Tej zaum FEMA yuav pub nyiaj thiab lwm yam kev pab cuam kom pab koj rov zoo ntawm kev raug puas tsuaj uas tus thawj tswj hwm rau lub teb chaws tau tshaj tawm txog. Nov yuav pab koj duav cov nqi rau tej yam uas raug xws li koj lub tsev, lub tsheb, thiab lwm yam teej tug.
Nco ntsoov: FEMA tsis pub kev pab rau cov lag luam me uas raug kev puas tsuaj. Txawm li ntawd los, peb koom tes nrog U.S. Small Business Administration (SBA) uas qiv nyiaj yam muaj paj qis rau cov lag luam uas raug. Peb kuj tsis pub kev pab rau cov tsev thib ob, tsuas yog rau koj lub tsev uas koj nyob rau haud nkaus xwb.
Tej zaum koj yuav tsim nyog txais FEMA kev pab rov zoo ntawm kev puas tsuaj txawm yog koj twb muaj kev tuav pov hwm. Koj yuav tsum xa ntawv thov nyiaj rau koj lub koom haum tuav pov hwm ces mam li xa daim ntawv daws kev thov nyiaj los yog daim ntawv xyeej koj qhov thov nyiaj mus rau FEMA kom FEMA thiaj txiav txim siab seb koj puas tsim nyog txais kev pab.
Thov kev pab los ntawm FEMA ntawm kev pab cuam puas tsuaj.gov (link lus askiv)
FEMA kev pab them nqi dab tsi
Kev pab vaj tsev
- Kev Pab Xauj Tsev: nyiaj uas koj siv tau los mus xauj tsev nyob yog koj nyob tsis tau rau hauv koj lub tsev vim raug puas tsuaj.
- Pub Nyiaj Rov Qab Rau Cov Nqi Tsev Nyob: nyiaj uas yuav muab pub rov qab rau koj rau cov nqi tsev so yog koj nyob tsis tau rau hauv koj lub tsev vim raug puas tsuaj.
- Kev Kho Tsev Los Theej Tsev: nyiaj pab koj kho los yog theej koj lub tsev uas raug puas tsuaj.
- Kev Toob Kas Nkag Tsev Yooj Yim: nyiaj pab cov neeg dim uas muaj ib qho ua tsis taus thiaj kho tau tsev kom yooj yim nkag thiab yooj yim mucs ncig.
- Cov Kev, Choj, thiab Chaw Cug Nkoj Uas Neeg Tswv: nyiaj rau cov neeg dim uas lawv tib txoj kev mus cuag lawv lub tsev raug puas tsuaj.
- Cov Tsev Nyob Tau Ib Ntu: yog txais kev pom zoo rau qhov puas tsuaj no, thaum koj siv tsis tau cov nyiaj pab xauj tsev vim tsis muaj tsev xauj.
- Nyiaj Txo Kev Phom Sij: nyiaj uas cov tswv tsev siv tau los mus kho lawv lub tsev kom ruaj khov zog
Kev Pab Cuam Ntxiv Rau Lwm Yam Toob Kas
Kev Pab Cuam Rau Tej Kev Toob Kas Heev (SNA)
Ib qho nyiaj uas them ua ntej rau nyias tsev neeg rau tej yam tseem ceebxws li zaub mov noj, dej haus, kua mis rau mos ab, khoom siv pub mis noj, tshuaj thiab lwm yam uas toob kas vim raug kev puas tsuaj.
NCO NTSOOV: SNA tsis yog kom siv them nqi fai fab los yog theej zaub mov. Tsuas yog siv thaum muaj xwm txheej kub xeev nkaus xwb.
- Raug Cais Ntawm Tsev: nyiaj siv los pab nrhiav tsev nyog yog koj nyob tsis tau rau hauv koj lub qub tsev vim raug puas tsuaj.
- Zov Me Nyuam: nyiaj pab koj them nqi zov me nyuam los sis duav tus nqi zov me nyuam uas nce tuaj vim raug puas tsuaj.
- Tu thiab Ntxuav Kom Huv: nyiaj pab koj them rau tej qho uas raug puas tsuaj me ntsis kom thiaj tsis raug ntxiv los yog muab tu kom ntshiab huv yam tsis phom sij lawm.
- Lub Ntees Tuag: nyiaj pab koj them nqi ntees tuag los yog nqi muab neeg rov qab faus dua vim raug puas tsuaj.
- Tsab Cai Tuav Pov Hwm Rau Dej Nyab: yuav ib tsab cai tuav pov hwm rau dej nyab tau peb xyoos yog koj lub tsev nyob rau hauv ib Qho Chaw Dej Nyab Tshwj Xeeb, thiab koj lub tsev raug dej los nyab.
- Kev Kho Mob/Kho Hniav: nyiaj pab koj them nqi kho mob rau tej qho mob uas los ntawm kev puas tsuaj.
- Teej Tug: nyiaj pab koj kho los yog theej cov tshuab tsev, cov rooj zaum, thiab ib lub koos pis tawj uas raug puas tsuaj.
- Kev Thauj Mus Los: nyiaj pab koj kho los yog theej ib lub tsheb uas raug puas tsuaj thiab koj tsis muaj lwm lub tsheb uas siv tau.