Pag-verify sa Pagmamay-ari ng Bahay o Paninirahan

Proof of Occupancy

Patunay ng Pagmamay-ari

Pinalawak na Flexibility

Kailangang i-verify ng FEMA kung nakatira kayo sa address sa inyong aplikasyon bilang inyong pangunahing tinitirhan bago magbigay ng halos lahat ng uri ng Tulong na IHP. Kailangan ding i-verify ng FEMA na kayo ang may-ari ng bahay bago magbigay ng Tulong sa Pagkukumpuni ng Tahanan o Pagpapalit.

Bilang bahagi ng aming pagsisikap na mapabilis ang proseso ng tulong sa sakuna at mabawasan ang hirap ng mga aplikante, sinusubukan naming i-verify ang paninirahan at pagmamay-ari sa pamamagitan ng paggamit ng atuomated na paghahanap sa mga pampublikong record.

Kapag hindi namin ma-verify kung saan kayo nakatira o kayo ang may-ari ng bahay na inyong inilista sa inyong aplikasyon, hihingan ka namin ng mga dokumento para mapatunayan ang inyong paninirahan at/o pagmamay-ari para matulungan kaming matukoy kung kwalipikado kayo para sa tulong.

Ang FEMA ay tumatanggap ng sumusunod na mga dokumento bilang patunay na nakatira kayo sa inyong bahay bago ang dineklarang sakuna. Kailangan lamang ninyong magbigay ng isa sa mga dokumentong nakalista sa ibaba.

• Kasunduan sa pagpaparenta o pabahay.
• Resibo ng renta.
• Utility bill (kuryente, tubig/kanal, atbp.).
• Pay stub.
• Statement sa bangko o credit card.
• Lisensya sa pagmamaneho, identification card na ibinigay ng estado, o card ng rehistro ng botante.
• Pahayag ng publikong opisyal.
• Bill ng medical provider.
• Mga dokumento ng Social service organization (hal. Meals on Wheels).
• Rehistro ng motorsiklo.
• Mga affidavit ng Paninirahan o iba pang dokumento sa korte.
• Liham o mail na ipinadala sa iyong address mula sa isang employer, pampublikong opisyal, organisasyon ng serbisyong panlipunan, lokal na paaralan o distrito ng paaralan, may-ari o manager ng mobile home park.

Karamihan sa mga dokumento ay maaaring lagyan ng petsa sa loob ng 1 taon bago ang sakuna at/o sa loob ng 18 buwan ng tulong. Gayunpaman, ang lisensya sa inyong pagmamaneho, identification card na ibinigay ng estado, o voter registration card ay dapat nilagyan ng petsa bago naganap ang sakuna at hindi pa paso nang ipadala ninyo ang kopya sa FEMA.

Ang FEMA ay tumatanggap ng sumusunod na mga dokumento bilang patunay ng inyong pagmamay-ari ng bahay bago magdeklara ng sakuna. Kailangan lamang ninyong magbigay ng isa sa mga dokumentong nakalista sa ibaba.

• Deed o titulo.
• Dokumento ng mortgage.
• Dokumento ng insurance ng mga may-ari ng bahay.
• Resibo o bill ng buwis sa property.
• Sertipiko o titulo ng minanupakturang bahay.
• Mga kontrata ng biniling bahay.
• Huling habilin at testamento (na may sertipiko ng kamatayan) na nakapangalan sa tagapagmana ng property.
• Mga resibo para sa malalaking pagkukumpuni o pagmamantini na may petsang sakop ng 5 taon bago ang sakuna.
• Liham na inihanda bago ang sakuna mula sa may-ari o tagapangasiwa ng mobile home o tagapangasiwa o pampublikong opisyal na nakakatugon sa mga pangangailangan ng FEMA.

Karamihan sa mga dokumento ay maaaring lagyan ng petsa sa loob ng 1 taon bago ang sakuna o sa loob ng 18 buwan ng panahon ng tulong.

Bagama't inaasahan namin na ang mga kamakailang pagbabagong ginawa namin ay tumanggap ng higit pang mga uri ng mga dokumento upang gawing mas madali ang proseso ng tulong sa sakuna, nauunawaan ng FEMA na ang mga nakaligtas sa sakuna sa ilang sitwasyon ay maaaring makaranas ng karagdagang kahirapan sa pangangalap ng mga partikular na dokumento. Bilang resulta, ang FEMA ay gumawa ng kamakailang mga pagbabago sa patakaran upang magbigay ng karagdagang flexibility upang payagan ang mga aplikante na hindi makapagbigay ng mga karaniwang uri ng mga dokumento na magbigay ng nakasulat na sariling pagdedeklara na mga pahayag bilang huling paraan sa mga partikular na sitwasyon.

Patunay ng Paninirahan

Kung ang inyong tirahan bago ang sakuna ay isang mobile home o travel trailer at wala kayong anumang katanggap-tanggap na paraan ng pag-okupa, maaaring tanggapin ng FEMA ang isang nakasulat na pahayag ng sariling pagdedeklara bilang huling paraan, dahil sa mga hamon sa pagkuha ng mga tradisyonal na anyo ng dokumentasyon para sa mga ganitong uri ng mga tahanan.

Maaaring tanggapin din ng FEMA ang isang nakasulat na pahayag ng sariling pagdedeklara mula sa mga aplikanteng naninirahan sa mga insular na lugar, isla, at lupain ng tribo, ngunit ang pahayag ay dapat ibigay sa FEMA nang nakasulat at hindi maaaring tingnan lamang ng isang inspektor.

Ang isang pahayag ng sariling pagdedeklara para sa patunay ng paninirahan ay dapat kasama sa lahat ng mga item sa ibaba:

1. Ang adres ng tirahang nasira ng sakuna.
2. Tagal ng panahon ng inyong paninirahan sa bahay na napinsala ng sakuna, bilang inyong pangunahing tirahan, bago ang pagdedeklara ng Pangulo sa sakuna.
3. Pirma o pangalan ninyo o ng inyong kasamang aplikante.
4. Ang mga pangunahing aplikante ng mga sumusunod na pahayag at karagdagang paliwanag:

Patunay ng Pagmamay-ari

Kung nagmamay-ari kayo ng bahay, nakatira sa isang insular na lugar, isla, o lupain ng tribo o sa isang travel trailer o mobile home, at walang anumang katanggap-tanggap na paraan ng pagmamay-ari, ang FEMA, bilang huling paraan, ay tatanggap ng nakasulat na pahayag ng sariling pagdedeklara bilang patunay ng pagmamay-ari.

Dapat kasama sa pahayag ng sariling pagdedeklara bilang patunay ng pagmamay-ari ang lahat ng item na nasa ibaba:

1. Ang adres ng tirahang nasira ng sakuna.
2. Tagal ng panahon ng inyong paninirahan sa bahay na napinsala ng sakuna, bilang inyong pangunahing tirahan, bago ang pagdedeklara ng Pangulo sa sakuna.
3. Pirma o pangalan ninyo o ng inyong kasamang aplikante.
4. Ang mga pangunahing aplikante ng mga sumusunod na pahayag at karagdagang paliwanag:

Kung kayo ay nagmamay-ari at nakatira sa isang bahay na ipinasa sa pamamagitan ng pagmamana at walang anumang katanggap-tanggap na paraan ng pagmamay-ari, ang FEMA, bilang huling paraan, ay tatanggap ng nakasulat na pahayag ng sariling pagdedeklara bilang patunay ng pagmamay-ari.

Dapat kasama sa pahayag ng sariling pagdedeklara para sa patunay ng pagmamay-ari na ipinasa sa pamamagitan ng pagmamana ang lahat ng item sa ibaba:

1. Ang adres ng tirahang nasira ng sakuna.
2. Tagal ng panahon ng inyong paninirahan sa bahay na nasira ng sakuna, bilang inyong pangunahing tirahan bago ang pagdedeklara ng pangulo sa sakuna.
3. Pirma o pangalan ninyo o ng inyong kasamang aplikante.
4. Kopya ng sertipiko ng kamatayan ng nagpamana.
5. Ang mga pangunahing aplikante ng mga sumusunod na pahayag at karagdagang paliwanag:

AT, ang mga pangunahing elemento ng sumusunod na pahayag: