ST. PAUL – FEMA yuav muab ntau yam kev pab rau cov neeg uas tau txais kev cuam tshuam los ntawm cov cua daj cua dub thiab dej nyab loj heev huav Lub Rau Hlis Ntuj Tim 16 – Lub Xya Hlis Ntuj Tim 4 no. Cov tswv tsev thiab cov neeg xauj tsev hauv cov cheeb tsam nroog Blue Earth, Cook, Cottonwood, Faribault, Freeborn, Goodhue, Itasca, Jackson, Lake, Le Sueur, Mower, Nicollet, Nobles, Rice, Rock, St. Louis, Steele, Waseca, thiab Watonwan uas ntsib kev txom nyem los ntawm kev puas tsuaj yeej xav kom ua ntawv thov kev pab tuaj.
FEMA tuaj yeem muab nyiaj txiag rau cov neeg thov kev pab cuam rau kev pab cuam thaum muaj kev xav tau, Them rau tsev nyob ib ntus, Kev kho tsev thiab lwm yam kev ua xav tau qhov kev tuav pov hwm no yog tsis them. FEMA txoj kev pab tsuas muaj rau cov tsev tseem ceeb xwb, los sis qhov chaw uas koj tuaj nyob ntev tshaj rau lub hlis hauv ib xyoos xwb. Cov tsev thib ob, cov tsev tuaj nyob thaum lub caij so hauj lwm los sis cov tsev uas siv ua chaw xauj rau neeg tuaj nyob thaum lub caij so hauj lwm ntawd yuav tsis tsim nyog tau txais FEMA txoj kev pab cuam.
Cov nyiaj muab los ntawm FEMA tsis tas yuav them rov qab, thiab tej zaum yuav suav nrog:
- Kev Xav Tau Tiag: Cov nyiaj pab cawm txoj sia thiab khoom noj khoom haus cawm txoj sia, suav nrog dej haus, zaub mov, kev pab kho mob ua ntej, ntawv sau yuav tshuaj, cov mis hmoov rau me nyuam mos, cov khoom siv pub niam mis rau me nyuam, cov pawm, cov khoom siv kho mob siv txawj tag, cov cuab yeej kho mob ruaj khov, cov khoom siv ua kev nyiam huv ntiag tug thiab roj tsheb siv rau khiav mus los.
- Kev Rhais Chaw: Cov nyiaj pab them nqi tsev nyob yog tias koj tsis tuaj yeem rov qab mus tau tom koj tsev vim muaj kev puas tsuaj. Cov nyiaj no tuaj yeem siv hauv tsev so, nrog tsev neeg thiab phooj ywg los yog lwm yam kev xaiv Thaum koj tab tom nrhiav chav tsev.
- Tsev Kho los yog Hloov Kho: Cov nyiaj los pab koj kho los yog hloov koj lub tsev puas los ntawm kev puas tsuaj Cov nyiaj kuj tuaj yeem pab nrog kev puas tsuaj uas twb muaj lawm rau qee qhov ntawm koj lub tsev uas qhov kev puas tsuaj ua rau muaj kev puas tsuaj ntxiv.
- Kev pab xauj tsev: Cov nyiaj koj siv tau los xauj koj lub tsev yog tias koj tsiv tawm ntawm koj lub tsev vim muaj kev puas tsuaj.
- Cov Khoom Vaj Tse Ntiag Tug: Cov nyiaj pab kho los sis hloov pauv khoom siv, kho chav tsev kom zoo nkauj, thiab kev puas tsuaj rau lub khoos phis tawj ntiag tug los sis tsev neeg lub los ntawm kev puas tsuaj. Nws kuj tseem yuav suav nrog nyiaj rau cov phau ntawv ntxiv, khaub ncaws, cov cuab yeej, khoos phis tawj. thiab lwm yam khoom uas xav tau rau tsev kawm ntawv lossis chaw ua haujlwm suav nrog kev ua haujlwm rau tus kheej.
- Kev Saib Xyuas Menyuam Yaus: Cov nyiaj pab koj them cov nuj nqis ntxiv lossis cov nqi zov me nyuam uas tshwm sim los ntawm kev puas tsuaj.
- Kev Thauj Mus Los: Cov nyiaj pab koj kho lossis hloov lub tsheb puas tsuaj thaum koj tsis muaj lwm lub tsheb uas koj siv tau.
- Cov Nqi Rhais Khoom thiab Khaws Khoom: Nyiaj pab koj rhais thiab khaws cov khoom ntiag tug ntawm koj lub tsev kom tsis txhob muaj kev puas tsuaj ntxiv.
Kev Ua Ntawv Thov FEMA
Yog tias koj muaj kev tuav pov hwm, koj tsim nyog ua ntawv thov kev pab kom sai li sai tau. FEMA tsis tuaj yeem yuav muab cov txiaj ntsig kev pab los ntxiv tshooj rau cov kev puas tsuaj uas tau txais kev duav roos los ntawm kev tuav pov hwm tau lawm. Yog tias koj cov ntaub ntawv kev tuav pov hwm tsis duav roos tag nrho koj cov nuj nqis uas tshwm sim los ntawm kev puas tsuaj, tej zaum koj yuav muaj cai tau txais kev pab cuam los ntawm tsoom fwv teb chaws.
Txhawm rau thov FEMA kev pabcuam kev puas tsuaj, koj tuaj yeem mus online ntawm DisasterAssistance. gov, Rub lub FEMA App au cov khoom siv txawb, los yog hu rau tus xov tooj hu dawb 800-621-3362. Yog tias koj siv qhov kev pab cuam xa mus, xws li kev pab cuam vis dis aus relay (VRS), kev pab cuam kev hu xov tooj ua lus piav qhia los sis lwm yam kev pab cuam, muab qhov kev pab cuam ntawd tus xov tooj rau FEMA.
Yog xav paub ntau ntxiv thiab hais txog txoj hauj lwm pab txhim kho kev puas tsuaj kom rov qab zoo los li qub hauv Xeev Minnesota ces nkag mus saib hauv www.fema.gov/disaster/4797.