ត៌មានថ្មីៗស្តីពីស្តារឡើងវិញនៃសង្គ្រោះគ្រោះមហន្តរាយ ថ្ងៃផុតកំណត់សំខាន់ៗ និងរបៀបដាក់ពាក្យសុំជំនួយ។