ʻOku ngaue vaofi ʻa E FEMA pea mo e Tafa’aki Tokanga’i ‘o e Pisinisi Iiki ‘o ‘Amelika, ʻa ia ʻoku ne ʻomi ha ngaahi no ki ha fakatamaki ki he kau ma’u ‘api, nofo ‘api nofo totongi, ngaahi pisinisi mo e ngaahi kautaha ʻoku ʻikai fakatupu paʻanga. ʻE lava ke kau ‘i he ngaahi no fakatamaki ‘a e SBA ʻa e ngaahi mole ʻoku ʻikai ke totongi kakato ʻe he maluʻi pe ngaahi maʻuʻanga tokoni kehe. Ko e SBA ko e maʻuʻanga tokoni lahi taha ia ʻo e tafa’aki paʻanga fakaakeake ʻa e pule’anga maʻa e kau hao moʻui.
- Hili hoʻo kole ki he tokoni ki he fakatamaki mei he FEMA, ʻe lava ke ’ave koe ki he SBA. Kapau te ke maʻu ha tohi kole no SBA, ʻoku poupouʻi koe ke ke fakafonu ia pea fakafoki ia ki SBA.
- ʻE lava ʻe he ʻikai ke fakafoki ʻa e tohi kole no SBA ʻo taʻofi koe mei ha ngaahi tokoni fakapaʻanga kehe mei he FEMA pe ngaahi maʻuʻanga tokoni fakapaʻanga kehe.
- Ki he fanga kiʻi pisinisi iiki, fanga kiʻi kautaha ngoue iiki, fanga kiʻi pisinisi ki tahi iiki mo e ngaahi kautaha ʻoku ʻikai fakatupu paʻanga fakatautaha fakafo’ituitui, ʻoku ʻoatu ʻe he SBA ha Ngaahi No ki he Uesia Fakaʻekonomika ke tokoni ʻi hono feau e ngaahi fiemaʻu toengamo’ua ʻoku fakatupu ʻe he vela. Ko e tokoni No ki he Uesia Faka’ekonomika ’oku ’ata ’o tatau ai pe pe ’oku uesia ’a e pisinisi ʻi ha faʻahinga maumau fakatuʻasino.
- ʻOku ʻoatu ʻe he SBA ʻa e ngaahi no ki he fakatamaki ko ʻeni ki he vela ’i Maui:
- Ngaahi no ʻapi – Ngaahi no ʻapi a’u ki he $500,000 ki hono fakaleleiʻi pe fetongi ʻo ha ngaahi ’api pea aʻu ki he $100,000 ke fakaleleiʻi pe fetongi e ngaahi me’a fakatautaha hange ko e vala, naunau fale, ngaahi meʻangaue pe ’u me’alele ki he kau ma’u ’api mo e nofo fale nofo totongi.
- Ngaahi no Pisinisi – A’u ki he $2 miliona ki hono fakaleleiʻi pe fetongi ʻo e ’api, ngaahi me’a ngaue fakapisinisi, misini, meʻangaue mo e ngaahi fakamole kehe kotoa pe.
- Ngaahi no ki he Uesia Faka’ekonomika – ʻo aʻu ki he $2 miliona ke fakakake mei ha uesia fakaʻekonomika naʻe fakatupu ʻe he vela.
- ʻE maʻu ha fakamatala lahi ange: vakai ki he https://www.sba.gov/hawaii-wildfires.
- Hili hono fakahaaʻi ha fakatamaki, ʻe lava ke toe lahi ange ʻa e no SBA ʻo a’u ki he peseti ʻe 20 ʻo e maumau ki he fakatamaki kuo fakapapau’i, ke totongi ‘a e ngaahi fakalelei te ne fakasiʻisiʻi ʻa e fakatuʻutamaki mei he maumau ʻi he kahaʻu.
- Ko e ngaahi Senita Fakaakeake Pisinisi ’a e SBA ’oku tokoni ki he kau hao moʻui mei he afi ’i he ongo vahefonua’o Honolulu mo Maui. Kau ma’u ‘api Maui, kau totongi ‘api nofo ‘api nofo totongi mo e ngaahi pisinisi kuo nau tukuhausia mo e ngaahi pisinisi ʻi he ngaahi fie maʻu fakapa’anga fakatupu ʻe he vela, ʻe lava ke nau ʻaʻahi ki ha Senita Fakaakeake Pisinisi. Ko e kau ma’u pisinisi iiki mei he Motu Lahi, Kaua’i pe O’ahu, ’oku talitali lelei kimoutolu ’e he ngaahi senita ko ’eni.
- E tali ʻe he kau fakafofonga SBA ʻa e ngaahi fehuʻi fekauʻaki mo e polokalama no fakatamaki ʻa e SBA, fakamatalaʻi ʻa e founga kole no pea tokoni ki he tokotaha pisinisi takitaha pe taautaha ke fakakakato ʻenau tohi kole no fakaʻilekitulonika. Ko e ngaahi feituʻu ʻeni ʻoku tuʻu ai e senitaá:
Vahefonua Maui
Hawaii Technology Development Corp. Maui Research Technology Center Building A, Suite 119 (Conference Room) 590 Lipoa Parkway
Kihei, HI 96753
Ngaahi Hounga Angamaheni: 8 pongipongi ki he 5 efiafi. Monite ki he Falaite; 10 pongipongi ki he 2 efiafi. Tokonaki
Tapuni: ‘Aho ‘o e Kau Sotia, Tokonaki, Nov. 10
Vahefonua Honolulu
Hawai‘i Foreign - Trade Zone No. 9
521 Ala Moana Boulevard, Suite 201, Pier 2
Honolulu, HI 96813
Ngaahi Hounga Angamaheni: 9 pongipongi ki he 6 efiafi. Monite ki he Tokonaki
Tapuni: ‘Aho ‘o e Kau Sotia, Tokonaki, Nov. 10
ʻE lava ke fakahoko ’a e tohi kole ʻi he ʻInitaneti, maʻu ha fakamatala tokoni kehe ki he tokoni ki he fakatamaki pea ma’u ʻa e ngaahi polokalama ʻi he https://www.sba.gov/hawaii-wildfires. ʻE lava foki ke telefoni ʻa e kau tohi kole ki he Senita Talitali Kakai ʻa e SBA ʻi he 800-659-2955, pe ʻimeili ki he disastercustomerservice@sba.gov ke maʻu ha fakamatala lahi ange ki he tokoni fakatamakii ʻa e SBA.
Ki he ngaahi fakamatala fakamuimuitaha ʻi he ngaahi ngaue fakaakeake mei he afi ’i Maui, vakai ki he mauicounty.gov mo e fema.gov/disaster/4724. Muimui ‘i he FEMA ʻi he mitia fakasosiale: @FEMARegion9 mo e facebook.com/fema.