LITTLE ROCK, Ark. – ຖ້າບ້ານຂອງທ່ານໄດ້ຮັບຄວາມເສຍຫາຍໃນລະຫວ່າງການເກີດພະຍຸ ແລະ ທໍນາໂດຮຸນແຮງເມື່ອບໍ່ດົນມານີ້, ແຕ່ທ່ານຍັງສາມາດອາໄສຢູ່ໃນນັ້ນໄດ້ຢ່າງປອດໄພ, ທ່ານອາດຈະ ມີເງື່ອນໄຂໄດ້ຮັບເງິນເຖິງ $300 ຈາກ FEMA ແລະ ລັດເພື່ອຊ່ວຍໃນການທຳຄວາມສະອາດ. ການຊ່ວຍເຫຼືອນີ້ແມ່ນສຳລັບເຈົ້າຂອງບ້ານ ແລະ ຜູ້ເຊົ່າທີ່ມີສິດໄດ້ຮັບ, ເຊິ່ງແມ່ນຜູ້ທີ່ມີບ້ານໄດ້ຮັບຄວາມເສຍຫາຍລະຫວ່າງວັນທີ 24-27 ພຶດສະພາ.
ທ່ານອາດຈະມີເງື່ອນໄຂໄດ້ຮັບ, ຖ້າ:
- ທ່ານອາໄສຢູ່ໃນຄາວຕີ້ທີ່ກຳນົດໃຫ້ສຳລັບການຊ່ວຍເຫຼືອບຸກຄົນ: ປັດຈຸບັນແມ່ນຄາວຕີ້ Baxter, Benton, Boone ແລະ Marion.
- ຖ້າທ່ານເປັນເຈົ້າຂອງບ້ານເອງ ແລະ ການກວດກາຂອງ FEMA ກຳນົດວ່າມັນຖືກທຳລາຍໂດຍໄພພິບັດ, ແຕ່ຍັງສາມາດອາໄສຢູ່ໄດ້;
- ຖ້າທ່ານເປັນຜູ້ເຊົ່າ ແລະ ຜູ້ກວດກາບັນທຶກວ່າທ່ານສາມາດອາໄສຢູ່ໃນບ້ານ, ແຕ່ຈຳເປັນຕ້ອງມີການທຳຄວາມສະອາດ ຫຼື ໄດ້ທຳຄວາມສະອາດແລ້ວ.
- ຄວາມເສຍຫາຍແມ່ນບໍ່ໄດ້ຮັບການຄຸ້ມຄອງໂດຍປະກັນໄພ.
- FEMA ກຳນົດບ້ານທີ່ເສຍຫາຍຈາກໄພພິບັດຂອງທ່ານມີຄວາມປອດໄພທີ່ຈະເຂົ້າຢູ່ໄດ້.
- ທ່ານເກັບຮັກສາໃບຮັບເງິນຈາກການສະໜອງໃຫ້ໃດໜຶ່ງ, ວັດສະດຸ ຫຼື ການຊ່ວຍເຫຼືອທີ່ໄດ້ຈ່າຍເງິນ.
ເພື່ອສະໝັກຂໍການຊ່ວຍເຫຼືອ FEMA, ເຂົ້າເບິ່ງທີ່ DisasterAssistance.gov, ດາວໂຫຼດ ແອັບ FEMA ຫຼື ໂທຫາສາຍດ່ວນໃຫ້ການຊ່ວຍເຫຼືອ FEMA ທີ່ 800-621-3362. ຮັບສາຍໂທຕັ້ງແຕ່ເວລາ 6 ໂມງເຊົ້າ ຫາ 10 ໂມງແລງຕາມເວລາກາງ. ການຊ່ວຍເຫຼືອແມ່ນມີໃຫ້ເກືອບທຸກພາສາ; ຖ້າທ່ານໃຊ້ການບໍລິການສາຍສະຫຼັບເຊັ່ນ: ການບໍລິການສາຍສະຫຼັບວິດີໂອ (VRS) ຫຼື ການບໍລິການໂທລະສັບຂຽນຫົວຂໍ້ໃຫ້, ຈົ່ງເອົາເບີຂອງທ່ານໃຫ້ FEMA ສຳລັບການບໍລິການນັ້ນທີ່ທ່ານໂທ.
ສຳລັບການຊ່ວຍເຫຼືອເຊິ່ງໜ້າ, ເຂົ້າໄປສູນຟື້ນຟູໄພພິບັດ (Disaster Recovery Center), ເປີດ 7 ໂມງເຊົ້າ ຫາ 7 ໂມງແລງທຸກວັນທີ່:
Northwest Arkansas Community College
Becky Paneitz “Student Center,” SC 108
1211 SE Eagle Way
Bentonville, AR 72712
**ບ່ອນຈອດລົດແມ່ນມີໃຫ້ຢູ່ທີ່ 1202 ຖະໜົນ Water Tower ຢູ່ໃນກາລາຈອດລົດຫຼາຍຊັ້ນໃກ້ຄຽງ.
ສຳລັບຂໍ້ມູນຫຼ້າສຸດ, ເຂົ້າເບິ່ງ fema.gov/disaster/4788. ຕິດຕາມບັນຊີ FEMA Region 6 X ຢູ່ທີ່ X.com/FEMARegion6 ຫຼື ໃນ Facebook ທີ່ facebook.com/FEMARegion6/.