LAHAINA, Maui – Ko kinautolu ‘oku lolotonga ‘i he Polokalama Nofo’anga Tonu FEMA ‘e fiema’u ke kamata e totongi leni ‘i Ma’asi 1, 2025. Ko e fiema’u leni ‘e kei hoko atu ki he toenga ‘o e polokalama tokoni nofo’anga, pea na’e toe fakaloloa atu ki Fepueli 10, 2026.
Ko kinautolu ‘oku kau he polokalama kuo nau ma’u ha tohi fakatokanga ki he ‘enau ‘aho-90, ‘aho-60 mo e ‘aho-30 ‘o kau ki he tanaki leni.
‘Oku makatu’unga ‘a e totongi leni mei he U.S. Department of Housing and Urban Development (HUD) 2025 Fair Market Rent ‘i Maui fakataha mo e hā ‘e malavalava he kau nofo ‘o totongi.
HUD Portal: FY 2025 Final Fair Market Rents Documentation System — Select Geography
‘Oku fakalotolahi atu ki he kau nofo ke nau fetu’utaki mo e kau ‘etivaisa toe ma’u setifikeiti ke mou ngaue ke ‘ilo’i e totongi leni fe’unga. ‘E lava he kau nofo ‘o fakatangi ‘a e tali mei he FEMA ki he me’a te nau lava ‘o totongi. Kuo tuku atu ha ‘aho 60 ki he kau nofo ke nau fai ha fakatangi ke holoki e leni mei he ‘aho na’e ma’u ai ‘a e tohi fakatonga ‘aho-30 ki he fiema’u leni. ‘Oku na’ina’i atu e FEMA ki he kau nofo ke nau fakahu mai ‘enau fakatangi mo e ‘u tohi fakamo’oni he vave taha.
‘Oku na’ina’i atu ‘a e FEMA ki he kau nofo ke fakahu mai ‘enau fakatangi he vave taha ka e lava ‘o fai ha ngaue ki he ‘enau kole kimu’a he taimi kamata ‘o Maasi 1. Ko e tomui hono fakahu mai e tohi fakatangi ‘e lava ke toe toloi e founga tali ho leni. ‘I he keisi pehe ni, ko e kau nofo ‘oku nau tatali ki ha tali faka’osi mei he totongi leni pea ‘e fiema’u ia ke nau totongi kakato e mahu’inga ‘o e leni ka e ‘oua kuo ma’u ha tali. Ko e taimi ‘e ma’u ai ha tali mei he FEMA ‘e toki totongi fakafoki ‘a e faikehekehe.
‘Oku kei tukupa pe ‘a e FEMA ke hoko atu e fakalele’i ‘i Maui kiate kinautolu ne uesia mei he vela ‘i he ‘enau kei ngaue ke solova pea ma’u ha nofo’anga pau.
Ke ma’u ha fakamatala fakamuimui ki he feinga fakalelei vela ‘i Maui, ‘a’ahi ki he mauicounty.gov, mauirecovers.org, fema.gov/disaster/4724 and Hawaii Wildfires - YouTube. Muimui ki he sosolo mitia ‘a e FEMA: @FEMARegion9 and facebook.com/fema.