I enfotmasion este na pahina ti ha refleflekta I tinilaika gi ayudun chinatsaga para I indibiyuat ni ma deklara gi, pat si no despues di Matsu 22, 2024.
Tungo’ mas pot hafa I guaha na ayudu pa’go.
Yanggen un risibi I kåtta nai a sasangan nia nombråyon hao para asistensia pat sino na I aplikasion-mu ti kompletu, sisiña hao ha’ un kompli I aplikasion pat sino apela I disision gi halo 60 dias dispues un risisibi I kåttan disision. I kåtta siña kasi ma nahanao poståt guatu giya hagu pat sino ma pega gi hålom iyo-mu Disaster Assistance Center na kuenta, yanggen un na guaha kuenta.
I apela sa I ma tugi na rikuesta guatu FEMA para uma agun ribisa I fila-mu, yan aputunidåt para uma pribeniyi nuebo pat sino adisionat infotmasion nai ti ma såpmiti gi alacha ya siña ha afekta I disision. Siña un apela maseha hafa na disision ginen FEMA pot I aplikasion-mu para Asistensian Indibiduåt, tåt kumo iyo-mu rikuesta para linalalun salappi, pat sino ma rinunsian I Ma Kontinua Temporårio na Asistensian Guma.
Yanggen guaha kuestion-mu pot I kåtta ni un risibi pat sino taimanu man fila apela, siña un a’ gang I manguentåtayi nu I FEMA Helpline gi 1-800-621-3362. Siña hao lokkue un rikuesta kopian iyo-mu fila ginen I FEMA para un inayuda kumomprendi sa hafa na un risibi I disision ni malagu hao para un apela. Siña hao lokkue un rikuesta kopian iyo-mu fila ginen I FEMA para un inayuda kumomprendi sa hafa na un risibi I disision ni malagu hao para un apela.
Taimanu man Apela Disision
Esplika gi tinigi hafa gi hinasso-mu na I disision pot I kinantidå pat sino I klåsen asistensia ni un risibi ti dinanchi. Hågu, pat sino I segundo-aplikånte, debi uma fitma I kåtta.
Yanggen un ayek para tetset na pattida para u såpmiti I apela para hagu, I kåttan apela debi na uma fitma nu I tetset na pattida. Talu mås, inkluso I un fitma na sinangan, nai ha aturirisa I tetset na pattida para u apela I disision in kuenta hagu, solo I dokumentu siha esta man gaigue gi fila.
Para un fañuli kopian iyo-mu fila, debi na un såpmiti ma tugi na rikuesta nai inklukluso I kabalis na nå’ an-mu, numerun aplikasion FEMA, numerun desgråsia, infotmasion lugat I mayamak na propiadåt yan I kurenti na infotmasion iyo-mu poståt, I fetchan mafañagu-mu yan I fitma-mu yan uno gi entre esti siha:
- I eståmpan notårio pat sino måtka
- I sangan ni ile’ lek-ña, “Bai hu diklara gi papa muttan dinagi na I sinangan siha magahet yan dinanchi.”
Inkluso maseha hafa na supotasion dokumentu siha, tåt kumo I failamun I kontrakta siha pat sino kåttan ma rinunsia siha ginen I kompanian siguridat siha yan I iyo-mu rikuestan apela.
Taimanu para un Såpmiti I Apela-mu
Siña un såpmiti I apela-mu yan supotasion dokumentasion gi online, gi petsonåt, gi poståt pat ino gi faks.
Online
I apela siha siña ma maneha gi online. Bisita I DisasterAssistance.gov para un famatinas kuenta yan na kahulo todu I supotasion dokumentu siha yanggen un usa I Correspondence "Upload Center. "
Gi Petsonåt
Siña un chuli guatu I rikuestan apela-mu para I Disaster Recovery Center.
Gi Poståt
Nahanao I kåttan apela-mu yan supotasion dokumentu siha para:
FEMA - Individuals & Households Program National Processing Service Center
P.O. Box 10055
Hyattsville, MD 20782-8055
Gi Faks
Faks I kåttan apela-mu yan supotasion dokumentu siha para:
(800) 827-8112
Atenshon: FEMA - Individuals & Households Program
Para un ma konsidera, I kåttan apela-mu debi na uma måtkan poståt gi hålom 60 dias dispues I fetchan I kåttan disision.
Dispues di un Såpmiti I Apela-mu
Todu apela siha man ma ribisa. Disision siha sesso mafatinas gi halo 30 dias dispues ma risibi I apela, lao, siña tinaka 90 dias para uma disidi.
Adisionat infotmasion siña ma rikuesta ginen I hagu yanggen I FEMA ti nahong infotmasion para u fatinas disision.
Siempre hao ma notifika gi tinigi I ineppen I apela-mu, gi poståt pat sino gi DisasterAssistance.gov na kuenta ni un fatinas anai man aplika hao yan I FEMA.
Individuals and Households Program Debt Collection (Recoupment) Appeal
Yanggen un risibi I Notice of Potential Debt na kåtta, gof impottanti na un taitai maolek I kåtta. Siña un såpmiti I ma tugi na apela, ya ginen ayu siña un ayek para un rikuesta hiningok, gi halo 60 dias dispues di un risibi I kåtta. I hiningok sa aputunidåt para un prisenta gai prisisu na ebidensia (e.g., testimonio pat sino adisionat dokumentu siha) para un supotta I klema-mu.
Ma sangan na hiningok siha man ma skeyo yanggen I FEMA ha detetmina na I kuestion pot I dibi ti siña ma resatba solamenti ginen I rinibisan I filan pappit. Bisita I Individuals and Households Program Debt Collection (Recoupment) Appeal Hearings na påhina para un eyak mås pot I kinalamtin.