HONOLULU – ʻE lava ke ʻi ai ha ngaahi palopalema fakalao ʻoku fakatuʻupakē ʻa ia ʻe lava ʻo uesia ai ʻa e taha fakafoʻituituí mo e ngaahi fāmilí. Kapau ʻokú ke fehangahangai mo ha ngaahi palopalema fakalao koe tupu meí he ngaahi vela vao ʻi ʻAokosi naʻe hoko ʻi Mauí, té ke lava ʻo maʻu ha faleʻi fakalao.
ʻOku ʻatā ʻi he taimí ni ʻa e Ngaahi Ngāue Fakalao ki he Fakatamakí maʻa kinautolu maʻu vāhenga maʻulaló, kau toulekeleká mo e kakai kehe ʻo e koló ʻoku tuʻu lavea ngofuá ʻa ia naʻe uesia ʻe he ngaahi matangi mālohí mo e vela vaó pea ʻoku ʻikai kenau lava ʻo totongi haʻanau loea ʻa kinautolu pē.
Té ke lava ʻo telefoni ki he Sōsaieti Tokoni Fakalao ʻa Hawaiʻi ʻi he ngaahi laine taʻetotongí ʻi he fika telefoni 808-536-4302 pe 800-499-4302. ʻOku ʻatā ʻa e ngaahi lainé meí he 9 pongipongi ki he 11:30 pongipongi mo e 1 efiafi ki he 3:30 efiafi. Mōnite ki he Falaite.
ʻE lava ʻe kinautolu ʻoku telefoni ki he laine hangatonú ke maʻu ha tokoni fekauʻaki moe ngaahi palopalema fakalaó ʻo kau ki ai ʻa e:
- FEMA, Pule ʻo e Pisinisi Iiki ʻa ʻAmeliká mo e ngaahi monūʻia tokoni fakapaʻanga fakapuleʻanga kehe ʻo kau ai ʻa e Polokalama Tokoni Fakalahi Meʻatokoní (SNAP) mo e ʻikai maʻu ngāue ʻi he fakatamakí
- ngaahi keleimi maluʻí
- ngaahi aleapau fakalelei ki he ngaaahi ʻapí mo e keleimi maluʻi koloá
- hikihiki ʻi he totongi koloá, ngaahi kākā ʻi he paʻangá mo e kaihaʻasi ʻo e fakaʻilongaʻi ʻo ha taha
- faʻao ʻo e mōkisí mo e ngaahi palopalema totonu ki he ʻapí
- ngaahi palopalema ʻi he taha ʻoʻona ʻa e fale pe ʻapi nofo totongí/taha nofo totongí
- fakafoʻou ʻo ha ngaahi tohi tuku mo e ngaahi tohi ngāue mahuʻinga kehe kuo ʻauha ʻi he velá
- lava ke kau ki he ngaahi polokalama ʻa e puleʻangá, siteití mo e koló ʻo felāveʻi mo ha faingataʻaʻia fakaesino.
ʻE ʻikai lava ʻa e ngaahi hoa ngāue ʻi he laine hangatonú ke tokoni ʻi he kotoa ʻo e ngaahi meʻa ʻoku hokó, kau ki ai ʻa e ngaahi meʻa kapau ʻe kau ki ai ha ngaahi totongi fakalaó pe ko ha foaki ʻi he totongi huhuʻí. ʻE lava ke maʻu ha faleʻi fakalao taʻetotongi ʻi he ʻinitanetí ʻi he https://hawaii.freelegalanswers.org/.
Ko e polokalama Ngaahi Ngāue Fakalao ki ha Fakatamakí ko ha ngāue ʻoku fakahoko ʻi he fengāueʻaki mo e FEMA, ko e American Bar Association Young Lawyers Division, Hawaiʻi State Bar Association, mo e Legal Aid Society of Hawaiʻi.
Ki he fakamatala fakamuimu taha fekauʻaki mo e ngaahi ngāue fakaakeake meí he vela vao ʻi Mauí, vakai ki he mauicounty.gov, mauirecovers.org mo e fema.gov/disaster/4724. Muimuiʻi ʻa e FEMA ʻi he mītia sōsialé: @FEMARegion9 mo e facebook.com/fema.