Florida Hurricane Milton

Sarado na ngayon: Panahon ng Pag-aaplay para sa Tulong sa Kalamidad

Ang unang panahon ng aplikasyon para sa kalamidad na ito ay nagsara na, ngunit ang pagpapagaling mula sa kalamidad ay nagpapatuloy. Ang FEMA ay patuloy na tumatanggap ng mga huling aplikasyon sa loob ng 60 araw pagkatapos ng pagtatapos ng mga panahon ng aplikasyon. Para maisaalang-alang ng FEMA ang iyong huli na aplikasyon, kakailanganin mong ipaliwanag ang dahilan ng pagkaantala sa pamamagitan ng telepono, sa pamamagitan ng sulat o nang personal. Ang FEMA ay hindi knangangailangan ng pagsumite mo ng pansuportang dokumentasyon para sa iyong pangangatwiran. Rerepasuhin ng FEMA ang mga huling aplikasyon sa bawat kaso.

Nag-apaly ako para sa Tulong. Ano ang Susunod?

Pagkatapos mag-aplay para sa tulong, ang iyong kahilingan ay rerepasuhin upang matukoy kung ang inspeksyon ay kinakailangan upang i-verify ang pinsalang nauugnay sa kalamidad sa iyong tahanan at personal na ari-arian. Maaaring makipag-ugnayan sa iyo ang mga kawani at inspektor ng FEMA upang talakayin ang iyong pinsalang dulot ng kalamidad.

Maaari ding humiling ang FEMA ng higit pang impormasyon upang suportahan ang iyong pagiging karapat-dapat para sa tulong o impormasyong nauugnay sa iyong mga partikular na pangangailangang nauugnay sa kalamidad na tinukoy sa iyong aplikasyon. Kung kailangan ito, makakatanggap ka ng sulat mula sa FEMA na nagbabalangkas ng impormasyong kailangan.

Matuto pa tungkol sa kung ano ang aasahan

Repasuhin ang Desisyon ng FEMA

Kapag narepaso na ng FEMA ang iyong aplikasyon, ang mga resulta ng inspeksyon at/o dokumentasyong isinumite, makakatanggap ka ng liham na nagpapaliwanag:

• kung naaprubahan ka para sa tulong
• gaano karaming tulong ang matatanggap mo
• kung paano dapat gamitin ang tulong
• kung paano iapela ang desisyon ng FEMA kung hindi ka sang-ayon dito

Ang liham ay ipapadala sa iyo sa pamamagitan ng email o koreo batay sa iyong napili noong nakumpleto mo ang iyong aplikasyon.

Maaaring nakatanggap ka ng impormasyon tungkol sa isang pautang sa kalamidad ng Administrasyon ng Maliliit na Negosyo ng Estados Unidos (SBA) para sa mga karagdagang hindi natutugunan na pangangailangan. Para sa mga kalamidad na idineklara bago ang Marso 22, 2024, maaaring kailanganin mong magsumite ng aplikasyo sa pautang ng SBA bago isaalang-alang para sa ilang uri ng tulong sa FEMA. Matuto pa tungkol sa mga pautang ng SBA at kung paano nauugnay ang proseso ng aplikasyon ng pautang ng SBA sa tulong sa kalamidad ng FEMA.

Maraming Wika na Mga Mapagkukunan

Mahahanap mo ang mga grapiko ng social media na may mahalagang mensaheng pangkaligtasan sa iba't ibang wika, kabilang ang Ingles, Tsino, Espanyol at Biyetnames.

Mayroon din kaming mga video sa American Sign Language (ASL) sa mga paksa kabilang ang:

• Maaaring Kwalipikado ang mga Nangungupahan para sa Tulong Pederal
• Pag-unawa sa Iyong Liham