ST. PAUL – FEMA/တၢ်တတၢာ်တနါအဝံၤတၢ်မၤဂ့ၤထီၣ်က့ၤလီၢ်ခၢၣ်သးန့ၣ် တၢ်ကအိးထီၣ်ဖဲ မုၢ်ယူာ်, လါအီကူး 27, 2024, လၢကမၤစၢၤ ပှၤအိၣ်ဆိးတၢ်ဖိတဖၣ်လၢ ကစးထီၣ် အဝဲသ့ၣ် အတၢ်မၤဘၣ်လီၢ်ဘၣ်စးက့ၤတၢ် ဖဲ ကလံၤမုၢ်ဒိၣ်နးနးကျံးကျံး ဒီး ထံဒိၣ်ခိၣ်ယွၤ ဖဲလါယူၤ 16 – လါယူၤလံ 4 သီဝံၤအလီၢ်ခံန့ၣ်လီၤ.
ပှၤသ့ဘၣ်စဲၣ်နီၤတဖၣ်လၢ FEMA, Minnesota ကီၢ်စဲၣ် ဒီး U.S တၢ်ပၢဆှၢရဲၣ်ကျဲၤ မုၢ်ကျိၤဝဲၤကွာ်တၢ်ဖံးတၢ်မၤ အဆံးဖိ တဖၣ်န့ၣ် ကအိၣ်ဖဲ စဲထၢၣ်တဖၣ်အပူၤ ဒ်သိးကမၤစၢၤ ပှၤသးသမူပူၤဖျဲးတဖၣ်လၢ ကပတံထီၣ် ကီၢ်စၢဖှိၣ် တၢ်မၤစၢၤ တၢ်တနၢာ်တနါအဂီၢ်, ကတီၣ်ထီၣ် လံာ်တီလံာ်မီတဖၣ်အဂီၢ်, ဒိးန့ၢ်တၢ်စံးဆၢတဖၣ်လၢ နီၢ်ကစၢ်, ဒိးန့ၢ်တၢ်မၤစၢၤအကလုာ်အဂၤတဖၣ်လၢ တၢ်ဒိးန့ၢ်သ့ ဒီး မၤလိသ့ၣ်ညါ ကျဲတဖၣ်လၢ အဝဲသ့ၣ်အဟံၣ်ဃီတၢ်စုလီၢ်ခီၣ်ခိၣ်တဖၣ် ကတူၢ်န့ၢ်ခီၣ်န့ၢ်အါထီၣ် တၢ်တနၢာ်တနါအဂီၢ်န့ၣ်လီၤ.
တၢ်ကအိးထီၣ်လီၢ်ခၢၣ်သးတဖၣ်အံၤ လၢတၢ်လီၢ်တၢ်ကျဲ, နံၤသီဒီး တၢ်ဆၢကတီၢ် လၢလာ်တဖၣ်အံၤ အသိးန့ၣ်လီၤ-
Albert Lea Fire Rescue
417 S. Newton Avenue
Albert Lea, MN 56007
တၢ်ဆၢကတီၢ်တဖၣ်- မုၢ်ဆၣ် - မုၢ်ဒဲး ဂီၤ 7:30 နၣ်ရံၣ်- ဟါ 6:30 နၣ်ရံၣ်, ကးတံၢ်ဝဲလၢ မုၢ်ဒဲးဒီးမုၢ်ဆၣ်. လါစဲးပတ့ဘၢၣ် 2, ပှၤမၤတၢ်ဖိအမုၢ်နံၤ နံၤသဘျ့.
JBS Field House
700 2nd Avenue
Worthington, MN 56187
တၢ်ဆၢကတီၢ်တဖၣ်- မုၢ်ဆၣ် - မုၢ်ဒဲး ဂီၤ 7:30 နၣ်ရံၣ်- ဟါ 6:30 နၣ်ရံၣ်, ကးတံၢ်ဝဲလၢ မုၢ်ဒဲးဒီးမုၢ်ဆၣ်. လါစဲးပတ့ဘၢၣ် 2, ပှၤမၤတၢ်ဖိအမုၢ်နံၤ နံၤသဘျ့.
တယံာ်ဘၣ်ဒီး တၢ်မၤဘၣ်လီၢ်ဘၣ်စးက့ၤတၢ် စဲထၢၣ်အဂၤတဖၣ်န့ၣ် ကဘၣ်တၢ်အိးထီၣ်အီၤလၢ ခီးထံၣ်တဖၣ်လၢ အဘၣ်တၢ်ဒိဘၣ်အီၤန့ၣ်လီၤ. လၢကဃုကွၢ် လီၢ်ခၢၣ်သးအဘူးကတၢၢ်ဒီးနၤအဂီၢ်, နုာ်ကွၢ် FEMA.gov/DRC တက့ၢ်. ပှၤသးသမူပူၤဖျဲးတဖၣ်န့ၣ် လဲၤဖဲစဲထၢၣ်တခါခါ လၢတၢ်မၤစၢၤအဂီၢ်သ့လီၤ.
ကျိာ်တၢ်ကတိၤတၢ်မၤစၢၤ လၢတမ့ၢ်ဘၣ်အဲကလံးကျိာ်, ပာ်ဃုာ်ဒီး အမဲရကၤ ပနီၣ်ကျိာ်, ဒီး တၢ်ကွဲးကျိာ်ထံ တၢ်ကွဲးနီၣ်ကွဲးဃါတဖၣ်န့ၣ် တၢ်ဒိးန့ၢ်အီၤသ့ဖဲ စဲထၢၣ်တဖၣ်အံၤအပူၤလီၤ. တၢ်မၤဘၣ်လီၢ်ဘၣ်စးက့ၤ တၢ်တနၢာ်တနါ စဲထၢၣ် အလီၢ်အကျဲတဖၣ်န့ၣ် ဘၣ်တၢ်ဃုထၢအီၤလၢ အဝဲသ့ၣ်လဲၤတုၤညီအဂီၢ်, ဃုာ်ဒီးဖီတၢၣ်လၢ တၢ်ဆဲးကျိးတုၤအိၣ် ပှၤအါအါဂီၢ်ဂီၢ် တသ့ဖဲအသ့န့ၣ်လီၤ. တၢ်ပာ်ကတီၢ်သိလ့ၣ် အလီၢ်တဖၣ်န့ၣ် တၢ်ဒိးန့ၢ်အီၤသ့ဖဲ စဲထၢၣ်ခဲလၢာ်အပူၤလီၤ.
ဒ်သိးကပတံထီၣ် FEMA တၢ်မၤစၢၤအဂီၢ် ပှၤသးသမူပူၤဖျဲးတဖၣ်န့ၣ် တလိၣ်လၢ ကလဲၤဆူ တၢ်မၤဘၣ်လီၢ်ဘၣ်စးက့ၤ တၢ်တနၢာ်တနါ စဲထၢၣ်ဘၣ်. တၢ်ပတံထီၣ်တၢ်လၢ တလိၣ်တၢ်လဲၤဆူ စဲထၢၣ်တခါအဂီၢ် နုာ်လီၤကွၢ် DisasterAssistance.gov, ဒီလိးဟံးန့ၢ် FEMA လီတဲစိအဲး(ပ) မ့တမ့ၢ်ကိးလီတဲစိဆူ FEMA တၢ်မၤစၢၤလီကျိၤ ဖဲ 800-621-3362 တက့ၢ်. နမ့ၢ်စူးကါတၢ်ဆှၢခီတၢ်တိစၢၤမၤစၢၤ ဒ်အမ့ၢ် ဘံၢ်ဒံၢ်အိၣ်တၢ်ဆှၢခီတၢ်တိစၢၤမၤစၢၤ, လီတဲစိလၢလံာ်ဖျါတၢ်တိစၢၤမၤစၢၤ မ့တမ့ၢ်အဂၤန့ၣ် ဟ့ၣ်လီၤနနီၣ်ဂံၢ်လၢ တၢ်တိစၢၤမၤစၢၤဝဲန့ၣ်အဂီၢ်ဆူ FEMA ဖဲနပတံထီၣ်တၢ်အခါန့ၣ်လီၤ.
လၢကန့ၢ်တၢ်ဂ့ၢ်အါထီၣ်ဘၣ်ဃး တၢ်မၤဘၣ်လီၢ်ဘၣ်စးက့ၤ တၢ်တနၢာ်တနါ တၢ်ဖံးတၢ်မၤ လၢ Minnesota အပူၤအဂီၢ်န့ၣ် နုာ်လီၤကွၢ် www.fema.gov/disaster/4797တက့ၢ်.