LAHAINA, Maui – Armej ro rekkar ioone kijeek ko relab ilo ien in im rej koba ilo Burokraam in Jibañ ikijen Imōn Jokwe ilo Kōtaan Ien an FEMA renaj aikuj jino kolla wonnen reen ilo Maaj 1, 2025. Aikuj in enaj jejjet kutien ñan aoleben burokraam in jibañ in imōn jokwe eo an FEMA, im emōj kaitoklok ñan Babode 10, 2026.
Armej ro rej bōk kwōnaer ilo burokraam in im emōj aer loe leta in kōjella ko rej lelok 90-raan, 60-raan, im 30-raan ikijen wonnen reen eo renaj bōke ilo jeklaj.
Wonnen reen eo ej itok jen Wonnen Reen eo Riwia im Rikolla ro rej Errā Kake ilo 2025 jen Opij eo ej bōk eddoin Kakien ko ikijen Imōn Jokwe im Jikin ko Relab (Department of Housing and Urban Development, HUD) an Amedka ilo Maui koba ñan joñan eo borwaj eo emaron kollaiki.
Jikin Onlain eo an HUD: FY 2025 Kein Kamool eo Āliktata ñan Wonnen Reen eo Riwia im Rikolla Remaron Kollaiki — Kelet Jikin
Emōj rōjañ an borwaj ko rej ebōk jibañ kōn Imōn Reen ilo Kōtaan Ien kenono ibben rijerbal ro ej lelok rōjañ in bar kamool aer aikuj jibañ im enaj jerbal ibbeir ñan lale wonnen reen eo remaron kollaiki. Armej ro rej jokwe ilo moko enaj wōr 60 aer raan ñan lelok kajjitōk ñan an diklok wonnen reen jen raan eo rekkar loe kōjella eo rekkar lelok ñan beir im ej lelok 30-raan, elab rōjañ bwe ren lelok kajjitōk eo aer im peba in kamool ko ilo ien eo emokajtata.
Elab an FEMA rōjañ an borwaj ko lelok kajjitōk ko aer ilo ien eo emokajtata ñan aer kōmadmōde kajjitōk eo mokta jen raan in jinoe eo ej Maaj 1. An rumij an etal peba in kanne ko rej lelok kajjitōk emaron kaitoklok an madmōd jemlok eo ñan wonnen reen. Ilo wāween in, borwaj ko rej kattar jemlok eo āliktata renaj aikuj kollaiki aoleben wonnen reen eo mae ien ewōr juon jemlok. Ilo ien ewōr jemlok FEMA enaj karoollok oktak in wonnen eo emōj aer kollaiki.
FEMA ej woñmaanlok an tiljek ilo jerbal in jibañ ko ilo Maui im enaj jibañ armej ro rekkar ioone jorrāān eo jen kijeek ilo aer bukōt wāween aer kwon ilo imōn jokwe ko aer.
Ñan melele ko āliktata kōn jerbal in jibañ ko ñan kijeek eo elab ilo Maui, lale mauicounty.gov, mauirecovers.org, fema.gov/disaster/4724 im Hawaii Wildfires - YouTube. Lale FEMA ilo social media: @FEMARegion9 im facebook.com/fema.