Աջակցություն զանգվածային տարհանման ժամանակ

Release Date:

Հունիս 29, 2023

FEMA-ի բնակչության բուժխնամքի և արտակարգ իրավիճակներում օգնության ծրագիրը կարող է աջակցել աղետից տուժած նահանգների իշխանություններին և ընդունող նահանգների իշխանություններին՝ աղետներից տուժածներին/տարհանվածներին, նրանց տնային կենդանիներին և ուղեկցող կենդանիներին տրամադրելով կենսապահովման անհրաժեշտ ծառայություններ և ռեսուրսներ։ Բնակչության բուժխնամքի և արտակարգ իրավիճակներում օգնության ծրագրով աջակցությունը տրամադրվում է տեխնիկական օգնության, համակարգման, հաղորդակցման և սահմանված ռեսուրսների տեսքով։

Լիազոր մարմիններ

Ռոբերտ Թ․ Սթեֆորդի Աղետների հետևանքների վերացման և արտակարգ իրավիճակներում օգնության տրամադրման մասին օրենքի բաժիններ 402, 403 և 502, Հանրային օրենքի 93-288 հոդվածներ, ինչպես կոդավորված է 42 U.S.C. §§ 5170a, 5170b և 5192 հոդվածներում։

Պատասխանատվություններ

Նախքան իրադարձությունը

Տեխնիկական օգնության տրամադրում՝ զանգվածային տարհանման ժամանակ միջգերատեսչական աջակցության ձևանմուշների, նահանգային, տեղական, ցեղային և տարածքային (SLTT) պետական պլանների, ուսուցման նյութերի և այլ գործիքների մշակման համար, որոնք նախատեսված են ուժեղացնելու և ընդլայնելու կառավարության օժանդակությամբ իրականացվող տարհանվողների փոխադրմանն աջակցելու պետության կարողությունը։
Առաջավոր փորձի և քաղած դասերի վերլուծում և ներդրում տարհանվողներին ցուցաբերվող աջակցության համար իրականացվող պատրաստվածության գործողություններում։
Համաձայնագրերի մշակում՝ զանգվածային տարհանումների ժամանակ ցուցաբերվող աջակցության համար ռեսուրսների, ծրագրերի և ծառայությունների տրամադրման նպատակով։
Միասնական գործընթացների և մեխանիզմների համակարգում պետական գերատեսչությունների, SLTT-ների, հասարակական կազմակերպությունների (ՀԿ-ներ) և մասնավոր հատվածի հետ՝ մեծացնելու զանգվածային տարհանման ժամանակ ցուցաբերվող աջակցության ազգային, տարածաշրջանային և SLTT կարողությունները։
Աջակցություն ընդունող նահանգի (նահանգ, որը համաձայնում է աջակցություն ցուցաբերել տուժած նահանգի անհատների տարհանման և (կամ) նրանց կացարանով ապահովման հարցում) համաձայնագրերի կատարմանը։
Ուսուցում, վարժանքների անցկացում և զանգվածային տարհանումների ժամանակ աջակցության ցուցաբերում դաշնային այլ մարմիններին, SLTT-ներին և ՀԿ գործընկերներին։
Ներքին գործընկերների, այդ թվում՝ FEMA-ի արձագանքման, վերականգնման, լոգիստիկ կառավարման և ազգային պատրաստվածության տնօրինությունների, պետական օգնության բաժնի, հաշմանդամություն ունեցող անձանց ինտեգրման և համակարգման գրասենյակի և դիմումների մշակման ծառայության ազգային կենտրոնի մասնագետների զինում փորձագիտական հմտություններով։

Արձագանք և վերականգնում

Փոխգործակցում դաշնային այլ գործակալությունների, հայտարարված և ընդունող SLTT-ների, FEMA-ի լոգիստիկ կառավարման տնօրինության, ՀԿ-ների և այլ գործընկերների հետ՝ մշտադիտարկելու, վերլուծելու և հաստատելու SLTT-ների կարիքը մարդկային և նյութական ռեսուրսների, ծրագրերի և ծառայությունների հարցում և աջակցության ցուցաբերում նրանց։
Փորձագիտական կարողությունների զարգացում և տեխնիկական օգնության ցուցաբերում FEMA-ի արձագանքման համակարգման ազգային կենտրոնում (NRCC), Տարածաշրջանային արձագանքման համակարգման կենտրոնում (RRCC), Համատեղ տեղական գրասենյակներում (JFO), Գործառնական առաջնային կենտրոնում (IOF), Արտակարգ իրավիճակում գործողությունների ձեռնարկման (EOC) STT կենտրոնում և տեղական այլ գրասենյակներում։
Ռեսուրսների, այդ թվում՝ սարքավորման, նյութերի, պարագաների, տարածքի և անձնակազմի տրամադրում՝ առաքելության առաջադրանքների, պայմանագրերի և այլ մեխանիզմների միջոցով զանգվածային տարհանումներին աջակցելու նպատակով։
Ռեսուրսների կարիքի, անբավարարության և սահմանափակող գործոնների նույնականացում և տեղեկությունների տրամադրում FEMA-ի ստորաբաժանումներին, դաշնային այլ գործակալություններին, SLTT-ներին, ՀԿ-ներին և մասնավոր հատվածի գործընկերներին։

Իրագործման ազդակներ

Աղետների մասին նախագահական հայտարարություններ (ինչպես արտակարգ իրավիճակների, այնպես էլ խոշոր աղետի մասին), որոնք ներառում են զանգվածային տարհանման խնդիրներին առնչվող արտակարգ իրավիճակի պաշտպանիչ միջոցառումները պետական օգնության տեսքով։