Nu sika ket nakalasat ti nakaro nga uram iti Maui itay tawen 2023 ken sika ket karaman iti Direkta a Pabalay a Programa ti FEMA, dagiti sumaganad nga impormasion ket mabalin a makatulong kenka seknan ti proseso ti panagbayad ti upa. Maysa kadagiti kapapategan a kasapulan para kadagiti amin a partisipante ti Direkta a Pabalay ket ti panagbayad ti upa. Ti saan a panagbayad ti upa iti husto nga oras ket mangitunda ti pannakapukawmo iti pannakaibaba iti balor ti upam, kasta pay iti posible a pannakaikkat mo iti temporario a direkta a pabalay a programa ti FEMA ken iti agdama a yunit.
DAGITI SALUDSOD KEN SUNGBAT: Dagiti Pagpilian ken Bilin a Nasken a Masurot iti Panagbayad ti Upa
Saludsod: Inton kaanu a kasapulan a mangrugi nga agbayad ti upa dagiti partisipante iti Direkta a Pabalay.
SUNGBAT: Sipud Marso 1, 2025, amin a sangkabalayan ti Direkta a Pabalay ket kasapulan nga agbayad ti binulan a renta iti FEMA.
SALUDSOD: Kasanu a maawat dagiti partisipante ti deklarasion wenno detalye ti upada?
SUNGBAT: Maawat dagiti sangkabalayan ti deklarasion wenno detalye ti upada iti agdama nga adres wenno balay a pagnanaedan ken maala ti aplikante ti deklarasion wenno aniaman a pakaseknan ti kwenta ti upada babaen iti panagturongda iti FEMA account online wenno iti akawntda a nakakonekta iti internet ken sapulen iti agdama a komunikasion. Nu kasta nga awan ti akawntda iti internet wenno iti makunkunana nga online account ti aplikante, bumisitada laeng iti maysa kadagiti dua nga agsinnango a sentro wenno opisina a masarakan iti Opisina ti Recovery Lahaina Gateway Center wenno Kakoo Maui iti Maui Mall ken maysa a pannakabagi ti FEMA ti mangasistir.
SALUDSOD: Kasanu nga ipatulod dagiti partisipante ti bayadda ti upa?
- Telepono:
- Tawagan ti 886-804-2469 Lunes aginggana Biernes manipud 9 ti bigat aginggana 4 ti malem EST ( Oras ti Akin-daya a Paset a Pagibasaran ket agdama nga innem nga oras a nasapsapa iti oras iti Hawaii)
- Dagiti mabalin wenno a maawat a wagas ti panagbayad usar iti telepono
- Bank account (ACH) wenno kwenta iti bangko
- Debit or credit card wenno kard ti debit wenno kredito
- Tseke wenno Money Order nu sadinno usar ti maysa dokumento kas wagas ti panagbayad a mabalin mausar iti FEMA.
- Koreo iti Estados Unidos: FEMA, PO Box 6200-16, Portland, OR 97228-6200
WENNO
Alisto a panagipatulod babaen ti Overnight wenno Courier:
U.S. BANK-Government Lockbox, ATTN: DHS-FEMA-6200-16,
17650 NE Sandy Blvd, Portland, OR 97230
Isubli dagiti tseke iti Departamento ti Pagipenan ti Kuarta iti Estados Unidos babaen ti koreo iti Estados Unidos:
- U.S. Department of the Treasury, ATTN: Treasury Check Return,
PO Box 51318, Philadelphia, PA 19115
- Elektroniko a panagbayad:
- Online iti www.pay.gov
- Dagiti mabalin wenno a maawat a wagas ti panagbayad usar internet wenno online
- Bank account (ACH) wenno kwenta iti Bangko
- PayPal account
- Venmo account
- Debit or credit card wenno kard ti debit wenno kredito
SALUDSOD: Kasanu nga agbayad dagiti partisipante ti upa usar ti elektroniko a panagbayad?
- Agturong iti www.pay.gov
- I-type ti “FEMA” iti kahon ti pagbirukan (puraw a kahon a masarakan iti akinkannnawan a ngato a paset ti pahina)
- Iti resulta ti panagbirok, saraken ti FEMA Finance Center-Payment Form wenno Sentro ti Kuarta iti FEMA– Porma ti Bayad
- Click wenno ‘Pinduten’ [ Continue wenno ‘Ituloy”]
- Click wenno ‘Pinduten’ [Ituloy ti Porma]
- Kumpletuen ti Porma ti Ahensia
- Notice and Debt Letter (NDL) # wenno ti numero ti surat ti abiso ken utang ket masarakan iti surat partikular iti baba iti lugar a pagipatulodan wenno address.Binulan nga agbaliw daytoy numero.
- Pinduten [Ituloy]
- Kumpletuen ti Porma ti Bayad
- Pilien tapnu maiserrek ti email address tapnu maawat met ti kompirmasion ti email wenno suratroniko.
- Pinduten [Ituloy]
- Nakumpleton ti Proseso
SALUDSOD: Mabalin kadi a mangi-set-up wenno mangiplastar ti auto-pay wenno otomatiko a panagbayad ti upa usar ti elektroniko?
SUNGBAT: Saan pay maus-usar wenno awan pay ti presensia ti otomatiko a panagbayad ita a gundaway.
SALUDSOD: Mabalin agbayad ti cash wenno kuarta?
SUNGBAT: Saan a mabalin ti bayad a cash wenno kuarta.
SALUDSOD: Mabalin kadi a bayadak ti upa ti sabali a sangkabalayan?
SUNGBAT: Wen, kasapulam ti mangaramid ti sabali a bayad sipud ta adda iti kabukbukodan nga account number wenno numero ti kwenta ti kada sangkabalayan. Nu naipatulod babaen ti tseke, iraman ti maikatlo a pahina manipud ti NDL a surat ken isurat ti numero ti NDL iti memo line wenno linya iti memo iti tseke.
SALUDSOD: Inton kaanu a bayadan ti upa?
SUNGBAT: Kasapulan a bayadan ti upa iti uneg ti 30 aldaw manipud ti umuna nga aldaw ti kada bulan.
SALUDSOD: Kasanu ngarud nu agbayad ti partisipante kalpasan ti 30 aldaw?
SUNGBAT: Dagiti bayad a naaramid iti labes ti umuna iti kada bulan ket maibilang a naladawen ken maikabil iti makunkuna a naladaw a panagbayad iti babaen ti FMR iti yunit nga inda ok-okuparan ken dagiti multa wenno dusa iti binulan a bayad para ti yunit kas koma dagit bayad ti panangmanehar dagidi sanikua, bayad iti inspeksion ti pannakamentenar, ken bayad kadagiti dadduma pay a napapateg a serbisio ken sanikua.
Nu saan nga agbayad ti buo ti sangkabalayan iti HUD Patas a Renta iti Merkado ken dadduma pay a mainaig a bayad, maikkatda manipud iti agdamada a yunit ken iti Direkta a Pabalay a Programa ti FEMA.
SALUDSOD: Kasanu ngarud nu kayatko ti tumalawen iti temporary a yunitko iti pabalay ti FEMA?
SUNGBAT: Nu adda iti naseguridad a permanente a pabalay wenno kayatmo ti tumalaw iti yunitmo iti FEMA para ti sabali a rason, abisuan laeng ti tagabayabay mo ti sertipikasion. Nu bakantem ti yunit iti maudi a paset ti bulan, saan ka a responsablen ti sumaruno a bulan a renta. Saan nga agpru-prorate wenno bingayen maibasar ti proporsion iti binulan a renta. Nu tumalaw ka iti yunit mo iti FEMA iti aniaman a gundaway iti bulan, responsibilidad mo a bayadan ti upa ti buo para iti dayta a bulan.
SALUDSOD: Siasinno ti tawagak wenno kontakek nu adda dagiti saludsodko seknan nu kasanu ti agbayad?
SUNGBAT: Tawagan ti 886-804-2469 Lunes aginggana Biernes manipud 9 ti bigat aginggana 4 ti malem EST ( Oras ti Akin-daya a Paset a Pagibasaran ket agdama nga innem nga oras a nasapsapa ngem iti oras iti Hawaii) wenno ag-email wenno agipatulod ti mensahe iti suratroniko FEMA-Finance-AccountsReceivable-Deposits@FEMA.dhs.gov.
Nu agusar ti naduma-duma a klase ti serbisio a pangkomunikasion tapnu laeng maipadanun ti mensahe, maipakpakaasi nga ited iti FEMA ti nalawag wenno espesipiko a numero a naikabil para iti dayta serbisio.