Kahsdo en YouTube: Pirokiram en Paip en Sewer en Kilohana: Wiahda Anahn en Wehi Kapw Pwehn Kakehlailih Wehi
LAHAINA, MAUI – Paip en sewer me pahn wiahda nan Wasahn Ihmw Kapw Kan en Kilohana en FEMA pahn sewese wehi en Lahaina pwon.
Pwehn mweidong Kilohana en iang ale sisdem en paip en sewer nan Wehi en Maui, pwihn en U.S. Army Corps of Engineers (USACE) oh pwihn teikan anahne uhsehlang wasao paip en sewer kan. Paip wet pahn daulahsang wehi en Wahikuli me kin doadoahngki cesspool kan. Ni ah wiahdahr, Paip en Sewer en Kealamoka Fleming Road pahn sewese ihmw kan nan wasahn ihmpw kapw kan oh pil ihmw nan ahl en Fleming Road oh Malo Street kan.
"Se sewesewese tohnihmw kan ansou wet, oh pil tohnihmw en wehi kan mwuri ni aht wiahda anahne akan me pahn mweidong tohnwehi en mwahula mwurin ansou ahpwal pwukat," kaun en FEMA Regional Administrator Robert Fenton koasoai.
Ihmw 29 limwan ahl en Fleming Road pahn iang ale paip en sewer en wehi. Ihmw eisek duwau en sahpw pwukat ohla de kauwehla ni kisiniei en nansahpw en Maui me wiawi nan Oahkohs 8, 2023. Ni tohnwehi kan pwureng wiahda imwarail, mie project kan me kak kamwahuiala mour en tohnwehi kan.
Cesspool kan, ni karasepe soang ko me ihmw en Wahikuli kin doadoangki, iei soang en mehn keper pwehki re kin kasaminla sahpw, pihl en nansahpw, nansed, oh piletik kan. Nin duwen kempa en U.S. Environmental Protection Agency (EPA), 95% en pihl me tohnwehi en Hawai'i kin doadoahngki kohsang pihl en nansahpw.
FEMA pwain $19.4 miliohn pirokiram en uhsehlang Lahaina Wastewater Reclamation Facility paip en sewer kan, me Wehi en Maui kin kaunih, pwehn sewese roson oh kehlail en tohnwehi koaruhsie.
Sang Sulai 10, 2024 lel met, FEMA, USACE, tohndoadoahk en Maui kan, oh Wehi en Maui doadoahkpene pwehn wiahda neh 2,500 en paip en sewer kapw. Project wet iangahki:
- Neh 1,500 en paip en sewer wengewenge inch 8 me pahn wiahda pahangin Fleming Road
- Neh 1,000 en paip en sewer wengewenge inch 12 me pahn wiahda pahnangin Malo Street
- Paip en lateral 28 me pahn uhsehlang sahpwen tohnwehi
- Mehn perehla sewer 11
Kapateng uhse en paip en sewer wet, EPA oh Wehi en Maui iang kasawih ia mwomwen wiahda sisdem en sewer en gravity ieu me re mwahuki wiahda nan wehi en Wahikuli pwon. Tohnwehi kak kihda arail madamadau pid project wet ni mwomwen koasoai me pwihn ko pahn koasoandi. EPA pil ndaiong tohnihmw kan me re kak ale keseu en cesspool kan pwehn wehwehki ma re kak doadoahngki arail cesspool lel ansou me sisdem en sewer kapw kan wiadahr.
Ni tohnwehi kan pwureng wiahda imwarail, re pahn anahne kadokepene imwarail oh sisdem en sewer oh anahne ale mweimwei sang kempa en Public Works Development Services Administration (DSA) nan arail wehi oh sohlahr doadoahngki cesspool nin duwen kosonned en Kempa en Roson nan state. 4LEAF iei pwihn me county koasoandi en wiahda keseu pwukat ni mwadang pwehn tohnwehi en Lahaina kak pwureng pwiahda imwarail oh re kak sewese tohnihmw ni arail wia anahne wet. Paip en sewer en wehi pahn wiahda neh 2 limwan irepen sahpw oh tohnihmw kak peki tohndoadoahk en plumber en kadokepene lain en sewer oh imwe.
Iretikitik kan pid mwomwen ale mweidong en permit kak dierekada nan website en Maui County Disaster Recovery Building Permit.
FEMA oh pwihn teikan kin sewese tohnwehi en West Maui kan ni arail pwurala imwarail kan mwurin kisiniei en nansahpw. Mehn kamwahula roson en Lahaina wet pahn sewese tohnwehi nan nan pahr me kohkohdo.
Pwehn esehla rong kapw pid pirokiram en kamwauiala lipwe suwed en kisiniei en nansapw en Maui, kilang mauicounty.gov, mauirecovers.org, fema.gov/disaster/4724 ohHawaii Wildfires - YouTube. Idawehn FEMA nan social media: @FEMARegion9 ohfacebook.com/fema. Ke pil kak ala ire pid sawas en kamwahuiala lipwen suwed en kisiniei oh ale doaropwe kan ni sba.gov/hawaii-wildfires.