ST. PAUL – FEMA ဟ့ၣ်ဘၣ်၀ဲ တၢ်မၤစၢၤအတကွီၣ်လဲၢ်ဆူပှၤတဖၣ်လၢဘၣ်ဒိဘၣ်ထံးဖဲ ဘါယူၤ 16 သီ - လါယူၤလံ 4 သီ လၢကလံၤမုၢ်တြီၤဒီးထံဘျၢတၢ် နးနးကလဲာ် အဂီၢ်န့ၣ်လီၤႋ ဟံၣ်ကစၢ်တဖၣ်ဒီးပှၤအိၣ်လဲဟံၣ်တဖၣ် လၢ Blue Earth, Cook, Cottonwood, Faribault, Freeborn, Goodhue, Itasca, Jackson, Lake, Le Sueur, Mower, Nicollet, Nobles, Rice, Rock, St. Louis, Steele, Waseca, ဒီး Watonwan ကီၢ်ရ့ၣ်အပူၤ လၢတူၢ်ဘၣ်တၢ်ဟးဂီၤတဖၣ် ဟ့ၣ်ဂံၢ်ဟ့ၣ်ဘါအီၤလၢကပတံထီၣ်၀ဲဒၣ်န့ၣ်လီၤႋ
FEMA ဟ့ၣ်မၤစၢၤ ကျိၣ်စ့ဂ့ၢ်၀ီလၢပှၤပတံထီၣ်တၢ်တဖၣ်လၢကြၢး၀ဲဘၣ်၀ဲ ဒ်သိးကဟ့ၣ်စၢၤတၢ်ဘူးတၢ်လဲလၢတၢ်အိၣ်ဆိးတစိၢ်တလီၢ်အဂီၢ်, ဘှီထီၣ်ဟံၣ်ဒီးတၢ်လိၣ်ဘၣ်လၢအဂၤတဖၣ်လၢတအိၣ်လၢတၢ်အုၣ်ကီးအပူၤဘၣ်လီၤ. FEMA တၢ်တိစၢၤမၤစၢၤ အိၣ်ဒီးအဆၢပနီၣ်ထဲလၢ ဂံၢ်ခီၣ်ထံးဟံၣ်ဃီတဖၣ်အဂီၢ် မ့တမ့ၢ် ထဲတၢ်လီၢ်လၢနအိၣ်ဆိးဘၣ်အပူၤ အါန့ၢ်ဃုနံၣ်ဆူဖီခိၣ်အဂီၢ်န့ၣ်လီၤႋ ဟံၣ်ခံဖျၢၣ်တဖျၢၣ် ဟံၣ်အိၣ်ကသုၣ်ကသီ မ့တမ့ၢ် ဟံၣ်တၢ်စူးကါလၢတၢ်ဒိးငါအိၣ်ဘှံးကသုၣ်ကသီအဂီၢ်န့ၣ် အခွဲးတန့ၢ်လၢ FEMA တၢ်မၤစၢၤအဂီၢ်ဘၣ်န့ၣ်လီၤႋ
ကျိၣ်စ့တၢ်ဟ့ၣ်ခီဖျိ FEMA န့ၣ် တၢ်တဘၣ်ဟ့ၣ်ကဒါက့ၤအီၤဒီးပၣ်ဃုာ်ဒီး-
- တၢ်လိၣ်ဘၣ်နီၢ်နီၢ်- ကျိၣ်စ့လၢတၢ်မၤစၢၤပူၤဖျဲးသးသမူ ဒီး သးသမူတၢ်အိၣ်စံာ်အိၣ်ကျၢၤအတၢ်ဖိတၢ်လံၤတဖၣ် ပၣ်ဃုာ်ဒီး ထံ တၢ်အီၣ်တၢ်အီ တၢ်မၤစၢၤဆိပီးလီ ကသံၣ်ထံလဲ ဖိသၣ်တၢ်နုၢ်ထံ တၢ်ဒုးအီနုၢ်ထံအပီးလီတဖၣ် ဖိသၣ်ခံပး ကသံၣ်ကသီလၢတၢ်အီဘၣ်သ့ ဆူၣ်ချ့ဂ့ၢ်၀ီပီးလီ နီၢ်ကစၢ်တၢ်ကဆှဲကဆှီပီးလီတဖၣ် ဒီး ဂာ်သဟီၣ်လၢတၢ်၀ံစိာ်တီဆှၢအဂီၢ်န့ၣ်လီၤႋ
- တၢ်သုးလီၢ်သုးကျဲ- ကျိၣ်စ့လၢကမၤစၢၤလၢ ဟံၣ်ဃီတၢ်လိၣ်ဘၣ်တဖၣ် ဖဲနက့ၤဆူနဟံၣ်တသ့ လၢတၢ်တတၢာ်တနါအဃိ. နစူးကါကျိၣ်စ့အံၤသ့လၢ နကအိၣ်လၢဟိၣ်ထဲ(လ), ဃုာ်ဒီးဟံၣ်ဃီဒီးတံၤသကိးတဖၣ် မ့တမ့ၢ် တၢ်ဃုထၢအဂၤတဖၣ် ဖဲနကွၢ်ဃုတၢ်ဒိးလဲအိၣ်ဆိးလီၢ်အခါန့ၣ်လီၤ.
- တၢ်ဘှီက့ၤ မ့တမ့ၢ် တၢ်လဲလိာ်ဟံၣ်- ကျိၣ်စ့လၢကမၤစၢၤ မ့တမ့ၢ်လဲလိာ်နဟံၣ် လၢအဟးဂီၤခီဖျိတၢ်တတၢာ်တနါ. ကျိၣ်စ့အံၤ မၤစၢၤသ့စ့ၢ်ကီးလၢ နဟံၣ်တၢ်ဟးဂီၤလၢအိၣ်ပာ်စၢၤတဖၣ် ဖဲတၢ်တတၢာ်တနါ ဒုးအိၣ်ထီၣ်တၢ်ဟးဂီၤအဂၤတဖၣ်န့ၣ်လီၤ.
- တၢ်ဒိးလဲတၢ်တိစၢၤမၤစၢၤ- ကျိၣ်စ့လၢနစူးကါသ့ ဒ်သိးကဒိးလဲဟံၣ် ဖဲနမ့ၢ်ဘၣ်တၢ်သုးနလီၢ်နကျဲလၢနဟံၣ် ခီဖျိတၢ်တတၢာ်တနါအဃိ.
- နီၢ်ကစၢ်စုလီၢ်ခီၣ်ခိၣ်- ကျိၣ်စ့လၢကမၤစၢၤနၤ လၢတၢ်ဘှီက့ၤ မ့တမ့ၢ် တၢ်လဲလိာ်တၢ်ပီးတၢ်လီတဖၣ်, တၢ်ဘှီဂ့ၤထီၣ်က့ၤဒၢးပီးလီတဖၣ်, ဒီးနီၢ်ကစၢ် မ့တမ့ၢ် ဟံၣ်ဃီခီၣ်ဖၠူထၢၣ်လၢအဟးဂီၤ လၢတၢ်တတၢာ်တနါအဃိ. တၢ်အံၤပၣ်ဃုာ်သ့စ့ၢ်ကီး ကျိၣ်စ့လၢလံာ်, ကၠိတၢ်ကူတၢ်ကၤ, တၢ်ပီးတၢ်လီ, ခီၣ်ဖၠူထၢၣ်အဂၤတဖၣ် ဒီၤတၢ်ဖိတၢ်လံၤအဂၤလၢ အလိၣ်ဘၣ်လၢကၠိ မ့တမ့ၢ် တၢ်မၤ, ပၣ်ဃုာ်ဒီး နီၢ်ကစၢ်တၢ်မၤအဂီၢ်န့ၣ်လီၤ.
- တၢ်ကွၢ်ထွဲဖိသၣ်- ကျိၣ်စ့လၢကမၤစၢၤနၤ ဒ်သိးနကဟ့ၣ်အလဲလၢအအါထီၣ် မ့တမ့ၢ် တၢ်ကွၢ်ထွဲဖိသၣ်အဘူးအလဲတဖၣ် လၢအအိၣ်ထီၣ်လၢတၢ်တတၢာ်တနါအဃိ.
- တၢ်ဝံစိာ်တီဆှၢ- ကျိၣ်စ့လၢကမၤစၢၤနၤ ဒ်သိးနကဘှီက့ၤ မ့တမ့ၢ် လဲလိာ်သိလ့ၣ် လၢအဟးဂီၤလၢ တၢ်တတၢာ်တနါအဃိ ဖဲနတအိၣ်ဒီးသိလ့ၣ်အဂၤလၢနစူးကါသတ့အခါ.
- တၢ်သုးဒီးတၢ်ပာ်ကီၤတၢ်လၢာ်ဘူၣ်လၢာ်စ့ၤတဖၣ်- ကျိၣ်စ့လၢကမၤစၢၤနၤ ဒ်သိးနကသုးဒီးပာ်ကီၤနီၢ်ကစၢ်တၢ်ဖိတၢ်လံၤ လၢနဟံၣ် ဒ်သိးကတြီတၢ်ဟးဂီၤအဂၤတဖၣ်န့ၣ်လီၤႋ
ပတံထီၣ်တၢ်ဆူ FEMA
နမ့ၢ်အိၣ်ဒီးတၢ်အုၣ်ကီၤ နကြၢးတီၣ်ထီၣ်တၢ်အီၣ်လိးလၢအဆိအချ့န့ၣ်လီၤႋ FEMA မၤဒီကထြၢတၢ်န့ၢ်ဘျုးလၢ တၢ်လီၤမၢ်တဖၣလၢအုၣ်ကီၤသးခီဖျိတၢ်အုၣကီၤတသ့ဘၣ်န့ၣ်လီၤႋ နကျဲသနူမ့ၢ်တအုၣ်ကီၤမၤစၢၤ နတၢ်လၢာ်ဘူၣ်လၢာ်စ့လၢတၢ်တတၢၣ်တနါအဂီၢ်ဘၣ်န့ၣ် နခွဲးကန့ၢ်ဘၣ်လၢ ကီၢ်စၢဖှိၣ်တၢ်တိစၢၤၤစၢၤအဂီၢ်သ့၀ဲန့ၣ်လီၤႋ
ကပတံထီၣ်တၢ်ဆူ FEMA တၢ်တတၢာ်တနါတၢ်မၤစၢၤအဂီၢ် နလဲၤဆူဆဲးကျိးန့ၢ်တီၤလၢ DisasterAssistance.gov, ဒီးလိးဟံးန့ၢ် FEMA အဲး(ပ) လၢလီတဲစိအဂီၢ်, မ့တမ့ၢ်ကိးအပှ့ၤကလီဆူ 800-621-3362 တက့ၢ်. နမ့ၢ်စူးကါတၢ်ဆှၢခီတၢ်တိစၢၤမၤစၢၤ ဒ်အမ့ၢ် ဘံၢ်ဒံၢ်အိၣ်တၢ်ဆှၢခီတၢ်တိစၢၤမၤစၢၤ (VRS), ဘံၢ်ဒံၢ်အိၣ်လၢလံာ်ဖျါတၢ်တိစၢၤမၤစၢၤ မ့တမ့ၢ်အဂၤန့ၣ် ဟ့ၣ်လီၤနနီၣ်ဂံၢ်လၢ တၢ်တိစၢၤမၤစၢၤဝဲန့ၣ်အဂီၢ်ဆူ FEMA တက့ၢ်.
လၢကန့ၢ်တၢ်ဂ့ၢ်အါထီၣ်ဘၣ်ဃး တၢ်မၤဘၣ်လီၢ်ဘၣ်စးက့ၤ တၢ်တနၢာ်တနါ တၢ်ဖံးတၢ်မၤ လၢ Minnesota အပူၤအဂီၢ်န့ၣ် နုာ်လီၤကွၢ် www.fema.gov/disaster/4797 တက့ၢ်.