FEMA.gov is being updated to comply with President Trump's Executive Orders. Thank you for your patience and understanding.
Mangitukon daytoy a panid kadagiti sungbat kadagiti masansan a saludsod maipapan iti Tulong Iti Indibidual para kadagiti nakalasat iti didigra.
Usaren ti dropdown menu tapno agsala babaen ti kita ti saludsod wenno i-type ti keyword.
Mabalinmo nga i-upload, i-fax, wenno i-mail ti napirmaan a surat ti apela ken dokumentasionmo.
Masarakan dagiti instruksion no kasano nga ipatulod ti apelam iti suratmo iti pangngeddeng. Saan a maproseso dagiti apela babaen ti telepono.
No agapelar iti desision, iraman dagiti sumaganad nga impormasion iti amin a panid ti naisubmitir a dokumentasion:
Pangngaasiyo ta surotenyo dagiti instruksion iti surat ti pangngeddeng.
Repasuen ti surat ti pangngeddeng a mangilawlawag no apay a napagkedkedanka ken no ania nga impormasion ti kasapulanmi kenka. Sakbay a mangisubmitir iti apela, napateg a maawatan no apay a napagkedkedan ti damo a desision ken no ania ti kasapulan no kayatmo ti agapelar.
Masapul nga agapelarka iti uneg ti 60 nga aldaw manipud iti petsa iti suratmo iti pangngeddeng.
No dikay umanamong iti desision maipapan iti pannakakualipikaryo iti tulong no didigra, adda karbengam nga agapelar. Mabalin a napagkedkedanka idi damo gapu ta saan a naipaay ti FEMA iti umno ken/wenno kompleto nga impormasion.
Tapno masalaknibam ti bagim manipud iti panangallilaw ken panagtakaw iti pakabigbigan, paregtaenmi nga agannadka no ibinglaymo ti personal nga impormasionmo.
No patiem a biktimaka ti panagtakaw iti pakabigbigan, wenno adda nagaplay iti FEMA nga agus-usar iti personal nga impormasionmo, pangngaasim ta tawagam ti 800-621-3362. Dimo kontaken ti FEMA Dibisyon ti Inspeksyon ken Imbestigasyon iti Panagkusit, Opisina ti Inspektor Heneral ti DHS, wenno ti Nailian a Sentro para iti Panagkusit iti Kalamidad para iti panggep a panangireport iti panagtakaw iti pakabigbigan.
Ireport ti aniaman a sabali a kita ti panagkusit iti didigra babaen ti panag-email iti StopFEMAFraud@fema.dhs.gov. Para iti ad-adu pay nga impormasion, bisitaen ti panid ti panagkusit iti didigra.
Bisitaen ti Agbirok iti Tulong a panid tapno makita ti nadumaduma a tulong a mabalin a maikarika.
Tapno maammuan ti kasasaad ti account-mo bisitaem:
