Avan ou aplike
Pran foto kay ou ki andomaje a ak afè pèsonèl ou pou dosye ou.
Fè yon lis atik ki andomaje/pèdi, ki ka itil lè w ap travay ak asirans ou oswa lè w ap diskite sou pèt ou yo ak yon enspektè FEMA.
Si w gen asirans (tankou inondasyon, pwopriyetè kay, lokatè, oto oswa lòt kalite asirans), tanpri ranpli yon reklamasyon ak founisè asirans ou pi vit posib. Ou pa oblije ranpli reklamasyon w lan anvan w aplike pou asistans FEMA pou katastwòf, men w ap oblije bay FEMA règleman asirans ou oswa refi w anvan yo konsidere w pou sèten kalite asistans.
Si w bezwen chèche abri ki toupre w, voye tèks SHELTER ak kòd postal ou a nan 43362.
Pou bezwen imedya, tcheke avèk ofisyèl jesyon ijans lokal ou yo, ajans volontè oswa rele lokal 2-1-1.
