Ngaahi Fanongo Talanoa Angamaheni felāve’i mo e Fakatamaki

‘Oku fa’a lahi ‘a e ngaahi fanongo talanoa mo e kākā ‘oku sasala ‘i he hili ‘o ha fakatamaki. Fai ho’o Fatongiá ke ta’ofi ‘a e mafola ‘o e ngaahi talanoa ni ‘i ho’o fakahoko ‘a e ngaahi me’a faingofua ‘e tolu ko eni:

  1. Kumi ha ma’unga tala ‘oku falala’anga. 
  2. Vahevahe ‘a e ngaahi fakamatala mei he ngaahi ma’unga tala falala’anga.

Fakalotosi’i’i ‘a e kakai kehé ‘i hono vahevahe ‘a e ngaahi fakamatala mei he ngaahi ma’unga tala ta’efalala’angá.

Ngaahi Fanongo Talanoa

Fanongo Talanoa: Teu ma’u mai ‘a e totongi fakafoki ‘o ‘eku ngaahi fakamole ki he nofo’angá ‘i he taimi pē ko iá.

‘Oku ‘ikai ke mo’oni eni. ‘E kehekehe pē ‘a e taimi ‘e ma’u atu aí koe’uhi ko hono toe siofi takitaha ‘o e ngaahi kolé. Fakatātā ‘aki eni, ‘e lōloa ange ‘a e tali ki he totongi fakafoki ‘okapau ‘e hoko ha fakatamaki lahi pea tokolahi ‘a e kau kolé.

Fanongo Talanoa: Kapau ‘oku ‘i ai ha’a ku malu’i, ‘e ‘ikai lava ke totongi fakafoki mai ‘eku ngaahi fakamole ki he nofo’angá.

‘Oku ‘i ai ‘a e ngaahi makatu’unga. ‘Oku ‘ikai ke lava ‘e he FEMA ‘o liunga ua ha tokoni ‘o ha malu’i ‘o fakatatau ki he lao. Kapau ‘oku ‘ikai ke fua kotoa ‘e he malu’í ‘a e ngaahi fakamole ki ho’o nofo’angá lolotonga ha fakatamaki, ‘e malava pē ke ke kau ki hono totongi fakafokí.

Fanongo Talanoa: ‘E lava ke totongi fakafoki mai ‘e he FEMA ‘a e ngaahi fakamole ki he mnofo’anga ‘okapau teu mavahe mei hoku ‘api nofo’anga tu’uma’u.

‘E malava ke totongi fakafoki ‘e he FEMA ‘a e ngaahi fakamole nofo’anga ‘oku totongi ‘e he tokotaha pe fāmili ‘o ‘ikai kau hono totongi ‘e he malu’í. Kuopau ke hoko ‘a e ‘api nofo’anga tu’uma’u ‘o ha ‘api ‘o ‘ikai lava ke fai ha mo’ui ai pe ‘i he tu’unga faingata’a e a’u ki ai, kae toki kau ‘i he totongi ni.

Tauhi ‘a e ngaahi tatau ho’o ngaahi tali totongi ke toki faile fakataha mo ho’o kole tokoni fakatamaki.

Last updated
Return to top