HONOLULU – Emaron walok abnõnõ ko ikijen kakien jejab kātmāne ālikin juon jorrāān kauwõtata eo emaron kakkure kajojo armij im baamle ko.Ñe kwõj loe ewõr abnõnõ ko ikijen kakien rej walok jen kijeek ko relablok ilo kar Okwoj ilo Maui , kwõmaron bõke melele in rõjañ jen loar.
Ewõr Jibañ in Loar ikijen Jorrāān Kauwõtata ñan lillap im lollap ro edik kolla ko aer im armij ro jet remojno im rekkar ioon jorrāān jen kõto im jorrāān kauwõtata im rejab maron kolla wonnen juon aer make loar.
Kwõmaron kall ae lain ko ejellok wonnen kall an Legal Aid Society of Hawaiʻi ilo 808-536-4302 or 800-499-4302. Ebellok lain ko jen 9 awa jibbon ñan 11:30 awa jibbon im 1 awa raelap ñan 3:30 awa raelap Mande ñan Bolaide.
Ro rej kall ae lain in jibañ eo remaron ebõk jibañ ikijen abnõnõ in kakien ko ekoba:
- FEMA, U.S. Small Business Administration (Opij eo ej jibañ benej jidik ko ilo Amedka) im jikin ko jet rej lelok jibañ in jāān jen kien ekoba Supplemental Nutrition Assistance Program (Burokraam eo ej Jibañ kin Mõñā, SNAP) im kin an bõjrak jerbal kin jorrāān kauwõtata.
- claim ko ñan injuran
- koontoreak ko ñan kõmmane jorrāān ko ilo imõn jokwe im claim ko ñan injuran
- lablok in wonnen mweiuk ko, koot, ak koote melele ko an armij
- jab kolla loon in em im abnõnõ ko ikijen wia em ko emõj wia
- abnõnõ ko ikõtaan landlord/armij ro rej reen
- kõkkāāl peba in kallimur im peba ko jet raurok rejako jen kijeek ko
- maron deloñ ñan burokraam ko an federal, state, im jukjukinbed rej jibañ ikijen jorrāān kauwõtata ñan ro ewõr aer utamwe.
Jikin ko rej koba in jibañ ilo lain in kall ko remaron jibañ kin aoleb wāween ko, ekoba ilo wāween ko jemlok eo emaron wõr wonnen loar ak tõbrak juon jāān. Kwõmaron bõk melele in rõjañ ko jen loar ejellok wonnen online ilo https://hawaii.freelegalanswers.org/.
Burokraam eo ej Jibañ ikijen Loar kin Jorrāān Kauwõtata ej juon jibañ eo rej lelok ilo aer jerbal ibben FEMA, American Bar Association Young Lawyers Division, Hawaiʻi State Bar Association, im Legal Aid Society of Hawaiʻi.
Ñan melele ko rekāāl tata kin wāween kõmadmõd ko ñan jibañ kijeek ko relab ilo Maui, lale mauicounty.gov,mauirecovers.org im fema.gov/disaster/4724. Loore FEMA ilo social media: @FEMARegion9 im facebook.com/fema.