តើខ្ញុំអាចទទួលបានជំនួយ FEMA ប្រសិនបើខ្ញុំមានការធានារ៉ាប់រងដែរឬទេ?

FEMA មិនអាចផ្តល់អត្ថប្រយោជន៍ស្ទួនដោយការផ្តល់រង្វាន់សម្រាប់មូលនិធិសង្គ្រោះដែលបានផ្តល់រួចហើយដោយការធានារ៉ាប់រងទេ។ ប៉ុន្តែប្រសិនបើការធានារ៉ាប់រងមិនគ្របដណ្តប់ទាំងស្រុងលើការចំណាយលើការស្តារឡើងវិញ FEMA ប្រហែលជាអាចជួយបាន។ 

ខ្ញុំមានការធានារ៉ាប់រង ហើយបានទទួលលិខិតបដិសេធពី FEMA៖

ប្រសិនបើអ្នកបានបញ្ជាក់នៅលើពាក្យសុំរបស់អ្នក ថាអ្នកមានការធានារ៉ាប់រង FEMA អាចនឹងផ្ញើលិខិតកំណត់ដែលបង្ហាញថាអ្នកមិនមានសិទ្ធិទទួលបានជំនួយដោយសារតែការធានារ៉ាប់រងរបស់អ្នក។ សូមបញ្ជាក់អោយប្រាកដថាអ្នកបានអានសំបុត្រទាំងមូល ដើម្បីបញ្ជាក់ពីមូលហេតុនៃការបដិសេធ ឬការសម្រេចចិត្ត។ ក្នុងករណីជាច្រើន ហេតុផលជាញឹកញាប់ដោយសារតែ FEMA មិនអាចផ្តល់អត្ថប្រយោជន៍ស្ទួនលើអត្ថប្រយោជន៍របស់ធានារ៉ាប់រងបានទេ។

តើខ្ញុំគួរធ្វើដូចម្តេច ប្រសិនបើការធានារ៉ាប់រងសងលើការខាតបង់មួយចំនួន ឬគ្មានសំណងសម្រាប់ការខូចខាតរបស់ខ្ញុំ?

• ប្រសិនបើអ្នកនៅតែត្រូវការជំនួយ អ្នកអាចផ្ញើច្បាប់ចម្លងឯកសារពីក្រុមហ៊ុនធានារ៉ាប់រងរបស់អ្នក ដែលបង្ហាញពីការខូចខាត ឬការចំណាយលើការធានារ៉ាប់រងរបស់អ្នក មកកាន់FEMA ។  FEMA ប្រហែលជាអាចជួយជាមួយនឹងការចំណាយដែលការធានារ៉ាប់រងរបស់អ្នកមិនគ្របដណ្តប់។
  • ដើម្បីផ្ញើរឯកសារ អ្នកអាចចូលទៅកាន់ មជ្ឈមណ្ឌលសង្គ្រោះគ្រោះមហន្តរាយ ឬចូលទៅកាន់គេហទំព័រ disasterassistance.gov
• ឯកសាររួមបញ្ចូលប៉ុន្តែមិនកំណត់ចំពោះលិខិតទូទាត់ពីការធានារ៉ាប់រងរបស់អ្នក របាយការណ៍អត្ថប្រយោជន៍ ឬច្បាប់ចម្លងនៃប័ណ្ឌធានារ៉ាប់រង។
• FEMA អាចផ្តល់ប្រាក់ដើម្បីជួយបំពេញតម្រូវការភ្លាមៗរបស់អ្នកដាក់ពាក្យ នៅពេលដែលអត្ថប្រយោជន៍ធានារ៉ាប់រងរបស់អ្នក ត្រូវបានពន្យារពេលរយៈពេល 30 ថ្ងៃ ឬច្រើនជាងនេះ ដែលមិនមែនជាគ្មានកំហុសរបស់អ្នកដោយផ្ទាល់ឡើយ។
• ប្រសិនបើលោកអ្នកទទួលទទួលបានការទូទាត់ធានារ៉ាប់រង ដែលស្ថិតលើការចំណាយដូចគ្នានោះ លោកអ្នកត្រូវតែសងវិញនូវជំនួយពីរដ្ឋាភិបាលដែលអ្នកបានទទួល។