HONOLULU – Doulul ko rejab bejnej, ekoba imõn jar ko, im rekkar jorrāān jen kijeek im kõto ko relab ilo Bukon eo an Maui mõttan juon aer wiik– mae Wenje, Oktoba 25 – ñan lelok peba in Kajjitõk Jibañ in Kien jen FEMA.
Ejab jorrāān wõt ko ñan enbwinnin armij ekoba ilo burokraam in Jibañ in Kien jen FEMA. Doulul ko rejab bejnej ilo bukon ko an Maui im Hawaiʻi remaron bar lelok peba in Kajjitõk Jibañ in Kien ñan an roollok wonnen ko remaron tõbrak ikijen kejbarok em, ial, im kein jerbal ko ilo jikin ko.
Burokraam eo an Jibañ in Kien ej lelok jāān in jibañ ñan opij ko an kien im bareinwõt doulul ko rejab bejnej im ejab an kien ñan jolok joknej, jerbal in jibañ ko ñan kejbarok ilo idin ien im em, ial im jikin ko rejorrāān im emõj aer jako ilo jukjukinbed eo mokta jen kar kijeek im kõto ko relab ilo kar Okwoj 8.
Ñan doulul ko rejab bejnej im ejab an kien, ekoba imõn jar ko, madmõdin ablikajon eo enaj ekkar ñan doulul eo ejab bejnej im ejab an kien ej laajrak iomwin an maron lelok jerbal in jibañ ko ikijen jorrāān kauwōtata ak jerbal in jibañ ko rejab ikijen jorrāān kauwõtata ak raurok ñan armij ro ilo jikin eo.
Doulul ko rejab bejnej im ejab an kien im rej lelok jerbal in jibañ ko ikijen jorrāān kauwōtata, einwõt jikin taktõ im jarom ko, remaron kaju kateruru ibben FEMA ñan jāān. Jet doulul ko rejab bejnej im ejab an kien, ekoba imõn jar ko, emõj laajrak rej lelok jerbal in jibañ ko rejab ikijen jorrāān kauwõtata ak raurok ñan armij ro ilo jikin eo rej mokta aikuj kateruru ñan loon eo ediklok orlok ikijen jorrāān jen ibben U.S. Small Business Administration (Opij eo an Amedka ej Jibañ Bejnej ko Redik).
Doulul ko rejab bejnej rejab aikuj kattar juon jemlok jen SBA ñan aer maron kateruru ibben FEMA.
Emõj rõjañ an imõn jar ko im doulul ko jet rejab bejnej lelok Kajjitõk ñan Jibañ in Kien iomwin burokraam in jāān in jibañ jen Jibañ in Kien an FEMA. Raan eo aliktata in lelok ej Wenje, Oktoba 25. Ñan melele ko realblok, kebaak Ritõl eo an Jibañ in Kien Brian Fisher ilo Hawaiʻi Emergency Management Agency (Opij eo ej Menija ñan Jibañ ko ilo Idin Ien ilo Hawai’i) ilo Brian.J.Fisher@hawaii.gov. Kwõmaron bar kall ae lok ilo 808-518-7985.
Ñe juon imõn jar ak bar juon doulul ejab bejnej ej lelok jerbal in jibañ ko rejab ikijen jorrāān kauwõtata ak raurok ñan armij ro ilo jikin eo ejab tõbrak ñan juon loon jen ibben SBA, ak ñe joñan loon eo ejab kollaiki wonnen an komman aoleben jorraan ko, FEMA emaron jiban. FEMA emaron bar lelok jaan nan kollaiki ta eo SBA ak injuran eo ear jab kolla wonnen.
Waan jonak ko rej jerbal in jibañ ko ikijen jorrāān kauwōtata ekoba aeboj, jikin an toor dan ettoonon im kein jarom ko; jikuul ko ejab an kien im rej lelok katak ko nan ajiri jidik im ajiri ro reruttolok; ak jikuul ko rej kaloj ak einwot. Waan jonak in jerbal in jibañ ko rejab ikijen jorrāān kauwõtata ak raurok ñan armij ro ilo jikin eo ekoba makutkut ko nan kolablok katak, jikin ko rej lale ajiri ak ruttto ilo raan, jikin jokwe ko an armij ro ewor aer utamwe, jikin jokwe ko rej lelok jiban im imon jokwe ko an armij ro edik kolla ko aer, jelter ko an armij ro ejellok imon aer jokwe im jiban ko ikijen kakajur im kemourour, im jikin ko armij ro ilo jukjukinbed eo rej etal nani im jikin alwoj ikkure im tieta ko.
Ñan melele ko rekāāl tata kin wāween kõmadmõd ko ñan jibañ kijeek ko relab ilo Maui, lale mauicounty.gov, mauirecovers.org im fema.gov/disaster/4724. Loore FEMA ilo social media: @FEMARegion9 im facebook.com/fema.