Alügüdahani to Sunwandantu

Uwa. Anhei tídeha lubei Haba Esefurutiña ha Asügübei lidagiñe aba Fúlasu (Transitional Sheltering Assistance, TSA) apupuda lúmuti bani uruwei, fúlasuagei o uruwei tribialesi ahi buingüdabâli aba gárada tuma luagu damichi tuma FEMA, babuduhou waba lun atauhagülei ligia. Tawisarubadibu FEMA luagu abuduhou waba lun atauhagülei ligia.

Sun gastu le abuduhou wabei lun idêmue lun látonigiruniwa irahüñü ñeiñei:

• Ebegi luagu hatonigiruni irahü.
• Ebegi luagu labürüwagüdün (aba weiyasu).
• Ebegi luagu latuadi.

Lun bamúriaha idêmue luagu látonigiruniwa irahü, mosu boudu:

• Apúpuduni luagu dependí la irahü ani bubiñe la laganouwa.  
• Apúpuduni luagu sun sensu le ebelubei bubiñoun luagu írumu lubaragiñe luma larigiñe damichi.
• Ebegi paküwati luagu látonigiruniwa irahü lubaragiñe damichi o aba ariñawaguni lumagiñe aba gumadi.  
• Ebegi paküwati o atiriñeila ebegi luagu látonigiruniwa irahü, ebegi luagu labürüwagüdün o ebegi luagu latuadi larigiñe aba damichi.
• Ñunsu tuagu gárada to lani emeri to hani ha etenirubaña hôun irahüñü.

Larigiñe aba abúluchuni, mosu bawisaruni aba gürigia tidagiñe bani seguru luagu abuinchuni lau lufuése. Houchaba lun balügüdüniña luagu fayei. ¿Megeitibu idêmue lun badariru aba gürigia tidagiñe bani seguru? Waba lidoun NFIP lidoun 877-336-2627.

¡Anha! Lubaragiñe bagidaruni sun ilagu luagu abuinchuni tidagiñe muna, mosu basígiruni sun üma le:

• Diyabou tau iyawaü luma bigibigiti.
• Registrar bei sun numeu le gániti aba serie.
• Buma tan su ebegi paküwati.
• Waba hôun idêmue le atouhabei.

Anha. Larigiñe badiraunu ani rubumuti tidoún aba dugumêdu sun denchaü, mosu baguruni sun ilagu le abuinchubei lau lufueseani representarti aba pelígu lun batuadi, keibina eigini le fureseti lagadeiru, ilagu, ichügübai tuma tiraüraü gafu.

Sun polisa to lani seguru luagu abúluchuni tidagiñe Oundaruni lidan Nechani luagu Seguru le Kontati luagu Abuínchuni (National Flood Insurance Program, NFIP) madouraguti lau denchaü luagu harüñun.

Gama lumoun, gayarabei hasaminoun anhei hadügübei lubei anhei:

• Ariñagau aba nadagümetu luagu siñati la lebeluruniwa lidoun fúlasu le ñei lubei denchaü (luagu lachouruduniwa atuadini).
• Aniheigiwa duna larigiñe abuínchuni tau muna o lidan fúlasu, adarasei tariyahouniwa muna o leteniruniwa tu.

Gama lumoun, anhei gayarabei lubei bebeluru tidoún buba, adundehoo watibu lun batatirun arumadahou buba ani mosu badügü dugumêdu labu lufuese larigiñe aba abuinchuni lun batonigiruni luwei liñuragu hariñun.

Anhei magunda bubei lau sensu le ichigubei bun o rutiña aba gárada michugubei la sensu bun gayarabei:

• Bawadügümeidu tuma conpani to lani seguru lun hadeiru aba asanseruni.
• Baroudu aba eyeguni tigibugiñe FEMA.
• Bamuriaha aba tasación. (atiri ñeila)
• Baraba aba aguseruni.

Duna lidagiñe aba welu gayarati gahühali lame ani machoruti lun layusuruniwa o lu latuniwa larigiñe aba damichi.

• Sigibei adundehani le tani Ofisi to lani atuadini lidan bagaira, fúlasuagei o tribialesi laug lida luba la abachagudu o atouhani lani duna lida eudu.
• Matabei duna, marumadahaba isiedu, machibabei ari, machibabei  ani matouraba eigini, machibabei buhabu, madigaba diliti o miligi hôun irahuñu ha figigiña lau duna me uagubei bafiñera o ariñagaña bun luagu machoru la.
• Anhei wiyeti lubei duna le bagairabe, yusuba duna lidati budein, ahura haguda o aranseha bei duna lubaragiñe batuni, babuagu labu o lun bayusuruni lun harumani.

Lun badarirun masi ñunsu, beluba lidoun abuguruni le tani Ofisi to Akonigirubani Igabuini (Environmental Protection Agency) luaguti Desinfección lani Emergensia le lani Duna lun Latuniwa.

Gayarabei tichugu FEMA idemue le lauti sensu lun ladouragu lau suniseri o gastu le weiriti le lani hatonigiruniwa irahüñü le asuseredubei laganagua damichi tidan muna to abuduhou wabou luma: 

• Irahüñü ha13 írumu o inabugiñe lun; luma/ o
• Irahüñü daga 21 írumu ha daminatiñu, segunme tariñaguni lȗdu to lani uruwei.