Prueban Okupansia
Prueban Dinueño
Ma Stira na Fleksibilidåt
I FEMA ma gagagao para u berifika na sumaga hao gi infotmasion lugat gi aplikasion-mu na prinsipåt residensia antes di u pribeniyi meggai klåsi na IHP Assistance. I FEMA lokkue ma gagagao para u berifika na gai guma hao antis di u pribeniyi Home Repair pat sino Replacement Assistance.
Patti gi chinagin måmi para bai in la’ chaddek I kinalamtin I asistensian desgrasia yan ribåha I minappot gi aplikånte siha, in chachagi para bai in berifika okupansia yan dinueño yanggen in usa I automated na inaligao rekot publiku siha.
Yanggen ti siña bai in berifika na sumaga hao pat sino guma-mu I guma ni ma lista gi aplikasion-mu, siempre bai in faisen hao para un pribeniyi dokumentu siha para u prueba okupansia yan/pat sino dinueño para u ayuda hami dumitetmina kao nombråyon hao para asistensia.
In komprendi na prinibieniyin dokumentu siha dispues ma ekspirensia I desgrasia siña kasi gai minappot. In implimenta gi alacha nuebu na policy siha para u ribåha stinotban finaposgui siha ni ma ekspirensia ni man chinat’ setbi na katdumin taotao siha.
I FEMA esta ha aksesepta meggai klasi na dokumentu siha para u berifika dinueño yan okupansia, yan lokkue ha aksesepta dokumentu siha ginen fedda’ na ramun fetcha siha kino ayu siha esta ma aksepta gi mapos.
Taitai mås pot I man alacha na Individual Assistance policy na tinulaika siha.
Prueban Okupansia
I FEMA ha aksesepta esti siha na dokumentu para prueba na sumaga hao gi guma-mu antes di ma diklara I desgrasia. Ayu ha’ un nisisita para un pribeniyi I uno na dokumentu ni ma lista gi san papa.
- Konsentimienton inatkilan tåno pat sino guma.
- Risibun atkilon siha.
- Notisian dibin utilidåt (elektrika, hånom/sewer, etc.).
- Entot pappit agila.
- Bångko pat sino sinangan tathetan kredit.
- Lisensian man draiba, nina’ en estådu na tathetan identifikasion, pat sino rehistrasion botadot.
- Sinangan I ofisialis publiku.
- Notisian dibin man pribeniniyi medikåt.
- Dokumentun otganisasion setbisiun sosiåt siha (e.g. Meals on Wheels).
- Rehistrasion mota kareta.
- Prueban Residensia pat sino otro dokumentasion kotti siha.
- Kåtta pat korespondensia na ma diliba guatu gi lugat-mu ginen I amu, ofisialis publiku, otganisasion setbisiun sosiåt, lokåt na eskuela pat sino eskuelan distritu, dueñu pat sino mågas lugat guma atumobit.
Meggai na dokumentu siha siña man ma na’ e fetcha gi hålom 1 año antes di I desgråsia yan/pat sino gi hålom 18 mesis na tiempon asistensia. Lao, iyo-mu lisensian man draiba, nina’ en estådu na tathetan identifikasion, pat sino tathetan rehistrasion botadot debi hagas ma pega fetcha antes di uma susedi I desgråsia yan ti måmåtai gi anai un nahanao kopia para I FEMA.
Prueban Dinueño
I FEMA ha aksesepta esti siha na dokumentu para prueba na guma-mu I guma antes di ma diklara I desgrasia. Ayu ha’ un nisisita para un pribeniyi I uno na dokumentu ni ma lista gi san papa.
- Pappit tåno pat sino titilu.
- Dokumentasion inayao salappi para finahan tåno.
- Dokumentasion siguridat man gai guma siha.
- Risibun reditun propiadåt pat sino notisian dibi.
- Setifikun ma manifakcha na guma pat sino titilu.
- Konsentimienton finahan guma siha.
- Uttimo dinisea yan testamento (yan setifikun finatai) ha fana’ an hao gai direcho propiadåt.
- Risibu siha para mayot na rinipeha pat sino fetchan minanteni gi hålom 5 años antes di I desgrasia.
- Kåtta ni ma pripåra dispues di I desgråsia ginen I dueñun I tåno guma atumobit pat sino mågas pat sino ofisialis publiku ni umafakcha yan I ginågao FEMA siha.
Meggai na dokumentu siña ma pega fetcha gi hålom 1 año antes di I desgråsia pat sino gi hålom 18 mesis na tiempon asistensia.
I mås chaddek yan mås libianu na chalan para un nahanao dokumentasion-mu para FEMA para un prueba okupansia pat sino dinueño sa yanggen un na kahulo siha guatu gi DisaterAssistance.gov.
Ma Stira na Fleksibilidåt
Mientras in ekspepekta I alacha na tinulaika siha nai in fatinas pot para bai in aksepta meggai na klåsen dokumentu siha pot para u mås libianu I kinalamtin I asistensian desgrasia, I FEMA ha komprendi na I man lalalaha’ ginen I desgråsia gi palu sichuasion siha siña ma ekspirensia adisionat na minappot man rikohi spesifikåt na dokumentu siha. Pot ayu, I FEMA ha fatinas gi alacha tinulaika gi policy para u pribeniyi adisionat na fleksibilidåt para u sedi I aplikånte siha ni ti siña para uma pribeniyi I propiu siha na klåsen dokumentu para u pribeniyi ma tugi na sinangan diniklåran-maisa siha kumo uttimo na chånsa gi spesifiku na sichuasion siha.
Prueban Okupansia
Yanggen I antes di-desgrasia na residensia sa guma atumobit pat sino trelan kinarera ya tåya hao akseptao na fotma siha pot okupansia, I FEMA siña ha aksepta I ma tugi na sinangan diniklåran-maisa kumo uttimo na chånsa, sa pot I minappot siha mañuli tradisionåt na fotma siha pot dokumentasion para esti siha na klåsen guma.
I FEMA siña lokkue ha aksepta I ma tugi na sinangan diniklåran-maisa ginen I aplikånte siha ni mañasaga gi hålom insular na lugat siha, tåno siha, yan tåno katdumi siha, lao I sinangan debi uma pribeniyi guatu FEMA gi ma tugi yan ti siña solamenti para uma atan ni inspektot.
I sinangan diniklåran-maisa para prueban okupansia debi na u inkluso todu I kosas siha gi san papa:
- I infotmasion lugat I yinamak-desgrasia na residensia.
- Anakko I tiempo nai sumaga hao gi yinamak-desgråsia na guma, kumo prinsipåt residensia, antes di diniklåran I Presidenti na desgråsia.
- I nå’ an-mu yan fitma -mu pat sino iyon I segundo-aplikånte.
- I mayot na maneran esti siha na sinangan yan adisionat pinilan kuentos:
“Esta hu fatinas fiet hinenggi na chinagi, sigun gi FEMA, para bai fañuli yan pribeniyi kopian I akseptao na dokumentasion okupansia. Ti siña bai hu chuli esti na dokumentasion sa pot [pribeniyi pinilan kuentos pot I sichuasion nai ha ataha binerifikasion propiu na okupansia para u inkluso I rason na I otro klåsen dokumentu siha ti mana guaha para I aplikånte pat sino taimanu na ti umafakcha I guaha na dokumentu siha yan I ginågao I FEMA siha]. Hu diklåklåra pagu gi papa muttan dinagi na I man ma sangan gi alacha magahet yan dinanchi.”
Prueban Dinueño
Yanggen guaha guma-mu, sumasaga gi insular na lugat, tåno, pat sino tåno katdumi pat sino gi trelan kinarera pat sino guma atumobit, ya taya akseptao na fotma siha pot dinueño, I FEMA, kumo uttimo na chånsa, ha aksepta I ma tugi na sinangan diniklåran-maisa na prueban dinueño.
I sinangan diniklåran-maisa para prueban dinueño debi u inkluso todu I kosas siha gi san papa:
- I infotmasion lugat I yinamak-desgrasia na residensia.
- Anakko I tiempo nai sumaga hao gi yinamak-desgråsia na guma, kumo prinsipåt residensia, antes di diniklåran I Presidenti na desgråsia.
- I nå’ an-mu yan fitma -mu pat sino iyon I segundo-aplikånte.
- I mayot na maneran esti siha na sinangan yan adisionat pinilan kuentos:
“Esta hu fatinas fiet hinenggi na chinagi, sigun gi FEMA, para bai fañuli yan pribeniyi kopian I akseptao na dokumentasion dinueño. Ti hu fakcha’ i I pinila I FEMA pot I dueñu-okupante sa pot yu’ (A) I legåt na dueñu I guma. (B) ti man apåpåsi atkilon, lao responsabli yu’ para I apas I reditu siha pat sino minantin I residensia, pat sino (C) go’ ti I direchon okupansia siha gi tiempon lina’ la. Ti siña bai hu chuli esti na dokumentasion sa pot [pribeniyi pinilan kuentos pot I sichuasion siha ni ha ataha binerifikasion I propiu na dinueñon I gai kategoria na dueñu-okupante]. Hu diklåklåra pagu gi papa muttan dinagi na I man ma sangan gi alacha magahet yan dinanchi.”
Yanggen guaha hao yan sumaga hao gi guma ni ma na’ e papa ginen I irensia yan taya akseptao na fotma siha pot dinueño, I FEMA, kumo uttimo chånsa, para u aksepta I sinangan diniklåran-maisa para prueban dinueño.
I sinangan diniklåran-maisa para prueban dinueño ma na’ e papa ginen I irensia debi u inkluso todu I kosas siha gi san papa:
- I infotmasion lugat I yinamak-desgrasia na residensia.
- Anakko I tiempo nai sumaga hao gi yinamak-desgråsia na guma, kumo prinsipåt residensia, antes di diniklåran I Presidenti na desgråsia.
- I nå’ an-mu yan fitma -mu pat sino iyon I segundo-aplikånte.
- Kopian I setifikun finatai I difunto.
- I mayot na maneran esti siha na sinangan yan adisionat pinilan kuentos:
“Esta hu fatinas fiet hinenggi na chinagi, sigun gi FEMA, para bai fañuli yan pribeniyi kopian I akseptao na dokumentasion dinueño. Ti siña bai hu chuli esti na dokumentasion sa pot [pribeniyi pinilan kuentos pot I sichuasion siha ni ha ataha binerifikasion I propiu na dinueño].
YAN, I mayot manera siha pot esti siha na sinangan:
“Kumo I mås ihot na parentis I matai gi råyan tinagui, I dinueño-hu inklukluso todu I direcho yan obligasion I matai. I nå’ an I difunto sa , yan man matai gi . Hu komprendi na debi bai hu såpmiti I setifikun finatai kuntodu esti na diniklåra. Hu diklåklåra pagu gi papa muttan dinagi na I man ma sangan gi alacha magahet yan dinanchi.”