Daytoy ti YouTube Video: Kilohana Sewer Project: Pannakapapintas ti Imprastruktura para ti Natibtibker a komunidad
LAHAINA, MAUI –Napaut dagiti benepisio a maala dagiti taga-Lahaina maniipud iti maar-aramid a linya ti imburnal para ti Kilohana Temporary Group Housing Site wenno ti pabalay a proyekto ti FEMA.
Tapnu ad-adda a maiyasideg ti Kilohana iti sistema ti imburnal, nagbinnulig ti U.S. Army Corps of Engineers (USACE) ken dagiti partner wenno kakadduana tapnu maiyattidog ti agdama a sistema ti imburnal iti lugar. Dumalan ti extension wenno nainayon a paset iti kabangibang a komunidad iti Wahikuli nga agdama nga agus-usar ti deposito wenno pagurnungan dagiti aniaman a likido a rugit. Nu ma-kumpleto daytoy, masuportaan ti linya ti imburnal ti Kalamata Fleming Road ti grupo ti pabalay ken dagiti sanikua iti Fleming Rioad ken Malo Street.
“ Saankami laeng a tumultulong para iti apagbiit a termino, ngem aniaman a proyekto nga ub-ubraenmi ket ti kinapaut ken kinatibker iti komunidad ti inkami kitkitaenmi bayat a tultulunganmi ti komunidad a makabangon, “ kuna ti FEMA Regional Administrator Robert Fenton.
Iti kaunaan a gundaway, 29 a lote iti Fleming Road ti maaddaan ti modern a sistema ti imburnal. Sangapulo ket siam a sanikua dagiti nadadael wenno naperdi ti naindaklan ken nakaro nga uram iti Maui idi Agosto 8, 2023. Dagiti deposito kas koma ti naidaklan ti pakasaritaan ti usarna iti karruba wenno kabangibang iti Wahikuli, ket mangitunda ti nakana a risgo iti aglawlaw kas koma iti pannaka-kontaminar ti daga, danum, baybay, ken aniaman a klase ti kadanuman.
Kuna ti U.S. Environmental Protection Agency (EPA), sumurok kumurang 95% iti groundwater ti paggapgapuan ti danum a kangrunaan nga maus-usar kadagiti pagtaengan.
Nangipaay ti FEMA TI $19.4 milion a kontrata tapnu maiyat-attiddog ti linya ti imburnal nga agtarus ti Lahaina Recreation Facility nga imanmanehar ti Maui County. Gagem daytoy a mangipasigurado ti nasalun-at, natalged, ken natibker a komunidad.
Sipud Hulyo 10, 2024, nagbinnulig ti FEMA, USACE, dagiti local a kontraktor, ken ti Maui County tapnu maikabil ti 2, 500 a kadapan ti linya ti imburnal. Ti proyekto ket addaan ti:
- 1, 500 kadapan iti 8 pulgada ti imburnal nga agtarus iti Fleming Road
- 1, 000 kadapan iti 12 pulgada ti imburnal iti Malo Street
- 28 pasikig nga agtarus kadagiti sanikua dagiti nakalasat
- 11 manhole wenno abot a pang-mentenar dagiti imburnal
Malaksid ti pannakaiyatiddog ti imburbal, mangisaysayangkat pay ti EPA ken Maui County ti pannakaadal ti aglawlaw ken disenyo ti sistema ti imburnal para kadagiti nabatbati a lugar iti sangkakarrubaan ti Wahikuli. Agtultuloy ti pannakairamraman dagiti lumugar iti daytoy a proyekto. Nangidiaya ti EPA kadagiti agtagikua kadagiti balay dagiti pannakaamiris dagiti deposito para ti naan-anay a a pannakai-dokumento dagiti kasapulan a maisubmitir para ti permit a pannakaaramid manen ken temporario a pannakausar dagiti deposito sakbay ti konstruksion ti sistema ti imburnal.
Bayat ti panagar-aramid dagiti residente, kasapulanda a makikonektarda iti baro nga imburnal ken mangala ti baro a permit manipud ti Department of Public Works Development Services Administration (DSA) ken abandonaren a nasayaat dagiti depositoda maibasar kadagiti pagannurotan wenno paglintegan ti Department of Health ti estado. 4LEAF ti contractor iti lugar a mangidardaras a mangasikaso dagiti kasapulan a pannakaadal wenno pannakaamiris ken pannakaipalubos ti konstruksion manen iti Lahaina ken pannaka-assistir iti daytoy a proseso.
Ad-adu pay a detalye seknan ti proseso ti pannaka-ala ti pammalubos ket masarakan iti Maui County Disaster Recovery Building Permit website.
Makatulong daytoy a proyekto ti FEMA ken dagiti kabinnuligna grupo wenno indibidual kadagiti nakalasat ti nakaro a nga uram iti inda panagsubli ti West Maui. Mabenepisiaran ti komunidad kadagiti masungsungad a tawen kadagitoy a pannakapasayaat ti salun-at ken kinatalged ti Lahaina.
Para kadagiti kangrunaan ken kabaroan nga impormasion seknan kadagiti addang para iti pannagbangon manipud nakaro nga uram iti Maui, bisitaen laeng ti mauicounty.gov, mauirecovers.org, fema.gov/disaster/4724 ken Hawaii Wildfires - YouTube. Suroten ti FEMA iti social media: @FEMARegion9 ken facebook.com/fema. Mabalin pay a makaala kadagiti impormasion a makaasistir seknan ti didigra ken maka-download ti aplikasion iti sba.gov/hawaii-wildfires.