LOS ANGELES - គិតត្រឹមថ្ងៃទី 25 ខែមីនា ពោលគឺត្រឹមតែជាងពីរខែប៉ុណ្ណោះចាប់តាំងពីភ្លើងឆេះព្រៃនៅខោនធី Los Angeles ត្រូវបានប្រកាសថាជាគ្រោះមហន្តរាយដ៏ធំមួយដោយប្រធានាធិបតី, FEMA និងដៃគូសហព័ន្ធរបស់ខ្លួនរកប្រាក់បានជាង $2 ប៊ីលានដុល្លារសម្រាប់អ្នករស់រានមានជីវិតពីគ្រោះមហន្តរាយ។
ជំនួយសហព័ន្ធដល់ម្ចាស់ផ្ទះ អ្នកជួល និងអាជីវកម្មដែលមានសិទ្ធិក្នុងទម្រង់ជាជំនួយ FEMA និងប្រាក់កម្ចីគ្រោះមហន្តរាយ SBA ដែលមានការប្រាក់ទាបបានកើនឡើងដល់ $2 ប៊ីលានដុល្លារ។ ទឹកប្រាក់នោះរួមមាន៖
- ទឹកប្រាក់ $101 លានដុល្លារនៅក្នុងការសាងសង់លំនៅដ្ឋាន FEMA និងជំនួយដែលត្រូវការផ្សេងទៀត។
- មានការផ្តល់ជូនប្រាក់កម្ចីទិញផ្ទះ និងអាជីវកម្មពី SBA ចំនួន $2 ប៊ីលានដុល្លារដែលជាប្រភពដ៏ធំបំផុតនៃមូលនិធិសង្គ្រោះគ្រោះមហន្តរាយសហព័ន្ធសម្រាប់ម្ចាស់ផ្ទះ អ្នកជួលផ្ទះ អាជីវកម្ម និងអង្គការមិនរកប្រាក់ចំណេញមួយចំនួន។
មានគ្រួសារចំនួន 31,941 ត្រូវបានអនុម័តសម្រាប់មូលនិធិ FEMA រួមមាន៖
- ទឹកប្រាក់ចំនួន $24,316,400 ដុល្លារ ជាជំនួយជួលរយៈពេលខ្លី និងថ្លៃជួសជុលផ្ទះ
- ទឹកប្រាក់ចំនួន $76,431,025 ដុល្លារ ជាតម្រូវការដែលទាក់ទងនឹងគ្រោះមហន្តរាយសំខាន់ៗផ្សេងទៀត ដូចជាការចំណាយទាក់ទងនឹងវេជ្ជសាស្ត្រ ធ្មេញ និងទ្រព្យសម្បត្តិផ្ទាល់ខ្លួនដែលបាត់បង់។
- មជ្ឈមណ្ឌលសង្គ្រោះគ្រោះមហន្តរាយ ចំនួនពីរនៅតែបើកនៅ UCLA Research Park និង Altadena Recovery Center ។ សរុបមក មជ្ឈមណ្ឌលបានចុះឈ្មោះអ្នកនៅរស់រានមានជីវិតចំនួន 32,511 នាក់ ។ នៅមជ្ឈមណ្ឌល អ្នករស់នៅក្នុងតំបន់អាចនិយាយដោយផ្ទាល់ជាមួយអ្នកតំណាងមកពីកម្មវិធីសហព័ន្ធ និងរដ្ឋ កាកបាទក្រហមអាមេរិក និងអង្គការមិនរកប្រាក់ចំណេញ និងក្រុមសហគមន៍ផ្សេងៗ។
ក្នុងភាពជាដៃគូជាមួយរដ្ឋCalifornia Los Angeles County និងមន្ត្រីក្នុងតំបន់ FEMA នឹងបន្តជួយបុគ្គល និងក្រុមគ្រួសាររស់នៅក្នុងរដ្ឋ California ឱ្យវិលមករកភាពរឹងមាំឡើងវិញ និងចាប់ផ្តើមការស្តារឡើងវិញរបស់ពួកគេ។
ថ្ងៃផុតកំណត់នៃការដាក់ពាក្យសុំជំនួយ FEMA និងគ្រោះមហន្តរាយ SBA គឺនៅថ្ងៃទី 31 ខែមីនា ឆ្នាំ 2025។
របៀបពាក្យស្នើសុំជំនួយបុគ្គល FEMA ៖
- អ៊ិនធឺណិតនៅលើ DisasterAssistance.gov។
- នៅលើអាប់ផ្លីខេសិន FEMA។
- តាមរយៈការតេទូរស័ព្ទទោកាន់ផ្នែកជួយ 1-800-621-3362. ប្រសិនបើអ្នកប្រើសេវាបញ្ជូនត សូមផ្តល់លេខទូរស័ព្ទរបស់អ្នកមកខាង FEMAសម្រាប់ប្រើប្រាស់សេវាកម្មនោះ។ មានជំនួយសម្រាប់ភាសាជាច្រើន។ លេខទូរស័ព្ទបើកពីថ្ងៃអាទិត្យដល់ថ្ងៃសៅរ៍ ចាប់ពីម៉ោង 4 អង្គរស៍រ ដល់ 10 យប់ ម៉ោងប៉ាស៊ីហ្វិក។
- នៅ មជ្ឈមណ្ឌលស្តារឡើងវិញពីគ្រោះមហន្តរាយ (DRC)។ ដើម្បីកំណត់ទីតាំង DRC ដែលនៅជិតអ្នក សូមចូលទៅកាន់ DRC Locator
សម្រាប់វីដេអូភាសាសញ្ញាអាមេរិកស្តីពីវិធីដាក់ពាក្យស្នើសុំ សូមទស្សនា FEMA Accessible: បីវិធីដើម្បីចុះឈ្មោះសម្រាប់ជំនួយគ្រោះមហន្តរាយរបស់ FEMA
ដាក់ពាក្យស្នើសុំឥណទានគ្រោះមហន្តរាយអត្រាការប្រាក់ទាបពី SBA៖
- តាមអ៊ីនធឺណិតនៅ sba.gov/disaster
- ដោយហៅទៅកាន់លេខកោះហៅក្រុមសេវាកម្មអតិថិជនរបស់ SBA តាម 800-659-2955។ អ្នកដែលធ្វឺងធ្វង់, មានបញ្ហាស្តាប់ ឬមានភាពពិការនៃការនិយាយ អាចតាមដានសេវាបញ្ជូនសារតាម 711។
- ដោយផ្ញើអ៊ីមែលទៅកាន់ DisasterCustomerService@sba.gov
- នៅមជ្ឈមណ្ឌលស្តារឡើងវិញពីគ្រោះមហន្តរាយ ឬមជ្ឈមណ្ឌលស្តារឡើងវិញសម្រាប់អាជីវកម្មដែលអ្នកអាចដាក់ពាក្យសុំដែលបានបំពេញរួចនៅទីតាំងទាំងនោះ ឬតំណាង SBA អាចជួយអ្នករៀបចំការដាក់ពាក្យ។ ដើម្បីស្វែងរក BRC ដែលនៅក្បែរអ្នក សូមចូលទៅកាន់ Appointment.sba.gov។
- ការដាក់ពាក្យស្នើសុំឥណទានគ្រោះមហន្តរាយអាចដាក់ស្នើតាមអ៊ីនធឺណិតដោយប្រើ MySBA Loan Portal នៅ https://lending.sba.gov ឬតាមទីតាំងផ្សេងៗដែលបានប្រកាសក្នុងតំបន់។
តាមដាន FEMA តាមអនឡាញនៅលើ X @FEMA ឬ @FEMAEspanol នៅលើទំព័រ Facebook របស់ FEMA ឬទំព័រ Espanol និងនៅតាមគណនី YouTube របស់ FEMA។ សម្រាប់ព័ត៌មានអំពីការត្រៀមខ្លួន សូមតាមដាន Ready Campaign នៅលើ X @Ready.gov, នៅលើ Instagram @Ready.gov ឬនៅលើទំព័រ Ready Facebook។
រដ្ឋកាលីហ្វ័រញ៉ាប្តេជ្ញាចិត្តគាំទ្រអ្នករស់នៅក្នុងតំបន់ដែលរងផលប៉ះពាល់ដោយព្យុះភ្លើងឆេះព្រៃនៅទីក្រុង Los Angeles ខណៈពេលដែលពួកគេស្វែងរកដំណើរការស្តារឡើងវិញ។ សូមចូលទៅកាន់ CA.gov/LAFires សម្រាប់ព័ត៌មានថ្មីៗស្តីពីស្តារឡើងវិញនៃសង្គ្រោះគ្រោះមហន្តរាយ ថ្ងៃផុតកំណត់សំខាន់ៗ និងរបៀបដាក់ពាក្យសុំជំនួយ។