LAHAINA, Maui – Mangrugi nga agbayad ti upa dagiti nakalasat ti nakaro nga uram a karaman iti Direkta a Pabalay a Programa ti FEMA inton Marso 1, 2025. Epektibo dagiti kasapulan tin panagupa para kadagiti naud-udi a programa seknan ti panagasistir iti pabalat nu sadinno naiyalud-od aginggana Pebrero 10, 2026.
Naawat dagiti partisipante iti programa dagiti 90-aldaw, 60-aldaw, ken 30-aldaw a pakaammo a surat seknan ti mapaspasungadan a panagkolekta ti upa.
Maibasar ti balor ti upa iti Departamento ti Pabalay ken Patas a Renta iti Merkado iti Panagdur-as ti Ili iti Estados Unidos iti Maui kadduua ti abilidad wenno kabaelan a panagbayad ti sangkabalayan.
HUD Pagserkan: FY 2025 Final Fair Market Rents Documentation System — Select Geography wenno FY 2025 ti Sistema ti Panagidokumento iti Pinal a Patas a Renta iti Merkado-Pilien ti Heograpia
Maguyugoy dagiti sangkabalayan nga agtalinaed a konektado kadagiti taga-bayabayda ti sertipikasion a kadduada a mang-determinar ti kabaelan a balor ti upa. Mabalin nga agapela dagiti aguk-okupar iti decision ti FEMA seknan ti kabaelanda nga agbayad ti upa. Uray man nu adda iti 60 aldaw dagiti aguk-okupar nga agapela para ti pannakaibaba ti upa manipud ti petsa a naawatda ti 30-aldaw a pakaammo wenno abiso seknan ti kasapulan ti panagupa, naiget a maguyugoy nga i-submitirda dagiti apelada ken napapateg a dokumento iti kabiitan a panawen.
Suhestion ti FEMA kadagiti sangkabalayan nga i-submitirda dagiti apelada iti kabiitan a panawen tapnu maiproseso ti kiddaw sakbay ti Marso 1 a rugi a petsa. Ti pannakaitantantan ti panagisubmitir ti apela ket mangitunda ti pannakaibaybayag met nukua ti proseso ti pannakadesision ti upa. Kadaytoy a banag, dagiti sangkabalayan nga agur-uray ti pinal a desision iti balor ti upada ket kasapulan nga agbayad ti buo nga upa aginggana a maaramid ti desision. Nu kasta a maaramiden ti desision,isubli met laeng ti FEMA ti diperensia ti bayad ti upa.
Agtalinaed met ti kari ti FEMA nga agtultuloy daytoy tumulong iti pannakaibangon ti Maui ken suportaanna dagiti nakalasat ti nakaro nga uram babaen ti agtultuloy a panangisayangkat kadagiti permanente a solusion seknan ti pabalay.
Para kadagiti kangrunaan ken kabaroan nga impormasion seknan kadagiti aksion iti pannakaibangon ti Maui kalpasan ti nakaro nga uram a napasaran ti lugar, bumisita laeng ti mauicounty.gov, mauirecovers.org , fema.gov/disaster/4724 wenno Hawaii Wildfires - YouTube. Suruten pay ti FEMA iti media sosyal: @FEMARegion9 ken facebook.com/fema.