Մուտքի իրավունքի ձևաթղթերի ներկայացման վերջնաժամկետը երկարաձգվել է մինչև ապրիլի 15-ը

Release Date Release Number
NR-031
Release Date:
Մարտ 28, 2025

Սեփականատերերի կողմից զբաղեցրած բնակարանները և բազմաբնակարան շենքերը այժմ իրավասու են կառավարության կողմից ֆինանսավորվող աղբահանության ծրագրին:

ԱՄՆ բանակի ինժեներական կորպուսի (USACE) կողմից աղբահանության ծրագրին մասնակցելու իրավունքի ձևը (ROE) ներկայացնելու վերջնաժամկետը երկարաձգվել է մինչև 2025 թվականի ապրիլի 15-ը։

Դաշնային ֆինանսավորմամբ իրականացվող աղբահանության ծրագիրը ներառում է կառուցվածքային աղբահանություն և պահանջում է ROE ձև, որը պետք է լրացվի գույքի սեփականատիրոջ կողմից և ներկայացվի առցանց կամ տպագրված տարբերակով՝Աղետների վերականգնման կենտրոնում։

USACE-ի կողմից աղբահանության ծառայությունը տրամադրվում է առանց անձնական ծախսերի, սակայն FEMA-ն չի կարող կրկնօրինակել աղբահանության համար այլ նախատեսված ֆինանսավորման աղբյուրները։ Եթե գույքը ունի ապահովագրություն աղբահանության համար, սեփականատիրոջ կողմից չօգտագործված մնացորդային գումարը պետք է փոխանցվի շրջանին՝ աղբահանության ծախսերը փոխհատուցելու համար։

Բոլոր գույքի սեփականատերերը պետք է ներկայացնեն ROE ձևը մինչև 2025 թվականի ապրիլի 15-ը ՝ կա՛մ ծրագրին մասնակցելու, կա՛մ հրաժարվելու համար:

FEMA-ի լիազորությունները սովորաբար սահմանափակվում են հանրային տարածքների աղբահանությամբ, ներառյալ պետական դպրոցները կամ վարչական հաստատությունները։ Լոս Անջելեսի անտառային հրդեհներին ի պատասխան, FEMA-ի իրավասությունը ընդլայնվել է՝ ընդգրկելով ոչ միայն հանրային տարածքներից աղբահանությունը, այլև առանձին բնակելի տներ՝ հասարակական առողջապահական վտանգը նվազեցնելու և տուժած համայնքների տնտեսական վերականգնումը արագացնելու նպատակով։ Այս շաբաթ Կալիֆորնիայի նահանգի ներկայացրած խնդրանքի հիման վրա, FEMA-ն նաև ավելացրել է սեփականատիրոջ կողմից բնակեցվող բազմաբնակարանային միավորները։

Աղբահանության դաշնային ծրագրի իրավասություն

Մեկ ընտանիքի սեփականություն

  • Իրավասու են մասնավոր, բնակելի մեկ ընտանիքի սեփականությունները:
  • Տան սեփականատերերը պետք է մասնակցեն աղբահանությանը՝ ներկայացնելով ROE ձևը մինչև ապրիլի 15-ի վերջնաժամկետը։

Բազմաբնակարանային սեփականություն

Սեփականատիրոջ կողմից բնակեցված

  • Յուրքանչյուր սեփականատեր ավերված համատիրության կամ դուպլեքսի պետք է ներկայացնի ROE ձև, այդ թվում նաև շենքի սեփականատերերի միությունը։ Սա հնարավորություն է տալիս վարչաշրջանին, նահանգին և FEMA-ին գնահատել գույքի համապատասխանությունը PPDR ծրագրին։
  • Առնվազն մեկ սեփականատիրոջ կողմից բնակեցված տուն պարունակող բնակելի-առևտրային շենքերը իրավասու են դաշնային ֆինանսավորմամբ աղբահանության համար։
    • Սա ներառում է համատիրությունների մեծ մասը և որոշ բազմաբնակարանային շենքեր, նույնիսկ եթե նույն շենքում կան ինչպես սեփականատիրոջ կողմից բնակեցված, այնպես էլ վարձակալվող միավորներ։

Վարձակալի կողմից բնակեցված

  • Վարձակալվող միավորները սովորաբար իրավասու չեն։ Ակնկալվում է, որ բնակարանների բիզնես սեփականատերը կօգտագործի իր ապահովագրությունը և կվարձի լիցենզավորված կապալառու՝ աղբի հեռացման համար: Տե՛ս ստորև ներկայացված կոմերցիոն սեփականությունների ուղեցույցը:
  • Բնակարանների վարձակալները կարող են իրավասու լինել FEMA-ի Անհատական օգնության ծրագրին՝ օգնելու համար վարձել այլ բնակության վայր և/կամ փոխարինել հրդեհում ոչնչացված անձնական գույքը։
    • FEMA-ի Անհատական օգնության ծրագրի դիմումները պետք է ներկայացվեն մինչև մարտի 31-ը։ Դիմեք առցանց DisasterAssistance.gov կայքում, զանգահարելով FEMA-ի թեժ գիծ՝ 1-800-621-3362, կամ այցելելով Աղետների վերականգնման կենտրոն։

Առևտրային գույք

  • Ընդհանրապես, առևտրային օբյեկտները իրավասու չեն դաշնային ֆինանսավորմամբ աղբահանության:
    • FEMA-ն ունի սահմանափակ հնարավորություններ այս աղբահանության ֆինանսավորումը իրականացնելու համար։ Առևտրային գույքի սեփականատերերը պետք է համագործակցեն իրենց ապահովագրական ընկերության հետ և սկսեն աղբահանությունը հնարավորինս արագ։
    • Եթե առկա են արտակարգ հանգամանքներ, բիզնեսի սեփականատերերը պետք է դրանք հաղորդեն Լոս Անջելեսի վարչաշրջանին։
  • Բիզնեսները նաև կարող են իրավասու լինել SBA-ի ցածր տոկոսադրույքով վարկերի համար, որոնք կօգնեն նրանց վերականգնմանը և ապահովագրության լրացումին։ SBA վարկի համար դիմելու համար գույքի սեփականատերերը պետք է այցելեն sba.gov/disaster կայք, զանգահարեն 1-800-659-2955, կամ այցելեն Աղետների վերականգնման կենտրոն կամ Բիզնեսի վերականգնման կենտրոն։ SBA աղետի հետևանքով վարկի հայտ ներկայացնելու վերջնաժամկետը մարտի 31-ն է։

Հանրային շենքեր և իրավասու մասնավոր ոչ առևտրային կազմակերպություններ

  • Հանրային դիմորդները և իրավասու մասնավոր ոչ առևտրային կազմակերպությունները (PNPs), որոնք կատարում են էական ծառայություն՝ ըստ 44 CFR 206.223-ի, կարող են իրավասու լինել աղբահանության համար։

Վերջին տեղեկությունների համար դիմեք Լոս Անջելեսի շրջանին՝ աղբահանության մասին ավելի մանրամասն տեղեկություններ ստանալու համար։

  • Այցելեք Լոս Անջելեսի շրջանի աղբահանության կայք՝ recovery.lacounty.gov/debris-removal/
  • Զանգահարեք Լոս Անջելեսի շրջանի Հանրային աշխատանքների հրդեհային աղբահանության թեժ գիծ՝ 844-347-3332

Հետևեք FEMA-ին առցանց, X-ում՝ @FEMA կամ @FEMAEspanolFEMA-ի ֆեյսբուքյան էջում կամ Espanol page և FEMA's YouTube-յան ալիքում. Պատրաստվածության վերաբերյալ տեղեկատվության համար հետևեք Ready Campaign-ին X-ում՝ @Ready.gov, Instagram-ում՝ @Ready.gov կամ Ready ֆեյսբուքյան էջում։

Կալիֆոռնիան հանձնառու է վերականգնման գործընթացում աջակցել Լոս Անջելեսի հրդեհային փոթորկից տուժած բնակիչներին: Այցելեք CA.gov/LAFires ՝աղետների վերականգնման ծրագրերի, կարևոր ժամկետների վերաբերյալ թարմացված տեղեկատվության համար և թե ինչպես դիմել աջակցության համար:

Tags:
Վերջին անգամ թարմացվել է