FEMA ej woñmaanlok an jibañ kōn imōn jokwe ñan armej ro rekkar ioon jorrāān eo ilo Okwoj 8, 2023, jen kijeek ko relab ilo Maui jen Burokraam in Jibañ kōn Imōn Jokwe ilo Kōtaan Ien. Jino ilo Maaj 1, 2025, armej ro rekkar ioone jorrāān eo im rej ebōk jibañ jen burokraam in ñan imōn jokwe renaj aikuj jino kolla wonnen reen. Wonnen reen enaj ekkar ñan Wonnen Reen eo Riwia im Rikolla ro rej Errā Kake ilo Maui im emōj an jejjet jen Opij eo ej bōk eddoin Kakien ko ikijen Imōn Jokwe im Jikin ko Relab (Department of Housing and Urban Development) im eban lablok jen 30% in kolla eo an borwaj. Juon borwaj emaron lelok kajjitōk ikijen wonnen reen eo FEMA ej lelok.
Kajjitōk & Uwaak: Aikuj eo ikijen Wonnen Reen
K. Ñaat eo armej ro rej ebōk jibañ in imōn jokwe ilo kōtaan ien naj aikuj jino kolla wonnen reen?
U. Aoleb borwaj ko rej ebōk jibañ in Imōn Reen ilo Kōtaan Ien renaj jino kolla wonnen reen ñan FEMA ilo Maaj 1, 2025.
K. Ñaat eo borwaj ko renaj loe kōjella eo kōn aer aikuj jino kolla wonnen reen?
U. Borwaj ko rar loe kōjella ko ej lelok 90- 60- im 30-raan im ej kōjellaik er kōn aikuj eo ñan aer naj jino kolla wonnen reen ilo Maaj 1, 2025.
K. Ak ñe ijab maron kollaiki wonnen reen?
U. Leta eo ekoba melele ko kōn wāween aer lelok kajjitōk ñan kadiklok wonnen reen eo.
K. Ewi wāween aer kalikar wonnen reen eo?
U. Wonnen reen eo ej itok jen Wonnen Reen eo Riwia im Rikolla ro rej Errā Kake ilo 2025 jen Opij eo ej bōk eddoin Kakien ko ikijen Imōn Jokwe im Jikin ko Relab (Department of Housing and Urban Development, HUD) an Amedka ilo Maui koba ñan joñan eo borwaj eo emaron kollaiki.
Jikin Onlain eo an HUD: FY 2025 Kein Kamool eo Āliktata ñan Wonnen Reen eo Riwia im Rikolla Remaron Kollaiki — Kelet Jikin
K. Ñaat eo renaj lelok peba in wonnen eo ñan armej eo an ablikajon eo, im ta melele ko rebed ilo peba in muri eo?
U. Armej eo an ablikajon eo enaj loe muri in wonnen eo ilo Maaj 1 im muri eo kajojo borwaj enaj loe ej kalikar joñan eo remuri, wāween aer maron kollaiki, im ñaat eo aikuj kolla.
Kajjitōk & Uwaak: Madmōdin Lelok Kajjitōk kōn Wonnen Reen
K. Ñe ewōr an borwaj ko kajjitōk kōn aikuj eo ñan wonnen reen im madmōdin lelok kajjitōk, woñ eo rej kenono ibben?
U. Emōj rōjañ an borwaj ko rej ebōk jibañ kōn Imōn Reen ilo Kōtaan Ien kenono ibben rijerbal ro ej lelok rōjañ in bar kamool aer aikuj jibañ elañe ewōr jabdewōt aer kajjitōk kōn madmōdin lelok kajjitōk eo im ta peba in kamool ko rej aikuj ñan aer maron lomnak in kadiklok wonnen reen eo aer.
K. Ewi toon an borwaj ko aikuj lelok juon kajjitōk ñan aer kadiklok wonnen reen eo aer?
U. Ewōr 60 raan ñan an borwaj ko lelok kajjitōk ñan kadiklok wonnen reen eo aer jen raan eo renaj loe leta in kōjella ro ej lelok 30 raan im ej kōjellaik ern kōn aikuj in ñan wonnen reen. Elab an FEMA rōjañ an borwaj ko lelok kajjitōk ko aer ilo ien eo emokajtata ñan an madmōd kajjitōk eo mokta jen Maaj 1 im ej raan in jinoe eo. An rumij lelok peba in kanne ko ñan lelok kajjitōk emaron kaitoklok madmōd eo ñan jemlok eo kōn wonnen reen.
K. Ewi wāween an borwaj ko lelok kajjitōk ñan jañiji wonnen reen eo aer?
U. Ñan lelok juon kajjitōk, borwaj ko rej aikuj kōmelele ilo jeje wūnin aer jab maron kollaiki wonnen reen eo emōj kalikar innem likūt peba in kamool ko ñan an koba ibben keij eo aer..
Ilo leta in kajjitōk eo aer, borwaj ko rej aikuj lelok tibidkin melele ko kōn wonnen ko rej kollaiki, ekoba loon in mweo mweir, eowoj ko an mweo, injuran eo an mweo rar wia/reen, im jarom einwōt jarom, aeboj, kiaj, im woil.
Waan joñak in peba ko remaron bōki:
- Federal W-2 peba ko (ñe ejab peba ko rej edab ibben jek in kolla ko an kiō) ñan aoleb armej ro rej jokwe mweo im rerūttolok jen 18 aer iiō.
- Juon rekoot in kolla eo ñan loon in mweo ak kwon in reen eo.
- Juon kabe in muri in eowoj eo an mweo kiō ñe ejab juon jek emōj an kaanjel.
- Juon kabe in peba eo ej kalikar wonnen kakien in injuran eo an kiō ñe ejab jek emōj an kaanjel.
- Juon kabe in peba in wonnen ko kiō ñe ejab jek ko emōj kaanjel ñan kolla in wonnen jarom.
Ilo am jab lelok peba in kamool eo rej aikuj, kōm bañ maron in lomnak an diklok wonnen reen ñan armej ro ilo mweo.
K. Ta eo enaj walok elañe ejab madmōd kajjitõk eo an juon borwaj mokta jen Maaj 1, 2025?
U. Ilo wāween in, borwaj ko rej kattar jemlok eo āliktata kōn wonnen reen eo aer renaj aikuj kollaiki aoleben wonnen reen eo mae ien emōj an kōmman juon jemlok. Ilo ien eo emōj an kōmman juon jemlok FEMA enaj karoollok oktak in wonnen eo.
Ñan borwaj ko rej kōjerbal jibañ jen burokraam eo ej lelok Imōn Reen ilo Kōtaan Ien im ewōr aer bar kajjitōk kall e Lain eo ñan Jibañ Kajojo Armej ilo 808-784-1600.