Kev Pab Nrhiav Tsev Nyob

Release Date:

Lub Rau Hlis Ntuj 29, 2023

Qhov uas peb pab cov neeg khiav thiab dim kev puas tsuaj puas ntsoog nrhiav ib qho chaw nyob uas nyab xeeb, huv, thiab ruaj khov thaum lawv raug tawm ntawm lawv lub tsev mus mas yog ib qho uas yuav tsum muaj kev koom tes ntawm ntau lub koom haum thiab tuam txhab pab.

Thaum muaj ib qho kev puas tsuaj ces cov tseem fwv ntawm lub xeev, lub zos, lub xub, thiab lub cheeb tsam (SLTT) lawv puav leej thov tau kom txais kev pab nrhiav tsev nyob tom qab uas lub teb chaws Tus Thawj Tswj Hwm tshaj tawm uas thiaj pub cai siv cov tswv yim Pab Cov Pej Xeem. FEMA cov chaw ua hauj lwm Mass Care (Pab Sawv Daws) thiab Emergency Assistance (Kev Pab Thaum Raug Xwm Txheej Ceev) lawv yuav nqis tes los muab khoom siv, khoom ua, thiab tib neeg kom thiaj muab kev pab cuam cawm neeg txoj sia nyob rau ntawm tej qho chaw uas ntshiab huv thiab ruaj khov txaus rau cov neeg dim mus nyob rau haud. Cov chaw ua hauj lwm Mass Care thiab Emergency Assistance kuj yuav koom tes txhim tsa kev txhawb nqa rau cov neeg dim uas nyob twj ywm hauv lawv lub qub tsev, rau cov uas muaj kev ua tsis taus thiab lwm tus uas muaj kev toob kas heev rau ntawm fab nkag tsev thiab kev mus ub no, cov uas yuav tsum noj zaub mov tshwj xeeb, cov tsiaj txhu hauv tsev, cov tsiaj txhua pab tib neeg, thiab tej thaum yuav tsum pab neeg nrhiav chaw nyob kom thiaj txhawb nqa cov tib neeg dim uas nyob hauv tej tsev kho mob.

Cov tib neeg uas muaj kev ua tsis taus thiab lwm tus uas muaj tej kev toob kas heev rau ntawm fab kev nkag tsev thiab kev mus ub no lawv yuav nrhiav tau kev pab rau hauv cov chaw rau neeg dim mus khiav nkaum. Yog thov no, ces cov chaw ua hauj lwm Pab Sawv Daws thiab Pab Thaum Raug Xwm Txheej Ceev lawv yuav pab ntawm fab khoom siv kho mob ruaj khov, khoom siv uas muab pov tseg tau, cov kev pab cuam rau tus kheej, thiab ntxiv kom thiaj pab cov tib neeg rau hauv cov chaw rau neeg dim mus khiav nkaum, kom cov uas muaj kev toob kas ntawm fab kev kho mob thiaj muaj chaw rau hauv tsev kho mob txais kev pab. FEMA muab tau kev pab cuam dhau ntawm kev pab hauv tsev, koom tes nrog lwm lub koom haum hauv tseem fwv loj, thiab/los sis ntiav neeg los pab.

Cov Nom Tswv

Cov tshooj 309, 402, 403, 502, 611, thiab 613 ntawm txoj cai Robert T. Stafford Disaster Relief and Emergency Assistance Act (Stafford Act) (Txoj Cai Pab Thaum Raug Kev Puas Tsuaj), Txoj Cai Public Law 93-288, raws li tau kho tshiab thiab muab ua txoj cai rau ntawm 42 U.S.C. §§ 5152, 5170a, 5170b, 5192, 5196, thiab 5196b

FEMA Cov Chaw Pab Sawv Daws thiab Pab Thaum Raug Xwm Txheej Ceev Tej Kev Lav Ris Ua Ntej Raug Kev Puas Tsuaj, Thaum Tab Tom Raug, Thiab Thaum Rov Zoo Tom Qab Raug Kev Puas Tsuaj

Ua Ntej Raug Kev Puas Tsuaj

Muab kev pab cuam kom txhim tsa tej tug qauv rau cov koom haum uas koom tes teeb chaw rau neeg nyob; tseem fwv, lub xeev, lub xub, thiab lub cheeb tsam tej txoj hau kev thaum raug xwm txheej ceev; cov ntaub ntawv cob qhia; kev xyaum ua; thiab lwm lub cuab yeej kom ntxiv zog rau lub teb chaws lub peev xwm pub chaw nyob rau neeg raug kev puas.
Muab lub peev xwm rau lub teb chaws dav tuaj rau ntawm fab kev pab sawv daws/pab thaum raug xwm txheej ceev kom thiaj ncav cuag lub hom phiaj ntawm lub koom haum Federal Interagency Operational Planning (FIOP).
Txhim tsa kev txhawb nqa rau cov neeg dim uas nyob twj ywm hauv lawv lub qub tsev uas muaj kev ua tsis taus, cov uas muaj kev toob kas heev rau ntawm fab nkag tsev thiab kev mus ub no, cov uas yuav tsum noj zaub mov tshwj xeeb, cov tsiaj txhu hauv tsev los yog cov tsiaj txhua pab tib neeg, thiab muab kev txhawb nqa pub rau cov neeg dim uas nyob hauv tsev kho mob, thaum twg tsim nyog.
Cob qhia cov zej zog uas txhim tsa tej qho chaw nyob uas neeg dim mus khiav nkaum tau.
Tshuaj xyuas thiab siv cov tswv yim thiab txuj ci uas tau kawm rau hauv cov hau kev npaj txhij txhua, xws li pab cov neeg uas saib xyuas chaw pab neeg nco qab tias cov tsiaj uas pab tib neeg lawv muaj cai nyob hauv tej qho chaw pab neeg thiab tsis tsim nyog muab lawv kem ntawm lawv tus tswv.
Koom tes nrog lwm lub koom haum kom pub chaw pab, khoos kas, thiab kev pab cuam rau tej qho chaw nyob rau cov neeg dim kev puas tsuaj.
Muab kev pab cuam ntxaws thaum txhim tsa tej pab neeg uas yuav mus cawm tib neeg hauv lub xeev/lub xub/lub cheeb tsam.
Muab kev pab cuam ntxaws rau kev siv FEMA lub txheej xwm khaws ntaub ntawv, xws li Lub Txheej Xwm Rau Qhov Chaw Nyob Thoob Lub Teb Chaws, uas yuav txhawb pab cov tseem fwv hauv lub xeev, lub xub, thiab lub cheeb tsam (STT) kom npaj pab sawv daws thiab pab thaum raug xwm txheej ceev, kuaj ntaub ntawv, thiab teeb daim ntawv qhia kev thiab tshaj moo.
Ua neeg tshaj lij rau cov koom haum uas koom tes nrog FEMA uas suav nrog cov chaw ua hauj lwm xws li Pab Daws Teeb Meem, Rov Zoo, Saib Xyuas Kev Mus Ub No thiab Npaj Lub Teb Chaws Cov Lus Qhia, Feem Hauj Lwm Pab Pej Xeem, Lub Hoob Kas Pab Cov Uas Muaj Kev Tsis Taus, thiab Qhov Chaw Pab Cuam Txais Ntawv.

Kev Pab Daws Teeb Meem thiab Rov Zoo

Koom tes nrog lwm lub koom haum hauv tseem fwv, cov tseem fwv STT, cov koom haum pab dawb uas tsis yog tseem fwv (NGO), thiab lwm lub tuam txhab pab kom kuaj thiab pom zoo tias muaj kev toob kas rau neeg pab thiab khoom siv pab, cov khoos kas, thiab chaw nyob rau neeg nyob.
Pab cov tseem fwv STT txhim tsa ib lub zeem muag uas yuav muaj chaw rau sawv daws nyob uas yuav pab cov neeg dim kev puas tsuaj thiab cov khiav ntawm kev puas tsuaj mus.
Txhawb pab kom muaj kev koom tes thiab kev npaj kom thiaj tsim cov khoos kas uas muaj tswv yim thiab pab daws cov neeg dim kev puas tsuaj tej teeb meem.
Ua neeg tshaj lij/neeg pab ntxaws rau hauv FEMA Qhov Chaw Txhim Tsa Kev Pab Rau Lub Teb Chaws Nrho (NRCC), Qhov Chaw Txhim Tsa Kev Pab Hauv Thaj Tsam (RRCC), cov chaw ua hauj lwm hauv ib qho chaw (JFO), qhov chaw pib ua hauj lwm (IOF), cov chaw khiav dej num thaum raug xwm txeej ceev (EOC), thiab lwm qhov chaw ua hauj lwm.
Soj ntsuam, kuaj ntsuas, pom zoo, thiab txhawb qab cov lus txib rau STT, raws li tau thov, kom thiaj muaj ib qho chaw nyab xeeb, huv, thiab ruaj khov rau cov neeg dim mus nyob.
Xam pom cov lus txib rau chaw pab, tej kev qaug zog, thiab tej kev txwv.
Saib xyuas kev teb kom coj raws li tus txheej txheem tau kev pab thaum muaj kev thov.
Muab kev txhawb nqa dhau ntawm FEMA Logistics Management Directorate (Tswj Hwm Kev Mus Ub No), uas suav nrog khoom siv, khoom ua, khoom, thiab tsev nyob, tej pluas mov uas tsis txawj lwj, dej, txaj, pam, khoom siv ruaj kho mob (DME), khoom siv kho mob uas muab pov tseg tau (CMS), thiab neeg pab, kom thiaj txhawb pab cov chaw nyob STT.
Txhawb pab cov tseem fwv STT rau cov neeg dim thiab neeg khiav mus dhau ntawm kev yuav pam vov (BPA) thiab cov ntawv yuav khoom noj uas tsis muaj qhov txwv hlo li, DME, CMS, khoom nquag siv rau chaw nyob (CUSI), thiab lwm yam khoom tseem ceeb.
Txhawb nqa cov tseem fwv STT thaum raug kev puas tsuaj thaum muaj neeg coob dhau rau qhov chaw nyob uas STT tau txhim tsa raws li tau piav tseg rau hauv diam ntawv National Response Framework Emergency Support Function (ESF) #6 Annex (Tus Qauv Thaum Muab Kev Pab Rau Tej Qho Xwm Txheej Ceev Daim Ntxiv Rau #6).
Muab cov cuab yeej thiab chaw pab kom txhim tsa ib lub tswv yim thiab txheej txheem los mus teeb chaw nyob ntawm FEMA qhov chaw ua hauj lwm (JFO) thiab tus saib xyuas tseem fwv STT kom thiaj pab sawv daws, tsis muaj neeg uas ua tib txoj dej num, thiab kom siv cov chaw pab ntau npaum li ntau tau rau hauv STT cov tseem fwv uas twb thov tseem fwv loj kev pab.
Muab kev pab rau cov neeg ua hauj lwm rau STT rau cov neeg pab nrhiav chaw nyob, Cov Pawg Pab Neeg Pauv Mus Rau Ib Qho Chaw Tshiab, los yog lwm pab pawg uas cob qhia thiab pab cov neeg tswj hwm cov chaw nyob no thaum muaj kev qaug zog los yog lwm yam kev txhawj xeeb uas lawv tsis paub ua li cas (piv xam li kev nkag tsev yooj yim thiab kev coj raws li Txoj Cai Rau Neeg Miskas Uas Muaj Kev Ua Tsis Taus). Mus saib nationalmasscarestrategy.org kom thiaj kawm ntxiv.
Pab kom FEMA cov neeg ua hauj lwm thiaj nkag tau cov chaw rau neeg sib sau ua ke kom thiaj pab neeg dim tso npe rau tseem fwv loj kev pab rov zoo.
Muab kev pab ntxaws rau Lub Txheej Xwm ESF Kev Txhawb Nqa #6, uas yuav txhawb pab STT npaj kev saib xyuas, kuaj ntaub ntawv, teeb daim qhia kev, thiab kev tshaj moo.
Muab kev txhawb nqa khaws ntaub ntawv ntawm cov chaw rau neeg dim nyob, suav nrog cov ntaub ntawv uas tso cia.
Mus pab lwm lub koom haum hauv tseem fwv loj, xws li: Americorps kom ua neeg pab rau hauv cov chaw sib ntsib kom muaj neeg txaus raws li lawv toob kas; U.S. Deparment of Health and Human Services (HHS) kom txhawb pab pawg neeg kuaj chaw nyob; U.S. Department of Agriculture (USDA) kom ua neeg tshaj lij thiab muab kev pab ntxaws txog cov tsiaj txhu, cov tsiaj pab tib neeg, thiab cov dej num uas cov tsiaj txhua ua tau; thiab U.S. Army Corps of Engineers (USACE) kom ua neeg pab, xws li pab pawg kuaj tsev.
Feem ntau kev pab nrhiav chaw nyob yuav nyob rau hauv ib qho chaw rau neeg tuaj sib sau ua ke. Txawm li ntawd los, tej zaum FEMA yuav muab kev txhawb nqa rau tej qho chaw me zog, xws li thaum cov chaw rau neeg tuaj sib sau ua ke muaj chaw tsis txaus rau sawv daws (piv xam li cov tswv chaw nyob thiab lwm tus xam pom tias lawv yuav muaj tsis txaus rau sawv daws).
- FEMA Kev Pab Pauv Chaw Nyob (TSA) yog ib hom kev pab nrhiav chaw nyob uas tsis yog nyob hauv ib qho chaw rau neeg tuaj sib sau ua ke uas neeg dim kev puas tsuaj txais tau thaum lawv nyob tsis taus rau hauv lavw lub qub tsev.

Thaum Twg Tsim Nyog Siv

Thaum lub teb chaws Tus Thawj Tswj Hwm tshaj tawm txog ib qho kev puas tsuaj, cov Kev Pab Saws Daws thiab Kev Pab Thaum Raug Xwm Txheej Ceev yuav suav ua Tseem Fwv Kev Pab Ncaj Qha, uas txais nyiaj raws li Txoj Cai Stafford Act Tshooj 403 (a)(3)(B) (feem ntau hu ua Ntu B) ntawm ib qho kev puas tsuaj loj los yog vim tshaj tawm txog kev puas tsuaj, thiab tseem fwv yuav pab ntau dua 75 feem pua ntawm tus nqi yuav tsum them.