Eñin ej Bideo ilo YouTube: Burojeek eo an Paip in Dān Ettoonon ilo Kilohana: Kōkkāāl Kein Jerbal ko ñan Kakajur Armej ro ilo Jukjukinbed
LAHAINA, MAUI – An ekāl paip in dān ettoonon ñan Em ko an FEMA ilo Kōtaan Ien im rej Imōn Jokwe ko an Rinañinmej ilo Kilohana enaj aitok kutien an jibañ Lahaina.
Ñan an Kilohana maron kōjerbal paip in dān ettoonon eo an Bukon eo an Maui, U.S. Army Corps of Engineers (USACE) im jikin ko ej jerbal ibben rekkar aikuj madmōd ñan kaitoklok paip ko an dān ettoonon ñan jikin eo. Paip in emōj kaitoklok ej ettōr iturin imōn jokwe ko ilo Wahikuli im ilo ien in ej kōjerbal nien dān ettoonon eo bed bulon bwidej. Ilo ien eo enaj dedelok jerbal eo, Paip in Dān eo ilo Kealamoka Fleming Road enaj jibañ imōn jokwe ko an rinañinmej im moko iturin Fleming Road im Malo Street.
“Kōm ejab jibañ wōt ilo jidik ien, bōtab jabdewōt burojeek eo kōm ej kōmmane, kōm ej lale an lelok jibañ iomwin ien aitok im kōlablok an armej ro ilo jukjukinbed kajur ilo amim jibañ er jen jorrāān ko rekkar iooni,” Robert Fenton im ej FEMA Regional Administrator ear ba.
Ej kab kein kajuon an 29 em ko ilo Fleming Road maron kōjerbal paip in dān ettooonon eo ekāāl. Joñoul ruwatimjuon em kein rekkar jorrāān ak jako jen kijeek ko rekkar walok ilo Maui ilo kar Okwoj 8, 2023. Ilo an armej ro bar ekāl, elōñ lomnak ko emōj aer walok kōn wāween kōkmanmanlok an armej mour ilo ien in.
Nien dān ettoonon ko ilo bwidej, einwōt jikin ko emōj kar kōjerbal moktalok im rej bed iturin moko ilo Wahikuli, elab aer maron lelok uwōta ñan jikin ko ipelaakid einwōt ilo aer kattoonone bwidej ko, aeboj ko rej itok jen bwidej, lojet im jikin ko ewōr dān. Ekkar ñan U.S. Environmental Protection Agency (EPA), dān ko ilo bwidej rej letok tarrin 95% in aoleb dān ko ilo Hawai‘i.
FEMA ekkar kōmelim an lelok juon koontoreak ewōr $19.4 milien ñan kaitoklok paip in dān ettoonon ko rej etal ñan Lahaina Wastewater Reclamation Facility, im Bukon eo an Maui ej bōk eddoin, ñan loloorjak emmon ñan ājmour, ejellok uwōta ñan jorrāān im kakajur aoleben armej ro ilo jukjukinbed eo.
Jen Julae 10, 2024, FEMA, USACE, armej im doulul ko ilo jukjukinbed eo an Maui im rej jerbal kōn koontoreak, im Bukon eo an Maui, emōj aer jerbal ibben doon ñan kajutak juon paip an dān ettoonon 2,500 ne aitokin. Burojeek eo ekoba:
- 1,500 ne aitokin im 8-inij joñan paip in dān ettoonon eo elab ej etal lallok ilo Fleming Road
- 1,000 ne aitokin im 12-inij joñan paip in dān ettoonon eo elab ilo Malo Street
- 28 paip in dān ko rejenolok rej etal ñan moko imōn armej ro rekkar ioon jorrāān
- 11 roñ ko emōj kōmmani ñan dān ettoonon
Koba ilo an aitoklok paip in dān ettoonon eo, EPA im Bukon eo an Maui rej kōmmane juon etale ñan lale ta ko emmon ak nana ñan jikin eo ipelaakid im an kōmman paip in dān ettoonon ñan jikin ko jet ilo Wahikuli. Ej woñmaanlok jerbal ko rej lelok rōjañ in melele ñan an armej ro ilo jukjukinbed ko maron bōk kwōnaer ilo jerbal kein. EPA ear bar lelok teej in lale nien dān ettoonon ko ilo bwidej ñan armej ro ewōr aer ilo moko mweir ñan an maron kōmman peba in kamool eo aikuj ñan lelok peba in kōmelim ñan bar ekāl im ilo kōtaan ien kōjerbal nien dān ettoonon ko ilo bwidej mokta jen aer kalōke paip ko an dān ettoonon.
Ilo an armej bar ekāl, renaj aikuj konnek ae moko mweir ñan paip in dān ettoonon eo ekāāl im rej aikuj ebōk aer peba in kōmelim ñan paip in dān ettoonon jen opij eo an bukon Department of Public Works Development Services Administration (DSA) innem kōjejjet wāween aer kabōjrak aer kōjerbal nien dān ettoonon ko ilo bwidej ekkar ñan opij eo an state Department of Health. 4LEAF ej juon eo ej kōmman jerbal in koontoreak ibben bukon im ej kōmokaj aer etale im lelok kōmelim ñan an bar jino ekāl ko ilo Lahaina im emaron jibañ kōn madmōdin. Paip in dān ettoonon ko an bukon renaj kajutak iloan 2 ne jen jemlok eo an kajojo em im oner ro an moko mweir remaron jerbal ibben koonotreak in plumbing eo aer ñan aer kobalok ñan paip eo.
Kwōmaron loe tibdikin melele ko relablok kōn madmōdin peba in kōmelim k ilo webjait eo ñan Peba in Kōmelim ñan Ekāl jen Jorrāān ko rekkar Walok ilo Bukon eo an Maui.
Burojeek in an FEMA im jikin ko ej jerbal ibben rej jibañ armej ro rekkar ioon jorrāān jen kijeek ko relab ñan aer rool ñan jikin ko Rōtle in Maui. An emmonlok ājmour im ejellok uwōta ñan jorrāān ñan armej ro ilo Lahaina enaj jibañ er ilo iomwin iiō ko relōñ rej beddo tok.
Ñan melele ko relablok kōn jerbal ko rej jibañ jen kijeek ko relab rekkar walok ilo Maui, lale mauicounty.gov, mauirecovers.org, fema.gov/disaster/4724 im Hawaii Wildfires - YouTube. Lale FEMA ilo social media: @FEMARegion9 im facebook.com/fema. Kwōmaron bar ebōk melele kōn jibañ ko ikijen jorrāān im download ablikajon ko ilo sba.gov/hawaii-wildfires.