ສູນຟື້ນຟູໄພພິບັດເປັນສູນບໍລິການຄົບວົງຈອນທີ່ຜູ້ລອດຊີວິດຈາກໄພພິບັດສາມາດຮັບເອົາຂໍ້ມູນແລະຄຳແນະນຳກ່ຽວກັບຊຸມຊົນ, ໜ່ວຍງານຕ່າງໆຂອງ ລັດ ແລະລັດຖະບານກາງ ແລະການຊ່ວຍເຫຼືອຕ່າງໆທີ່ມີຢູ່. ເປັນສູນທີ່ທຸກຄົນສາມາດເຂົ້າເຖິງໄດ້, ລວມທັງຜູ້ພິການ ແລະ ຜູ້ທີ່ມີຄວາມຕ້ອງການເລື່ອງການເຂົ້າເຖິງສະຖານທີ່ແລະຜູ້ມີບັນຫາດ້ານການເຄື່ອນໄຫວອື່ນໆ.
ສູນຟື້ນຟູໄພພິບັດ, ທີ່ເລີ່ມເປີດວັນທີ 16 ເມສາ, ມີຜູ້ຊ່ຽວຊານຂອງ FEMA ທີ່ໄດ້ຮັບການຝຶກແອບ ພ້ອມກັບຜູ້ຕ່າງໜ້າຈາກໜ່ວຍງານຕ່າງໆຈາກລັດເທນເນສຊີ ແລະ ຫ້ອງການບໍລິຫານຈັດການທຸລະກິດຂະໜາດນ້ອຍ.
ຜູ້ຊ່ວຍຊານເຫຼົ່ານີ້ຈະສາມາດອະທິບາຍຂໍ້ມູນຂອງ FEMA ຫຼື ໜ່ວຍງານອື່ນໆໄດ້ຢ່າງກະຈ່າງແຈ້ງ; ເຂົາເຈົ້າສາມາດອະທິບາຍຄວາມຊ່ວຍເຫຼືອດ້ານການເຊົ່າທີ່ມີຢູ່ສຳລັບຜູ້ເປັນເຈົ້າຂອງເຮືອນແລະຜູ້ເຊົ່າເຮືອນ; ເຂົາເຈົ້າສາມາດສົ່ງເອກະສານຂອງທ່ານໄປຍັງສູນດຳເນີນການຂອງ FEMA; ແລະເຂົາເຈົ້າສາມາດສະແກນແລະກ້ອບປີ້ຂໍ້ມູນໃໝ່ ຫຼື ເອກະສານຕ່າງໆທີ່ຈຳເປັນສຳລັບການດຳເນີນເລື່ອງ. ທ່ານສາມາດໄປຢາມສູນຟື້ນຟູໄພພິບັດໃດກໍໄດ້ໂດຍບໍ່ຈຳເປັນຕ້ອງນັດໝາຍກ່ອນ.
ຜູ້ທີ່ມາຢາມສູນຟື້ນຟູໄພພິບັດສາມາດຕິດຕໍ່ກັບໜ່ວຍງານອື່ນໆເພື່ອຂໍຊ່ວຍເລື່ອງຄວາມຕ້ອງການແບບເລັ່ງດ່ວນ (ເຊັ່ນ ການເອົາເສດຂີ້ເຫຍື່ອທີ່ມາຈາກພາຍຸ, ຊັບສິນທີ່ເສຍຫາຍ, ແລະວັດສະດຸການກໍ່ສ້າງ ແລະ ອື່ນໆໄປຖິ້ມ). ຜູ້ຊ່ຽວຊານທີ່ສູນຟື້ນຟູນີ້ຍັງສາມາດຊ່ວຍຜູ້ລອດຊີວິດເລືອກເບິ່ງໂຄງການຟື້ນຟູຕ່າງໆ ແລະ ເລື່ອງກ່ຽວກັບການປະກັນໄພ.
ຜູ້ຕາງໜ້າຂອງ SBA ສາມາດໃຫ້ຂໍ້ມູນກ່ຽວກັບໂຄງການ ແລະ ອະທິບາຍວິທີການສະໝັກຂໍກູ້ຢືມເງິນດອກເບ້ຍຕ່ຳຂອງ SBA ສຳລັບເຈົ້າຂອງເຮືອນ, ຜູ້ເຊົ່າເຮືອນ, ທຸລະກິດ ແລະ ອົງການທີ່ບໍ່ຫວັງຜົນກຳໄລຕ່າງໆ.
ສຸນຟື້ນຟູໄພພິບັດທັງໝົດໃຫ້ຄົນພິການນັ່ງລົດລໍ້ເຂົ້າເຖິງໄດ້. ອຸປະກອນເຕັກໂນໂລຊີທີ່ໃຫ້ຄວາມຊ່ວຍເຫຼືອຊ່ວຍໃຫ້ຜູ້ທີລອດຊີວິດສາມາດຕິດຕໍ່ກັບເຈົ້າໜ້າທີ່ໄດ້. ມີການແປພາສາທາງວີດີໂອທາງໄກ ແລະ ແປພາສາມືພ້ອມ ຖ້າທ່ານຂໍນາຍແປພາສາ. ສູນຕ່າງໆນີ້ຍັງມີບ່ອນຈອດລົດ, ທາງລາດ ແລະຫ້ອງນ້ຳສຳລັບຜູ້ພິການ.
ຂ້າງລຸ່ມນີ້ແມ່ນເວລາແລະສະຖານທີ່ຕັ້ງຂອງສຸນຟື້ນຟູໄພພິບັດທັງໝົດທີ່ເປີດໃຫ້ບໍລິການ:
|
ສູນໄພພິບັດໃນແຕ່ລະເຄົາຕີ້ |
ທີ່ຢູ່ |
ເວລາປະຕິບັດການ/ວັນທຳການ (ຕາມເວລາຂອງ Central Daylight) |
|
Cannon |
East Side Elementary School 5658 McMinnville Highway Woodbury, TN 37190 |
ເປີດແລ້ວ ວັນສຸກ, ເມສາທີ 21 ເວລາ: 7 a.m. ຫາ 7 p.m. ວັນຈັນ ຫາ ວັນເສົາ
|
|
McNairy |
The Latta Theater 205 W. Court Avenue Selmer, TN 38375 |
ເປີດແລ້ວ ວັນອັງຄານ, ເມສາທີ 18 ເວລາ: 7 a.m. ຫາ 7 p.m. ວັນຈັນ ຫາ ວັນເສົາ
|
|
Tipton |
Dyersburg State Community College Public Library 3149 Highway 51 South Covington, TN 38019 |
ເປີດແລ້ວ ວັນອາທິດ, ເມສາທີ 16 ເວລາ: 7 a.m. ຫາ 7 p.m. ວັນຈັນ ຫາ ວັນເສົາ
|
|
Wayne |
Lincoln Brass Works 309 Hurricane Meadows Drive Waynesboro, TN 38485 |
ເປີດແລ້ວ ວັນເສົາ, ເມສາທີ 22 ເວລາ: 7 a.m. ຫາ 7 p.m. ວັນຈັນ ຫາ ວັນເສົາ
|
|
ສູນໄພພິບັດເຄື່ອນທີໃນແຕ່ລະເຄົາຕີ້ |
ທີ່ຢູ່ |
ເວລາປະຕິບັດການ/ວັນທຳການ (ຕາມເວລາຂອງ Central Daylight) |
|
Hardeman |
Pleasant Grove Baptist Church 4050 Lake Hardeman Road Saulsbury, TN 38067 |
ເປີດ: ວັນພະຫັດ, ເມສາທີ 27 – ວັນອາທິດ, ເມສາທີ 30 ເວລາ: 8 a.m. ຫາ 7 p.m. ສຳລັບວັນສຸກ ແລະ ວັນເສົາ 1 p.m. ຫາ 7 p.m. ສຳລັບວັນອາທິດ |
|
Hardin |
Crump Fire Hall 3020 Highway 64 Crump, TN 38327 |
ເປີດ: ວັນພະຫັດ, ເມສາທີ 27 – ວັນອາທິດ, ເມສາທີ 30 ເວລາ: 8 a.m. ຫາ 7 p.m. ສຳລັບວັນສຸກ ແລະ ວັນເສົາ 1 p.m. ຫາ 7 p.m. ສຳລັບວັນອາທິດ |
|
Macon |
Macon County Emergency Communications District 898 Highway 52 By Pass East Lafayette, TN 37083 |
ເປີດ: ວັນພະຫັດ, ເມສາທີ 27 – ວັນອາທິດ, ເມສາທີ 30 ເວລາ: 8 a.m. ຫາ 7 p.m. ສຳລັບວັນສຸກ ແລະ ວັນເສົາ 1 p.m. ຫາ 7 p.m. ສຳລັບວັນອາທິດ |
ຫຼັງຈາກທີ່ສູນຟື້ນຟູໄພພິບັດປິດໄປແລ້ວ, ຜູ້ທີ່ຍັງຕ້ອງການໄດ້ຮັບຄວາມຊ່ວຍເຫຼືອຈາກ FEMA ຢູ່ສາມາດຮັບເອົາຂໍ້ມູນການຟື້ນຟູທີ່ມີຢູ່ໄດ້. ໂທຫາສາຍໃຫ້ຄວາມຊ່ວຍເຫຼືອ (Helpline) ຂອງ FEMA ທີ່ເບີ 800-621-3362.
ທ່ານຍັງສາມາດສະໝັກຂໍການຊ່ວຍເຫຼືອຈາກ FEMA ໄດ້ທີ່ DisasterAssistance.gov, ໃຫ້ໃຊ້ FEMA mobile app ຫຼືໂທຫາສາຍໃຫ້ຄວາມຊ່ວຍເຫຼືອ (Helpline) ຊຶ່ງເປີດບໍລິການຈາກ 6 ໂມງເຊົ້າ ຫາ ທ່ຽງຄືນ ຕາມເວລາຂອງ Central Daylight ທຸກວັນ.
ສຳລັບຂໍ້ມູນຫຼ້າສຸດກ່ຽວກັບການຟື້ນຟູລັດເທນເນສຊີຈາກພາຍຸທີ່ຮຸນແຮງ, ລົມທີ່ພັດເປັນເສັ້ນກົງ ແລະພາຍຸທໍນາໂດ, ທ່ານສາມາດເບິ່ງຂໍ້ມູນໄດ້ທີ່ FEMA.gov/Disaster/4701. ທ່ານຍັງສາມາດຕິດຕາມໄດ້ທີ່ TN.gov/TEMA; Twitter.com/TEMA, Facebook.com/TNDisasterInfo, @FEMARegion4/Twitter ແລະ Facebook.com/FEMA.