COLUMBIA, S.C. –Hurricane Helene နောက်ပိုင်း သဘာဝဘေး အန္တရာယ်အကူအညီအတွက် လျှောက်ထားပြီးသည့် South Carolina တွင်နေထိုင်သော ပြည်သူများထံသို့ ပျက်စီးနေသောအိမ်ကိုစစ်ဆေးရန် သို့မဟုတ် လျှောက်လွှာတင်ခြင်းလုပ်ငန်းစဉ်ကို ဆက်လက်ဆောင်ရွက်ရန် လိုအပ်သောအချက်အလက်များကို ရယူရေးအတွက် ရက်ချိန်းစီစဉ်ဖို့ FEMA မှ ဖုန်းခေါ်နိုင်သည်။ ယင်းဖုန်းခေါ်ဆိုမှုများအား သင်မရင်းနှီးသော ဧရိယာကုဒ်များ သို့မဟုတ် ဖုန်းနံပါတ်များမှ လာနိုင်သည်။
ဖုန်းခေါ်ဆိုမှုများကို လက်ခံဖြေဆိုရန်အရေးကြီးပါသည်။ အိမ်တအိမ်၏ လုံခြုံစိတ်ချရမှုနှင့် နေထိုင်၍ ရနိုင်ခြေရှိမရှိကို FEMA ၏ စစ်ဆေးချက်မှ ဆုံးဖြတ်ချက်ချရန် လိုအပ်နိုင်သည်။ စစ်ဆေးချက်အတွက်ရက်ချိန်းမစီစဉ်နိုင်ပါက FEMA လျှောက်လွှာကို ပြန်လည်သုံးသပ်ရာတွင် အချိန်ကြန့်ကြာနိုင်စေသည်။
FEMAကျွမ်းကျင်သူများအနေနှင့် လျှောက်လွှာကို ဆက်လက်ဆောင်ရွက်ရန် အတွက် နောက်ထပ်လိုအပ်သောအချက်အလက်များကို ရယူရန် သို့မဟုတ် လျှောက်ထားမှုအခုကိုအစပြုထားပြီး မပြည့်စုံသောလျှောက်လွှာတင်ထား သူများကို ဆက်သွယ်ရန်အတွက်လည်း ဖုန်းခေါ်နိုင်သည်။
Abbeville၊ Aiken၊ Allendale၊ Anderson၊ Bamberg၊ Barnwell၊ Chester၊ Cherokee၊ Edgefield၊ Fairfield၊ Greenville၊ Greenwood၊ Hampton၊ Kershaw၊ Jasper၊ Laurens၊ Lexington၊ McCormick၊ Newberry၊ Oconee၊ Orangeburg၊ Pickens၊ Richland၊ Saluda၊ Spartanburg၊ Union နှင့် York ကောင်တီများရှိ အိမ်ပိုင်ရှင်များနှင့် ငှားရမ်းသူများ အပြင် Catawba Indian Nation ၏ မျိုးနွယ်စုဝင်များသည် ဖက်ဒရယ် သဘာဝဘေးအန္တရာယ်ဆိုင်ရာအကူအညီအတွက် လျှောက်ထားနိုင်ပါသည်။
လျှောက်ထားရန် အမြန်ဆုံးနည်းလမ်းမှာ DisasterAssistance.govသို့ အွန်လိုင်းမှ လျှောက်ထားရန်ဖြစ်ပါသည်။ သဘာဝဘေးအန္တရာယ်မှအသက်ရှင်ကျန်သူများအနေနှင့် FEMA၊ SOUTH CAROLINAပြည်နယ်နှင့် US အသေးစားစီးပွားရေးလုပ်ငန်းဆိုင်ရာ စီမံကွပ်ကဲရေးအဖွဲ့တို့မှ ကိုယ်စားလှယ်များနှင့်တွေ့ဆုံနိုင်သော သဘာဝဘေးအန္တရာယ်မှ ပြန်လည်ထူထောင်ရေးစခန်းတွင်လည်း လူကိုယ်တိုင် သွားရောက်လျှောက်ထားနိုင်သည်။ ရက်ချိန်း ရယူရန် မလိုအပ်ပါ။ စင်တာတည်နေရာများကို ရှာဖွေရန် fema.gov/drc သို့သွားပါ သို့မဟုတ် “DRC” နှင့် စာပို့သင်္ကေတကို 43362 သို့ စာတိုပေးပို့ပါ။
မိုဘိုင်းစက်ပစ္စည်းများတွင် FEMA အက်ပ် သို့မဟုတ် ခေါ်ဆိုခ အခမဲ့ဖုန်းလိုင်း 800-621-3362 ကို အသုံးပြု၍လည်း လျှောက်ထားနိုင်ပါသည် ။ တယ်လီဖုန်းလိုင်းကို နေ့စဉ်ဖွင့်ထားပြီး ဘာသာစကားများစွာဖြင့် အကူအညီ ရယူနိုင်ပါသည်။ ဗီဒီယို ထပ်ဆင့်လွှင့်ဝန်ဆောင်မှု (VRS)၊ စာတန်းပါသော တယ်လီဖုန်း သို့မဟုတ် အခြားဝန်ဆောင်မှုကဲ့သို့သော ထပ်ဆင့်လွှင့်ဝန်ဆောင်မှုကို သင်အသုံးပြုပါက ထိုဝန်ဆောင်မှုအတွက် သင့်နံပါတ်ကို FEMA ထံ ပေးပါ။ လျှောက်ထားပုံနှင့်ပတ်သက်၍ ဝင်ရောက်ကြည့်ရှုနိုင်သော ဗီဒီယိုကို ကြည့်ရှုရန် ဤ လင့် ကိုရွေးချယ်ပါ။
FEMA ပရိုဂရမ်များသည် မသန်စွမ်းသူများနှင့် သုံးစွဲနိုင်မှုနှင့် အခြေခံလှုပ်ရှားဆောင်ရွက်မှုဆိုင်ရာ လိုအပ်ချက်များရှိသည့် အခြားသူများကို လက်လှမ်းမီစေနိုင်ပါသည်။
South Carolina ပြည်နယ်၏ ပြန်လည်ထူထောင်ရေးဆိုင်ရာ နောက်ဆုံးအချက်အလက်များအတွက် www.fema.gov/disaster/4829 သို့ ဝင်ရောက်ကြည့်ရှုပါ။
FEMA ကို X ၌ x.com/femaregion4 တွင်ဖြစ်စေ Facebook ၌ facebook.com/fema တွင် ဖြစ်စေ ဖော်လိုလိုက်ပါ။