HONOLULU – Aramas kin pil kak lelehng nan kahpwal me pid kosonned. Ma komwi de omw peneinei lelehng nan kahpwal me pid kosonned mwurin siniei me wiawi Maui ni August, mie sawas en peneu de kaweid.
Sawas en kahpwal pwukat oahng me low-income, me mah oh pil oahng koaros me iang lelehng nan kahpwal pwehki siniei o oh sohte kak pwain neirail sounsawas (lawyer).
Komw kak call Legal Aid Society en Hawaiʻi ni delepwohn nempe 808-536-4302 de 800-499-4302. Delepwohn kat open sang kiloak Duwahu nimenseng (9 a.m.) lel Eisek ehu elep nimenseng (11:30 a.m.) oh kiloak Ehu mwurin souwas (1 p.m.) lel Siluh elep mwurin souwas (3:30 p.m.) Niehd lel Nialem.
Koaros me call nempehn delepwohn ka pahn kak iang ale sawas mah re lelehng nan kahpwal me pid:
- FEMA, U.S. Small Business Administration oh ekei wasahn sawas kan iei soangen Supplemental Nutrition Assistance Program (SNAP) oh pil me sohla doadoahk.
- Claim oahng insurance
- Contract me pid home repair oh insurance claim en sahpw
- Pweilaud la pweinen mwonge de dipsou
- Apwal en mortgage-foreclosure oh home-ownership
- Apwal me pid landlord de tenant
- Wiliali en wil oh ekei daropwe kesempwal me ohla
- Me pid disability pahn federal, state oh ekei local disaster programs.
Hotline partners sohte kak sewesehda soangen kahpwal koaros mehlel me mie legal fees de pweipwei en mwohni. Oahng kaweid de peneu me sohte pweipwei, komw kak kohla ni site https://hawaii.freelegalanswers.org/.
Disaster Legal Services program iei wasahn sawas me partner ehng FEMA, American Bar Association Young Lawyers Division, Hawaiʻi State Bar Association, oh Legal Aid Society of Hawaiʻi.
Oahng rongkapw me pid sawas oahng siniei me wiawi Maui, komw kak visit site mauicounty.gov, mauirecovers.org oh fema.gov/disaster/4724. Iretik en FEMA pil mie nan: @FEMARegion9 oh facebook.com/fema.