Agtultuloy ti panangibalay ti FEMA kadagiti nakalasat ti nakaro nga uram idi Agosto 8, 2023 babaen ti Direkta a Pabalay a Programa. Mangrugin inton Marso 1, 2025, makiddaw amin a nakalasat a naibalay babaen kadaytoy a programa nga agbayad ti upa. Maibasar ti upa iti Departamento ti Pabalay ken Urban Development’s Fair Market Rate para ti Maui ken saan nga agsurok wenno lumabes ti 30% iti pamastrekan ti agtagibalay. Ti gatad ti upa a dineterminar ti FEMA ket mabalin nga iyapela ti agtagibalay.
SUNGBAT KEN SALUDSOD: Kasapulan iti Panagbayad ti Upa
SALUDSOD: Inton kaanu a mangrugi a makiddaw nga agbayad ti upa dagiti partisipante ti Direkta a Pabalay?
SUNGBAT: Amin nga agtagibalay iti Direkta a Pabalay ket mangrugi nga agbayad ti upa iti FEMA inton Marso 1, 2025.
SALUDSOD: Inton kaanu a mapakaammoan dagiti agtagibalay seknan kadagiti kasapulan iti panangrugi ti panagbayad ti upa?
SUNGBAT: Makaawata dagiti agtagibalay ti 90-60-ken 30-aldaw a pakaammo kadakkuada seknan dagiti kasapulan iti panagupa a mangrugi inton Marso 1, 2025.
SALUDSOD: Kasanu ngarud nu saan ko kabaelan a bayadan ti upa?
SUNGBAT: Mairaman iti linaon ti surat ti impormasion nu kasanu nga agapela ken agkiddaw ti nababbaba a gatad ti upa.
SALUDSOD: Kasanu a madeterminar ti gatad ti upa?
SUNGBAT: Maibasar ti bayad wenno presio ti upa iti Department of Housing and Urban Developmemt ( HUD) 2025 Fair Market Rent wenno ti Departamento ti Pabalay ken Pagdur-asan ti ili iti Maui karaman ti abilidad ti agtagibalay nga agbayad.
HUD Portal wenno pagserlkan: FY 2025 Final Fair Market Rents Documentation System — Select Geography wenno FY 2025 Pinal a Sistema ti Dokumentasion ti Panagpaupa – Pilien ti Heograpia
SALUDSOD: Inton kaanu a makwenta ti bayad ti applikante ken ania ti impormasion a nakailanad iti kwenta ti bayad?
SUNGBAT: Makwenta ti bayad ti applikante inton Marso 1 ken kada maawatda a kwenta ti kada balay ket maipan ditoy nu manu ti nabulod, manu ti bayadan, ken inton kaanu panagngudo wenno maudi a panagbayad.
SALUDSOD KEN SUNGBAT: Proseso ti panagapela seknan ti bayad wenno gatad ti upa
SALUDSOD: Siasinno ti kasarita dagiti agtagibalay nu kasta nga adda dagiti saludsodda seknan kadagiti kasapulan ti panagupa ken ti proseso ti panagapela?
SUNGBAT: Maguyugoy dagiti agtagibalay ti direkta a pabalay a makisarita iti taga-bayabayda seknan ti sertipikasion nu adda dagiti saludsodda iti proseso ti panagapela ken nu ania ti kasapulan a dokumentasion ti maibilang para ti pannakaibaba ti upa.
SALUDSOD: Kasanu kaattiddog ti panangisubmitir dagiti agtagibalay ti apela para ti pannakaibaba ti upa?
SUNGBAT: Addaan ti 60 aldaw dagiti agtagibalay nga agapela para ti pannakaibaba ti upa manipud ti petsa ti pannakaaawat ti 30-aldaw a pakaammo a surat a mangibagbaga kanadakkuada dagiti kasapulan ti panagupa. Naiget a suhestion ti FEMA kadagiti agtagibalay nga insigida nga isubmitir dagiti apelada tapnu maiproseso dagiti kiddawda sakbay ti Marso 1 a rugi a petsa. Ti pannakaitantan ti panangi-submitir ti apela ket mabalin a rason ti panangibaybayag ti proseso ti pannaka-decision ti panagupa.
SALUDSOD: Kasanu nga agisubmitir ti apela tapnu maiplastar ti gatad wenno presio ti upa?
SUNGBAT: Nu agisubmitir ti apela, kasapulan nga ipalawag ti agtagibalay iti surat nu apay saanda kabaelan ti naibaga a renta ken iraman pay nga ikabil dagiti dokumento a mangsupsuporta kadagiti kasoda.
Iti surat ti panagapela, kasapulan nga idetalye ti agtagibalay dagiti gastosda, karaman ditoyen nabulod a kuarta para ti balay, buwis dagiti sanikua, insyurans ti agup-upa wenno akinkukua ti balay, ken dagiti dadduma a kasapulan kas koma ti kuriente, danum, gas, ken lana.
Dagiti maibilang a kasapulan a dokumento:
- Dagiti porma ti W-2 Pederal (wenno agdama a dokumento dagiti detalye ti panagbayd) para ti amin nga aguk-okupar nga addaan ti nasurok 18 tawenna
- Rekord ti agdama a nabulod a kuarta para ti balay wenno saritaan ti panagupa
- Kopia ti agdama a kwenta ti buwis dagiti sanikuka wenno nakasenlar a tseke
- Kopia ti agdama a bayad ti polisia ti insyurans wenno nakanselar a tseke
- Kopia dagiti kabiitan a bayad wenno dokumento ti transaksion ti panaggatang ti naduma duma man a klase a produkto iti nagbaetan ti aglaklako ken ti aggatang wenno aniaman a nakasenlar a tseke ti panagbayad ti aniaman a kagamitan
Nu saan a makasubmitir kadagiti napapateg a dokumento, saan a maibilang ti aguk-okupar ti pannakaibaba ti upana.
SALUDSOD: Ania ti mapasamak ti apela ti agtagibalay nu inkaso saan a maproseso daytoy iti petsa Marso 1, 2025?
SUNGBAT: Iti daytoy a kaso, dagiti agtagibalay nga agur-uray ti pinal a desision iti gatad wenno balor ti upada ket makiddaw nga agbayad ti buo a gatad wenno balar ti upa aginggana maiparuk-at wenno maaramid ti desision. Nu addan ti desision, maisubli met lang ti diperensia.
Para kadagiti saludsosd ti dagiti agtagibalay ti direkta a pabalay, tawagaan laeng ti Individual Assistance Housing Hotline wenno ti Hotline ti Pannakaasistir kadagiti Indibidual ti Pabalay nga 808-784-1600.